Októberfest í handverksbrugghúsum á Norðurlandi eystra!
Tríó Akureyrar leikur á þremur októberfest viðburðum á jafnmörgum handverksbrugghúsum norðan heiða. Valmar, Erla Dóra Ella Vala og Jón Þorsteinn.
„Það verður óvenju mikið um októberfest-dýrðir í landshlutanum á næstu vikum og mega Norðlendingar búast við dirndlum, leðurhosum, þýskum polkum, októberfest snarli og svo auðvitað eðal bjór frá frumkvöðlum beint úr héraði,“ segir Erla Dóra Vogler úr Tríó Akureyrar, en nú á næstunni er fyrirhugað að efna til viðburða í samvinnu við þrjú handverksbrugghús á norðanverðu landinu, en þau eru Segull á Siglufirði, Bruggsmiðjan Kaldi á Árskógssandi og Mývatn öl í Þingeyjarsveit.
Tríó Akureyrar skipa Jón Þorsteinn Reynisson, Valmar Väljaots og Erla Dóra Vogler, en þau hafa fengið til liðs við sig hina frábæru Ellu Völu Ármannsdóttur fyrir októberfestin, enda blásturshljóðfæri algjörlega ómissandi við svona tækifæri.
Heldur betur hægt að dilla sér
Leikið er á harmonikku, fiðlu, gítar, horn, trompet, cornet, blokkflautu, hristur, skeiðar, þríhorn og auðvitað er sungið. Tónlistin samanstendur af kokteil hinnar þýsk/austurrísku októberfest tónlistar og laga sem sungin eru á íslenskum réttarböllum. „Þannig að þarna er heldur betur eitthvað á ferðinni sem hægt er að dilla sér við og syngja með,“ segir Erla Dóra.
Tríó Akureyrar hefur áður staðið að hausthátíðum í samstarfi við kvenfélög á nokkrum stöðum á Norðausturlandi, en áheyrendur bentu á að það vantaði helst smá söngolíu til að fullkomna viðburðina. „Bjór er auðvitað orðinn órjúfanlegur hluti októberfesta og ættu þær veigar að ná að smyrja raddbönd viðstaddra.“
Fólk hvatt til að bæta í viðeigandi fatnaði
„ Á Norðausturlandi búum við svo vel að eiga nokkur úrvals handverksbrugghús sem hafa svo sannarlega fest sig í sessi. Saga þeirra og þróun hinna ýmsu bjórtegunda er spennandi og eflaust margir sem hafa notið þess að fara í bjórkynningar hjá þessum fyrirtækjum. Á októberfestunum munu skiptast á tónlist og kynningar frá viðkomandi brugghúsi, um sína starfsemi, sögu og um mismunandi bjórtegundir. Til að auka stemninguna er fólk auðvitað hvatt til að mæta í viðeigandi fatnaði og hver veit nema að verðlaun verði veitt til þeirra sem leggja sig fram í þeim málum.“
Þrjú októberfest framundan
Októberfestin verða haldin 27. september hjá Segli 67 á Siglufirði, 4. október í Bruggsmiðjunni Kalda á Árskógssandi og 31. október hjá Mývatni öl á Sel-Hóteli, Skútustöðum, en þar verður haldin mikil bjór og matarhátíð alla helgina.
Nánari upplýsingar um viðburðina eru aðgengilegar á facebook síðu Tríós Akureyrar og á heima- eða facebooksíðum Sel-Hótels Mývatns, Seguls 67 og Bruggsmiðjunnar Kalda. Uppbyggingarsjóður SSNE styrkti Tríó Akureyrar og handverksbrugghúsin þrjú til að halda októberfögnuði hjá hverju brugghúsi fyrir sig.
Nýjast
-
Götuhornið - Eru sjálfboðaliðar að deyja út?
Á götuhorninu var verið að ræða um sjálfboðaliða, til máls tók kona sem eiginlega las okkur hinum pistilinn! -
Grisjunarviður nýttur til að reisa snjósöfnunargirðingar í Hlíðarfjalli
„Við höfum núna í haust verið að vinna trjáboli sem til féllu við grisjun sumarsins í Kjarnaskógi. Sumt af efninu nýtist til kurl- og eldiviðarframleiðslu en besta efnið er nýtt til framleiðslu á hvers konar borðviði,“ segir Ingólfur Jóhannsson framkvæmdastjóri Skógræktarfélags Eyfirðinga. -
Safna undirskriftum fyrir Kisukot
„Það eru kettir hér í bænum sem þyrfti að ná inn fyrir veturinn, en ég hef ekki reynt að ná þeim enda var planið hjá mér að sinna ekki þeim skyldum sem hvíla á Akureyrarbæ. Það hefur reynst ansi erfitt því fólk er mjög oft að senda mér ábendingar um ketti í bæjarlandinu,“ segir Ragnheiður Gunnarsdóttir hjá Kisukoti. -
Októberfest í handverksbrugghúsum á Norðurlandi eystra!
„Það verður óvenju mikið um októberfest-dýrðir í landshlutanum á næstu vikum og mega Norðlendingar búast við dirndlum, leðurhosum, þýskum polkum, októberfest snarli og svo auðvitað eðal bjór frá frumkvöðlum beint úr héraði,“ segir Erla Dóra Vogler úr Tríó Akureyrar, en nú á næstunni er fyrirhugað að efna til viðburða í samvinnu við þrjú handverksbrugghús á norðanverðu landinu, en þau eru Segull á Siglufirði, Bruggsmiðjan Kaldi á Árskógssandi og Mývatn öl í Þingeyjarsveit. -
Stefna kynnir í dag uppfærða ásýnd og nýtt ráðgjafasvið
Stefna kynnir í dag uppfærða ásýnd og nýtt ráðgjafasvið. Með þeirri breytingu er aukin áhersla á ráðgjöf í stafrænum lausnum, byggt á yfir 20 ára reynslu í hugbúnaðargerð og ráðgjöf. Með þeirri breytingu er aukin áhersla á ráðgjöf í stafrænum lausnum, byggt á yfir 20 ára reynslu í hugbúnaðargerð og ráðgjöf. -
Fjölmenni fagnaði 25 ára afmæli Norðurorku
Það var heilmikið um að vera hjá Norðurorku síðastliðinn laugardag en þá fór fram formleg opnun á hreinsistöð fráveitu auk þess sem afmælishátíð var haldin á Rangárvöllum í tilefni af 25 ára afmæli Norðurorku. -
Aðbúnaði við Dettifoss ábótavant
Ýmsu er ábótavant er varðar aðbúnað og starfsumhverfi starfsmanna við Dettifoss er tengist eftirliti, þrifum og umsjón með þurrsalernisaðstöðu sem tekin var í notkun sumarið 2021. -
Jólatorgið sett upp á ný á Ráðhústorgi
Bæjarráð Akureyrar hefur samþykkt tillögu um að jólatorg verði sett upp í miðbæ Akureyrar fyrir jólin 2025. Jafnframt samþykkti bæjarráðs að veita aukið svigrúm í áætlun ársins til að mæta kostnaði vegna verkefnisins og fól sviðsstjóra fjársýslusviðs að vinna viðauka upp á 3,3 milljónir króna. -
Eru eldri borgarar annars flokks þjóðfélagsþegnar?
Stjórn Landsambands eldri borgara skorar á stjórnvöld að gleyma ekki þeim stóra hópi eldri borgara sem hefur lágar tekjur og þungar byrðar t.d. af sínu húsnæði, sérstaklega þau sem eru í leiguhúsnæði.