Vorboðarnir ljúfu mættir í flóann
Daníel Annisius segir að það sé alltaf gaman í vinnunni, enda sé ekki hægt annað þegar viðskiptavinir fari alsælir heim með minningar af steypireiðum. Mynd/epe.
Greinin birtist fyrst í prentútgáfu Vikublaðsins 23. apríl sl.
Daníel Annisius aðstoðar framkvæmdastjóri Gentle Giants hvalaferða á Húsavík segir hvalaskoðunarvertíðina fara vel af stað og horfir björtum augum á komandi sumar, enda séu hnúfubakar og steypireiðar farnar að láta sjá sig.
„Þetta er að fara nokkuð vel af stað, við byrjuðum 1. apríl og það var til dæmis alveg brjálað að gera um páskana en svo aðeins rólegra vikuna eftir páska,“ segir Daníel og bætir við að hvalurinn hafi verið tregur til að sýna sig til að byrja með.
Byrjaði rólega
„Byrjun apríl var erfið hvað hvali varðar. Það sást til hvala í einhverjum ferðum en alls ekki öllum,“ segir hann en þrátt fyrir að ekki alltaf sjáist til hvala þá sé alltaf eitthvað annað skemmtilegt að sjá eins og heilu þyrpingarnar af Lunda sem margir vilja kalla þjóðarfugl Íslendinga.
„Þetta er oft svona í byrjun apríl en það voru þó alveg hnúfubakar og háhyrningar á föstudaginn langa svo eitthvað sé nefnt og farþegar himinlifandi,“ segir Daníel ennfremur.
Veisla síðustu daga
„Hnúfubakurinn birtist svo aftur 16. apríl og svo er eiginlega bara búin að vera veisla síðan. Hnúfubakar um helgina og svo langreið og steypireið. Þannig að þetta er búin að vera stanslaus veisla frá miðjum mánuði,“ segir Daníel og nýtur þess að segja frá enda augljóst á samtalinu að honum þykir gaman í vinnunni.
„Þegar veðrið er svona eins og það er búið vera síðustu daga þá er létt yfir fólki og alltaf gaman í vinnunni í þessum bransa. Það mætti alveg vera meira að gera, ég neita því ekki. Það er rólegt miðað við að það eru fjögur fyrirtæki að sigla í apríl en það er bara eins og það er.“
Bjartsýnn fyrir sumarið.
Aðspurður um útlit fyrir sumarið segir Daníel að það sé nokkuð gott. „Bókanir líta vel út og lofa góðu. Maður vonar bara að ástand heimsmála fari að skána. Stríð, hækkandi olíverð og aukin óvissa í heiminum getur orðið til þess að fólk ferðist síður,“ segir hann og bætir við að lífið í flóanum sýni að þetta sé á réttri leið.
„Það er kominn hvalur og það er blíða alla vega þessa vikuna og við vonum bara að þetta sé upptakturinn fyrir sumarið,“ segir Daniel að lokum.
Nýjast
-
Vorboðarnir ljúfu mættir í flóann
Daníel Annisius aðstoðar framkvæmdastjóri Gentle Giants hvalaferða á Húsavík segir hvalaskoðunarvertíðina fara vel af stað og horfir björtum augum á komandi sumar, enda séu hnúfubakar og steypireiðar farnar að láta sjá sig. -
Þetta krefst mikillar skipulagningar
Kristjana Ómarsdóttir, stundar nám við VMA er á fyrsta ári á íþrótta og lýðheilsubraut. Hún er jafnframt ein af betri hópfimleikakonum landsins, heimasíða VMA settist niður með Kristjönu og kemur afraksturinn hér á eftir. -
Karlalið KA Íslandsmeistarar i blaki annað árið í röð
KA er Íslandsmeistari í blaki karla eftir frábæran sigur á Þrótti Reykjavík eftir oddahrinu í Laugardalshöll, en leikurinn fór fram í gær. Strákarnir kláruðu þar með úrslitaeinvígið 3-1 og hampa Íslandsmeistaratitlinum annað árið í röð! Þetta er í níunda sinn sem karlalið frá KA verður Íslandsmeistari i blaki. -
Skemmdarverk unnin á flötum á Jaðarsvelli
Það var ófögur sjón sem blasti við starfsmönnum GA í morgun þegar þeir fóru út á völl og sáu að miklar skemmdir höfðu verið unnar á nokkrum flötum á Jaðarsvelli. -
Göngugata lokuð fyrir bílaumferð 1. maí – 30. september
Göngugatan verður lokuð fyrir umferð vélknúinna ökutækja frá og með 1. maí. Opið verður fyrir ökutæki með aðföng frá kl. 7-10 alla daga. Aðgengi fyrir P-merkta bíla og ökutæki viðbragðsaðila verður ávallt tryggt. Opnað verður aftur fyrir umferð þann 30. september. -
Fræðsla fyrir foreldra um stafræna velferð barna
Heimili og skóli, í samstarfi við Akureyrarbæ, verður með fræðsluerindi um netöryggi og stafræna velferð. Foreldrar á öllum skólastigum eru velkomin. Þessi fræðsla er sérstaklega sniðin að foreldrum sem vilja styðja börnin sín í að vaxa og dafna í stafrænum heimi. Á fundinum fá foreldrar fræðslu, hagnýt verkfæri og tækifæri til að styrkja samtal og samvinnu innan fjölskyldunnar. -
Samgöngur eiga að styðja við vöxt – ekki hamla honum
Það er orðið tímabært að stíga næstu skref í samgöngumálum landsins. Umræða um styttingu þjóðvegar milli Akureyrar og Reykjavíkur hefur staðið í meira en heila öld, en nú hafa gögnin sýnt okkur að þetta á ekki að vera draumsýn ein – þetta er nauðsyn. -
Gerum það sem virkar gegn ofbeldi
Tölfræðin segir okkur að fimmtungur kvenna hafi lent í ofbeldi í nánu sambandi. Á bak við þá tölu eru raunveruleg líf, fjölskyldur og börn. Ef við ætlum að takast á við þennan veruleika duga ekki falleg orð ein og sér. -
Í skólanum er skemmtilegt að vera - eða hvað?
Þegar börn koma heim úr skólanum spyrja gjarnan foreldrar/forráðamenn og jafnvel ömmur og afar hvort ekki hafi verið gaman í skólanum. Mörg börn svara af hjartans einlægni að það hafi verið mjög gaman en hluti nemenda getur alls ekki svarað þeirri spurningu játandi.
