Samorkuþing fjölmenn ráðstefna í orku- og veitumálum hefst á Akureyri á fimmtudaginn
Fjölsóttasta innlenda ráðstefan í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. Frá þessu segir í tilkynningu frá Samorku.
Á dagskrá eru 140 fyrirlestrar um hin fjölmörgu viðfangsefni orku- og veitugeirans, en framundan eru gríðarlegar breytingar á orku- og veitukerfum landsins og miklar fjárfestingar.
Hægt er að sjá dagskrána í heild sinni hér https://samorkuthing.is/dagskra/ en við vekjum sérstaka athygli á opnunar- og lokamálstofu þingsins þar sem stór og mikilvæg málefni verða rædd með þungavigtarfólki.
Stutt lýsing á opnunarmálstofu, Samtal við samfélag: Orku- og veitufyrirtæki bera mikla ábyrgð á að vernda, varðveita og byggja upp orku- og veituinnviði sem þjóna samfélaginu og almannahagsmunum – hreint vatn, heitt vatn og stöðugt aðgengi að orku á öruggan og sjálfbæran hátt. Þessir innviðir verða ekki byggðir upp nema í sátt við samfélagið. Opnunarmálstofa Samorkuþings 2025 leggur áherslu á nauðsyn gagnsæis, samvinnu og trausts í öllum ákvörðunum sem snerta fólk og umhverfi. Þar sem einstaklingar og samfélög þurfa að gefa eftir – þarf skýra sýn á að það sé gert í þágu heildarinnar. Þessi málstofa markar upphaf að opnu og heiðarlegu samtali við samfélagið, um samfélagið og fyrir samfélagið. Málstofan hefst á ávarpi ráðherra og stjórnarformanns Samorku, en svo verða pallborðsumræður undir stjórn Breka Logasonar samskiptastjóra Orkuveitunnar með þeim Kristínu Lindu Árnadóttur, Guðmundi Inga Ásmundssyni og Páli Erland.
Stutt lýsing á lokamálstofu, Securing Iceland's Critical Infrastucture Resilience and Security in an European Context: Kastljósinu verður beint að orkuöryggi, vernd mikilvægra innviða og nýjum ógnum í alþjóðlegu samhengi. Framsögur flytja Kristian Ruby, framkvæmdastjóri Eurelectric og Karl Steinar Valsson, yfirlögregluþjónn hjá ríkislögreglustjóra. Að loknum framsöguerindum taka þeir þátt í pallborðsumræðum með Herði Arnarssyni, forstjóra Landsvirkjunar, Sólrúnu Kristjánsdóttur framkvæmdastýru Veitna og stjórnarformanni Samorku og Þorvaldi Jacobsen framkvæmdastjóra kerfisstjórnunar hjá Landsneti. Umræðum stýrir Sveinn Helgason, nýráðinn verkefnastjóri erlends samstarfs hjá Samorku. Málstofan fer fram á ensku.
Nýjast
-
Krabbameinsfélag Akureyrar og nágrenni og Ferðafélag Akureyrar Leið til að njóta náttúru og samveru
Krabbameinsfélag Akureyrar og nágrennis í samstarfi við Ferðafélag Akureyrar ætlar að bjóða upp á tvær göngur í maí og júní. Göngurnar eru fyrir einstaklinga sem greinst hafa með krabbamein og aðstandendur. -
Samorkuþing fjölmenn ráðstefna í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. -
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu