Gamla verslunin í Vaglaskógi jöfnuð við jörðu
Helen Jónsdóttir við verslunina áður en hafist var handa við niðurrifið.
Myndir Helen Jónsdóttir
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“
KSÞ á Svalbarðseyri hóf rekstur verslunar í Vaglaskógi fyrir 80 árum, árið 1945. Verslunin var rekin til ársins 1993. Síðar var önnur verslun rekin yfir sumarið inni í skóginum en henni hefur sömuleiðis verið lokað. Hægt er að kaupa veitingar í golfskálanum við Lundsvöll.
Það muna margir eftir þessu útliti
Helen átti í eina tíð heima skammt frá versluninni í Vaglaskógi og vann þar í 6 góð ár, „með óskaplega skemmtilegu fólki og þær minningar eru góðar,“ segir hún og bætir við að bíltúrar sem farnir voru í gamla daga skilji einnig eftir sig góðar minningar.
Eflaust vakna minningar hjá sumum
Þó nokkuð umsvif
„Það var hægt að kaupa allt í þessari verslun og íbúar í Fnjóskadal keyptu þar allt sem vantaði til heimilisins. Það var hægt að panta vörur og fá sendar heim, bara hringja í verslunina og við tókum saman og pósturinn fór með heim á bæina,“ rifjar Helen upp. Úrvalið var talsvert og umsvifin þó nokkur þegar verslunin var upp á sitt besta.
Helen og Vilhjálmur Valtýsson maður hennar reka fyrirtækið Jarðverk sem sá um niðurrifið og gekk verkið vel. Hún segir að húsið hafi verið mjög illa farið og í raun hættulegt. „Annað var ekki hægt en rífa húsið, og þó fyrr hefði verið,“ segir hún.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.