Flugvöllinn kláran, takk!
Sverre Jakobsson, skipar 3. sæti á lista Framsóknar á Akureyri
Það er stefna ríkisstjórnarinnar að Akureyri vaxi og verði næsta borg Íslands. Til þess að svo megi þá verða, þá verður flugvöllurinn okkar að vera tilbúinn fyrir það hlutverk. Fyrir íbúa, en ekki síður fyrir atvinnulífið.
Verkefnin eru ekki mörg en við verðum að vera alveg skýr með það að þau þurfa að klárast – og þau þurfa að komast inn á verkefnalista stjórnvalda og Isavia sem allra fyrst.
Þeir sem sitja í bæjarstjórn verða og eiga að auka þrýstinginn á þessa aðila og við verðum öll að sameinast um að greiða götur slíkrar uppbyggingar.
Verkefnin eru:
-
Aðflugsljós út í Pollinn. Þetta er mjög brýnt og þarf að gerast strax. Þetta getur auðveldað aðflug úr norðri mikið.
-
GPS aðflug úr suðri. Þessi aðgerð nýtist minni vélum og mun styrkja innanlandsflugið. Þetta er í undirbúningi en við þurfum að vita hver tímaramminn er. Það þarf líka að undirbúa vélarnar og það mun taka tíma.
-
Jafna eldsneytiskostnað. Svo lengi sem eldsneyti er dýrara í Keflavík en hér þá er samkeppnisstaðan okkar mjög skökk. Annað hvort verður að styrkja flutningsjöfnun eða stuðla að því að hægt sé að skipa eldsneyti upp á Akureyri.
-
Eldsneytisbirgðir. Hér eru allt of litlar birgðir af eldsneyti. Þetta þarf að laga.
-
Stækkun á flugstöðinni. Verkefni sem við verðum að fara að undirbúa. Núverandi aðstaða býður upp á of marga flöskuhálsa.
-
Flugskýli. Það er mikil eftirspurn eftir nýjum flugskýlum og nauðsynlegt að klára lóðir fyrir frekari uppbyggingu. Þetta er skipulagsmál og því líka í verkahring sveitarfélagsins að ýta þessu áfram.
-
Millilandaflug til Bandaríkjanna. Við eigum að gera flugvöllinn kláran fyrir flug vestur um haf. Það er ekki mikið sem vantar upp á og hægt að klára þau verk meðfram öðrum aðgerðum.
-
Uppfæra tækjakost. Tækjakostur á Akureyrarflugvelli er orðinn gamall og þarf að endurnýja. Með því lækkar viðhaldskostnaður á móti.
Sverre Jakobsson
Skipar 3. sæti á lista Framsóknar á Akureyri
Nýjast
-
Fyrir okkur öll!
Það er stundum talað um „aldursvæn samfélög“ eins og um sé að ræða eitthvað sérstakt verkefni, næstum eins og bæir þurfi að ákveða einn góðan veðurdag að verða vinalegir eldri borgurum. En er það það sem átt er við? Hvað ef gott samfélag er einfaldlega þannig að það hentar öllum, frá fæðingu til grafar? -
Akureyrarlistinn ætlar að taka skýra stefnu í tæknimenntun grunnskólanna
Akureyrarlistinn ætlar að taka skýra stefnu í tæknimenntun grunnskólanna – og fara úr því að vera eftirbátur yfir í að vera í forystu. Í dag er einfaldlega of lítið gert. Nemendur fá ekki næg tækifæri til að þróa færni í þeim tæknigreinum sem skipta máli í nútímasamfélagi. því ætlum við að breyta. -
Flugvöllinn kláran, takk!
Það er stefna ríkisstjórnarinnar að Akureyri vaxi og verði næsta borg Íslands. Til þess að svo megi þá verða, þá verður flugvöllurinn okkar að vera tilbúinn fyrir það hlutverk. Fyrir íbúa, en ekki síður fyrir atvinnulífið. -
Síminn í hóp bakhjarla Driftar EA
Sterkt samstarf sem styður við nýsköpun og uppbyggingu atvinnulífs á Norðurlandi Drift EA og Síminn hafa gert með sér samstarfssamning þar sem Síminn gerist bakhjarl Driftar EA. Með samstarfinu sameinast öflug fyrirtæki með skýra framtíðarsýn um að efla nýsköpun, styrkja tengsl atvinnulífs og skapa vettvang fyrir frumkvöðla og fyrirtæki til vaxtar og þróunar. -
Vorboðarnir ljúfu mættir í flóann
Daníel Annisius aðstoðar framkvæmdastjóri Gentle Giants hvalaferða á Húsavík segir hvalaskoðunarvertíðina fara vel af stað og horfir björtum augum á komandi sumar, enda séu hnúfubakar og steypireiðar farnar að láta sjá sig. -
Þetta krefst mikillar skipulagningar
Kristjana Ómarsdóttir, stundar nám við VMA er á fyrsta ári á íþrótta og lýðheilsubraut. Hún er jafnframt ein af betri hópfimleikakonum landsins, heimasíða VMA settist niður með Kristjönu og kemur afraksturinn hér á eftir. -
Karlalið KA Íslandsmeistarar i blaki annað árið í röð
KA er Íslandsmeistari í blaki karla eftir frábæran sigur á Þrótti Reykjavík eftir oddahrinu í Laugardalshöll, en leikurinn fór fram í gær. Strákarnir kláruðu þar með úrslitaeinvígið 3-1 og hampa Íslandsmeistaratitlinum annað árið í röð! Þetta er í níunda sinn sem karlalið frá KA verður Íslandsmeistari i blaki. -
Skemmdarverk unnin á flötum á Jaðarsvelli
Það var ófögur sjón sem blasti við starfsmönnum GA í morgun þegar þeir fóru út á völl og sáu að miklar skemmdir höfðu verið unnar á nokkrum flötum á Jaðarsvelli. -
Göngugata lokuð fyrir bílaumferð 1. maí – 30. september
Göngugatan verður lokuð fyrir umferð vélknúinna ökutækja frá og með 1. maí. Opið verður fyrir ökutæki með aðföng frá kl. 7-10 alla daga. Aðgengi fyrir P-merkta bíla og ökutæki viðbragðsaðila verður ávallt tryggt. Opnað verður aftur fyrir umferð þann 30. september.
