Rekstur Sjúkrahússins á Akureyri að mestu í jafnvægi á liðnu ári
„Starfsemin á liðnu ári var að mestu í samræmi við áætlun, en í henni var m.a. gert ráð fyrir minni skurðstarfsemi en áður," segir Halldór Jónsson forstjóri. Innlögnum fjölgaði en legudögum fækkaði lítillega. Ferliverk, þ.e. göngudeildarþjónusta drógust saman en fæðingum fjölgaði um 16% og hafa aldrei verið fleiri.
Forsendur starfsemis- og rekstraráætlunar fyrir þetta ár eru þær að starfsemin verði að mestu óbreytt miðað við fyrra ár og að ekki verði gripið til uppsagna. Dregið verður úr starfsemi sjúkrahússins yfir sumarmánuðina, frá miðjum maí og fram yfir miðjan september og eins í kringum páska og jól. Halldór segir að menn sjái ekki fyrir nú hvaða áhrif samdráttur á öðrum heilbrigðisstofnunum á Norður- og Austurlandi hafi á starfsemi sjúkrahússins á þessu ári, en líkur séu á að auka þurfi við þjónustuna sem aftur hefur í för með sér meiri kostnað. Því sé ljóst að endurskoða þurfi rekstrargrunn og starfsemi sjúkrahússins þegar líður á árið í ljósi fenginnar reynslu.
„Eins og staðan er núna ríkir óvissa um hvert umfang starfseminnar verður á þessu ári," segir Halldór. Framlög til heilbrigðisstofnana á svæðunum í kring hafi lækkað töluvert. „En við vitum ekki enn hvaða áhrif það hefur á hverjum stað né heldur hver þörfin verður fyrir aukna þjónustu Sjúkrahússins á Akureyri," segir Halldór. Gott samstarf við heilbrigðisstofnanir á Norður- og Austurlandi verði að tryggja til að unnt sé að styrkja góða þjónustu á svæðinu.
Halldór segir skipulag heilbrigðisþjónustu hér á landi hafa tekið töluverðum breytingum á undanförnum árum. „Fjárveitingar lækka en á sama tíma eru gerðar kröfur um meiri skilvirkni. Til að mæta þessum kröfum hafa starfsmenn leitað leiða til að veita líkt og áður fjölbreytta og góða þjónustu fyrir minni kostnað. Stofnanir hafa sameinast, starfsfólki fækkar og verkferlar hafa verið endurskipulagðir. „Því breytingatímabili sem við nú göngum í gegnum er ekki lokið," segir Halldór.
Sjúkrahúsið á Akureyri hafi mikilvægu hlutverki að gegna varðandi það að veita sérhæfða heilbrigðisþjónustu auk almennrar sjúkrahússþjónustu í sínu umdæmi. Því þurfi að tryggja stöðu þess og treysta þjónustugrunninn þannig að það geti á hverjum tíma sem best mætt lagaskyldum og þeim væntingum sem landsmenn hafa til þjónustunnar á hverjum tíma.
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
