Hamrastígur og Kirkjugarðsstígur Finnur ehf bauð lægst í stígagerðina
Hamrastígur
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.
Jónas Valdimarsson verkefnastjóri hjá Akureyrarbæ segir að Hamrastígur verði um það bil 600 metra langur. Fyrstu 200 metrarnir eða svo verða á gömlum reiðvegi sem breytt verður í göngustíg. Þaðan liggur leiðin upp að tjaldstæðinu á Hömrum. „Sett verður lýsing og vonandi líka malbik,“ segir hann.
Þrjú tilboð bárust í Hamrastíginn, en um er að ræða hluta af stígakerfi frá Hagahverfi og inn í Kjarnaskóg og upp að Hömrum.
Kostnaðaráætlun var upp á rúmlega 25,5 milljónir króna. Finnur ehf bauð tæpar 23,3 milljónir króna, um 91% af áætluðum kostnaði. Geitur og gröfur og Þverárgólf buðu einnig í verkið.
Kirkjugarðsstígur
Kirkjugarðsstígur verður lagður í og við Kirkjugarða Akureyrar en Jónas segir Akureyrarbæ bera skyldu til að leggja dren á þeim slóðum og stígurinn komi í framhaldinu svo að segja sjálfkrafa. Drenlögnin sé á um 3 metra dýpi. „Skurðurinn verður því breiður og fyrir vikið er kjörið að nýta það svæði fyrir stíg. Utan kirkjugarðsins verður stígurinn framlengdur að hringtorginu við Miðhúsabraut/Naustabraut, um það bil 90 metra, en innan kirkjugarðs verða um það bil 150 metrar,“ segir Jónas.
Kostnaðaráætlun vegna Kirkjugarðsstígs er 18,5 milljónir króna. Finnur ehf bauð rúmar 13,6 milljónir eða 74% af áætluðum kostnaði. Geitur og gröfur buðu einnig í verkið.
Verklok beggja verkefna eru áætluð í haust.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.