Ótryggt sjúkraflug frá Húsavík
Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli.
Í bókun segir að eftir að ríkisstyrktu áætlunarflugi um Húsavíkurflugvöll var hætt í mars síðastliðnum sé staða sjúkraflugs um völlinn ekki örugg. „Gríðarlega mikilvægt er fyrir velferð og öryggi íbúa svæðisins að greið leið sé í viðeigandi heilbrigðisþjónustu og viðbragðstími sé sem stystur í neyðartilfellum,“ segir í bókuninni.
Byggðarráð tók undir með Rebekku að gríðarlega mikilvægt er fyrir velferð og öryggi íbúa og gesta svæðisins að greið leið sé í viðeigandi heilbrigðisþjónustu og viðbragðstími sé sem stystur í neyðartilfellum.
Byggðarráð fól sveitarstjóra að boða fulltrúa ISAVIA á fund ráðsins. Hjálmar Bogi Hafliðason, forseti sveitarstjórnar fagnar því að Rebekka hafi vakið athygli á málinu og segir að nú sé í gangi vinna hjá starfshópi sem fjallar um annars vegar áætlunarflugið og hins vegar sjúkraflugið.
„Varðandi áætlunarflugið þá eru hugmyndir um að koma Húsavík inn í fasa með Hornafirði, Ísafirði og Vestmannaeyjum. Mögulega náum við áætlunarflugi inn með þannig,“ segir Hjálmar og bætir við að varðandi sjúkraflugið sé þess krafist að ISAVIA standi við sínar skuldbindingar.
„Það er verið að benda ISAVIA á að þjónustan er ekki nægilega trygg til að halda úti sjúkraflugi. Við erum bara á þeim stað sem samfélag að við verðum að geta treyst á að ISAVIA standi við sínar skuldbindingar gagnvart því að hér sé hægt að fljúga sjúkraflug þegar þess gerist þörf og gott hjá Rebekku að vekja máls á því,“ segir Hjálmar.
Eru dæmi um að ekki hafi verið hægt að fljúga með hætt komna sjúklinga í sjúkraflugi? „Við vitum til þess að það hafi staðið tæpt og það vekur okkur til vissu um það að við þurfum að halda þessu á lofti og tryggja það að slíkt gerist ekki að sjúklingar komist ekki suður. Í fyrsta lagi býr hér margt fólk og svo er mikið af ferðafólki yfir sumarstímann. Við verðum að hafa aðgengi að traustu sjúkraflugi,“ segir Hjálmar að lokum
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.