Opnað fyrir umsóknir í Slipptöku Driftar EA
Þátttakendur í Slipptökunni 2025 Myndir aðsendar
Drift EA hefur opnað fyrir umsóknir í Slipptökuna, vettvang fyrir frumkvöðla sem vilja taka næsta skref með verkefnið sitt og þróa viðskiptahugmyndir áfram í öflugu stuðningsumhverfi. Að sögn Sesselju I. Barðdal Reynisdóttur, framkvæmdastjóra Driftar EA, eru áhrif Slipptökunnar farin að sjást víða í frumkvöðlasamfélaginu.
„Við erum farin að sjá verkefni sem hafa farið í gegnum Slipptökuna sækja sér fjárfestingu, fá styrki og taka stór skref í sinni þróun. Það er sérstaklega ánægjulegt að fylgjast með því hvernig hugmyndir sem voru á frumstigi verða að raunverulegum fyrirtækjum,“ segir Sesselja.
Í Slipptökunni taka þátttakendur þátt í vinnustofum þar sem unnið er markvisst að þróun viðskiptahugmynda og áætlana með stuðningi sérfræðinga og jafningja. Að loknu ferlinu geta teymi átt möguleika á áframhaldandi stuðningi í Hlunninum hjá Drift EA, þar sem boðið er upp á vinnuaðstöðu, ráðgjöf og möguleika á fjárfestingu.
Sesselja I Barðdal Reynisdóttir framkvæmdastjóri Driftar EA
Slipptakan var fyrst haldin árið 2024 og frá upphafi hafa alls 25 teymi tekið þátt. Verkefnin hafa verið fjölbreytt og endurspegla vaxandi grósku í nýsköpun á Norðurlandi.
„Við höfum í raun fengið alla flóruna af verkefnum, allt frá hugbúnaðarlausnum og öppum yfir í matvælaframleiðslu, orkuskipti og skapandi greinar. Það sýnir vel hversu mikil nýsköpunarorka er til staðar,“ segir Sesselja. Slipptakan sé kjörinn vettvangur fyrir þau sem vilja prófa hugmyndir sínar og þróa þær áfram. Slipptakan fer fram 13. maí - 4. júní og er umsóknarfrestur til og með 8. maí. Frumkvöðlar eru hvattir til að sækja um á vefsíðu Driftar EA - www.driftea.is/slipptakan
Nánari upplýsingar veitir Kolfinna María Níelsdóttir, leiðtogi markaðs- og viðburðamála á netfangið kolfinna@driftea.is
Frá þessu segir í tilkynningu.
Nýjast
-
Opnað fyrir umsóknir í Slipptöku Driftar EA
Drift EA hefur opnað fyrir umsóknir í Slipptökuna, vettvang fyrir frumkvöðla sem vilja taka næsta skref með verkefnið sitt og þróa viðskiptahugmyndir áfram í öflugu stuðningsumhverfi. Að sögn Sesselju I. Barðdal Reynisdóttur, framkvæmdastjóra Driftar EA, eru áhrif Slipptökunnar farin að sjást víða í frumkvöðlasamfélaginu. -
Brunnáin í ham
Á Facebooksíðu Skógræktarfélags Eyjafjarðar segir: -
Akureyri þarf skýra stefnu
Fram undan eru mikilvægar kosningar á Akureyri og nú skiptir máli að velja skýra stefnu sem styrkir undirstöður bæjarins. Það dugar ekki að tala í almennum frösum eða vísa ábyrgðinni annað og ætla að gera allt fyrir alla í von um að fiska atkvæði. Það þarf að taka afstöðu og vinna markvisst að þeim þáttum sem skipta mestu máli fyrir framtíð samfélagsins okkar. -
Fyrir okkur öll!
Það er stundum talað um „aldursvæn samfélög“ eins og um sé að ræða eitthvað sérstakt verkefni, næstum eins og bæir þurfi að ákveða einn góðan veðurdag að verða vinalegir eldri borgurum. En er það það sem átt er við? Hvað ef gott samfélag er einfaldlega þannig að það hentar öllum, frá fæðingu til grafar? -
Akureyrarlistinn ætlar að taka skýra stefnu í tæknimenntun grunnskólanna
Akureyrarlistinn ætlar að taka skýra stefnu í tæknimenntun grunnskólanna – og fara úr því að vera eftirbátur yfir í að vera í forystu. Í dag er einfaldlega of lítið gert. Nemendur fá ekki næg tækifæri til að þróa færni í þeim tæknigreinum sem skipta máli í nútímasamfélagi. því ætlum við að breyta. -
Flugvöllinn kláran, takk!
Það er stefna ríkisstjórnarinnar að Akureyri vaxi og verði næsta borg Íslands. Til þess að svo megi þá verða, þá verður flugvöllurinn okkar að vera tilbúinn fyrir það hlutverk. Fyrir íbúa, en ekki síður fyrir atvinnulífið. -
Síminn í hóp bakhjarla Driftar EA
Sterkt samstarf sem styður við nýsköpun og uppbyggingu atvinnulífs á Norðurlandi Drift EA og Síminn hafa gert með sér samstarfssamning þar sem Síminn gerist bakhjarl Driftar EA. Með samstarfinu sameinast öflug fyrirtæki með skýra framtíðarsýn um að efla nýsköpun, styrkja tengsl atvinnulífs og skapa vettvang fyrir frumkvöðla og fyrirtæki til vaxtar og þróunar. -
Vorboðarnir ljúfu mættir í flóann
Daníel Annisius aðstoðar framkvæmdastjóri Gentle Giants hvalaferða á Húsavík segir hvalaskoðunarvertíðina fara vel af stað og horfir björtum augum á komandi sumar, enda séu hnúfubakar og steypireiðar farnar að láta sjá sig. -
Þetta krefst mikillar skipulagningar
Kristjana Ómarsdóttir, stundar nám við VMA er á fyrsta ári á íþrótta og lýðheilsubraut. Hún er jafnframt ein af betri hópfimleikakonum landsins, heimasíða VMA settist niður með Kristjönu og kemur afraksturinn hér á eftir.
