Fyrir okkur öll!
Preben Jón Pétursson skipar 3.sæti hjá L-listanum í komanid kosningum
Það er stundum talað um „aldursvæn samfélög“ eins og um sé að ræða eitthvað sérstakt verkefni, næstum eins og bæir þurfi að ákveða einn góðan veðurdag að verða vinalegir eldri borgurum. En er það það sem átt er við? Hvað ef gott samfélag er einfaldlega þannig að það hentar öllum, frá fæðingu til grafar?
Hjá Akureyrarbæ er nefnilega margt sem bendir til þess að þetta sé ekki bara stefna á blaði, heldur raunveruleiki í mótun. Hér mætast leikskólar og leikvellir, grunnskólar og menningarlíf, íþróttaaðstaða og heilbrigðisþjónusta, allt innan seilingar. Það er stutt í næsta stopp, hvort sem það er sundlaugin, bókasafnið eða kaffihúsið þar sem kynslóðirnar blandast án þess að taka sérstaklega eftir því.
Aldursvænt samfélag snýst nefnilega ekki bara um þjónustu við eldri borgara. Það snýst um að byggja upp umhverfi þar sem lífið gengur upp á öllum stigum. Þar sem foreldrar komast með barnavagn um bæinn án hindrana og fatlaðir komast ferða sinna. Þar sem ungmenni finna sér hlutverk og tækifæri. Og þar sem eldri íbúar geta haldið áfram að taka þátt, miðlað reynslu og notið lífsins án þess að þurfa að hörfa til hliðar.
Það sem gerir svona samfélag að veruleika er ekki ein stór ákvörðun heldur margar litlar. Hvernig götur eru hannaðar, hvernig þjónustan er skipulögð, hvort hlustað sé á fólk. Þetta eru kannski ekki háværustu málin í pólitík, en þau eru þau sem skipta mestu máli í daglegu lífi.
Og já, það má alltaf gera betur. Það þarf stöðugt að huga að aðgengi, húsnæði, þjónustu og samgöngum. Samfélag sem hættir að þróast hættir fljótt að henta öllum. En styrkur Akureyrarbæjar liggur einmitt í því að grunnurinn er til staðar. Stærðin, nálægðin og samfélagsandinn gera það að verkum að hægt er að laga og bæta án þess að missa yfirsýn.
Kannski er það því ekki svo flókið. Aldursvænt samfélag er ekki sérverkefni, það er einfaldlega vel heppnað samfélag. L-listinn vill styðja áfram við þessa þróun og við, fólkið í bænum, segjum Akureyri fyrir alla, alla ævi.
Nýjast
-
Fyrir okkur öll!
Það er stundum talað um „aldursvæn samfélög“ eins og um sé að ræða eitthvað sérstakt verkefni, næstum eins og bæir þurfi að ákveða einn góðan veðurdag að verða vinalegir eldri borgurum. En er það það sem átt er við? Hvað ef gott samfélag er einfaldlega þannig að það hentar öllum, frá fæðingu til grafar? -
Akureyrarlistinn ætlar að taka skýra stefnu í tæknimenntun grunnskólanna
Akureyrarlistinn ætlar að taka skýra stefnu í tæknimenntun grunnskólanna – og fara úr því að vera eftirbátur yfir í að vera í forystu. Í dag er einfaldlega of lítið gert. Nemendur fá ekki næg tækifæri til að þróa færni í þeim tæknigreinum sem skipta máli í nútímasamfélagi. því ætlum við að breyta. -
Flugvöllinn kláran, takk!
Það er stefna ríkisstjórnarinnar að Akureyri vaxi og verði næsta borg Íslands. Til þess að svo megi þá verða, þá verður flugvöllurinn okkar að vera tilbúinn fyrir það hlutverk. Fyrir íbúa, en ekki síður fyrir atvinnulífið. -
Síminn í hóp bakhjarla Driftar EA
Sterkt samstarf sem styður við nýsköpun og uppbyggingu atvinnulífs á Norðurlandi Drift EA og Síminn hafa gert með sér samstarfssamning þar sem Síminn gerist bakhjarl Driftar EA. Með samstarfinu sameinast öflug fyrirtæki með skýra framtíðarsýn um að efla nýsköpun, styrkja tengsl atvinnulífs og skapa vettvang fyrir frumkvöðla og fyrirtæki til vaxtar og þróunar. -
Vorboðarnir ljúfu mættir í flóann
Daníel Annisius aðstoðar framkvæmdastjóri Gentle Giants hvalaferða á Húsavík segir hvalaskoðunarvertíðina fara vel af stað og horfir björtum augum á komandi sumar, enda séu hnúfubakar og steypireiðar farnar að láta sjá sig. -
Þetta krefst mikillar skipulagningar
Kristjana Ómarsdóttir, stundar nám við VMA er á fyrsta ári á íþrótta og lýðheilsubraut. Hún er jafnframt ein af betri hópfimleikakonum landsins, heimasíða VMA settist niður með Kristjönu og kemur afraksturinn hér á eftir. -
Karlalið KA Íslandsmeistarar i blaki annað árið í röð
KA er Íslandsmeistari í blaki karla eftir frábæran sigur á Þrótti Reykjavík eftir oddahrinu í Laugardalshöll, en leikurinn fór fram í gær. Strákarnir kláruðu þar með úrslitaeinvígið 3-1 og hampa Íslandsmeistaratitlinum annað árið í röð! Þetta er í níunda sinn sem karlalið frá KA verður Íslandsmeistari i blaki. -
Skemmdarverk unnin á flötum á Jaðarsvelli
Það var ófögur sjón sem blasti við starfsmönnum GA í morgun þegar þeir fóru út á völl og sáu að miklar skemmdir höfðu verið unnar á nokkrum flötum á Jaðarsvelli. -
Göngugata lokuð fyrir bílaumferð 1. maí – 30. september
Göngugatan verður lokuð fyrir umferð vélknúinna ökutækja frá og með 1. maí. Opið verður fyrir ökutæki með aðföng frá kl. 7-10 alla daga. Aðgengi fyrir P-merkta bíla og ökutæki viðbragðsaðila verður ávallt tryggt. Opnað verður aftur fyrir umferð þann 30. september.
