Nýtt sorphirðukerfi komið í notkun sunnan Glerár
Næst er svo röðin komin að íbúum í Glerárhverfi að sögn Helga Pálssonar rekstrarstjóra Gámaþjónustu Norðurlands og verður byrjað á Holtahverfi. Samkvæmt ákvörðun bæjarstjórnar Akureyrar frá því í byrjun september á síðastliðu ári var samþykkt að auka flokkun heimilissorps frá því sem áður var og auðvelda íbúum flokkun á endurvinnanlegu sorpi. Það er gert með því að taka upp svonefnt tveggja íláta kverfi og fjölga grenndarstöðvum fyrir endurvinnsluefni í bænum. Þar sem nýja kerfið hefur verið tekið upp eru tvenns konar ílát við hvert heimili, annars vegar fyrir óflokkaðan úrgang og hins vegar fyrir lífrænan.
„Við byrjum á því að ganga í hús og kynna nýja fyrirkomulagið fyrir íbúum, tunnurnar og lífræni dallurinn fylgja svo í kjölfarið," segir Helgi en Gámaþjónusta Norðurlands hefur fengið til liðs við sig vaska félagsmenn úr Kiwanishreyfingunni, foreldra barna í Lishlaupadeild Skautafélags Akureyrar og liðsmenn í meistraflokki Þórs. „Við erum aðallega á ferðinni síðdegis og á kvöldin og okkur hefur verið vel tekið, mér finnst bæjarbúar almennt vera jákvæðir fyrir þessum breytingum og áhugasamir um að minnka umfang sorps," segir Helgi. Eftir að búið er að ganga í hús á ákveðnum svæðum eru ílátin send að heimilunum og segir Helgi að á stundum hafi liðið nokkur tími frá því kynning fór fram þar til ílátin bárumst. „Við höfum nú tekið upp nýtt skipulag og betri eftirfylgni þannig að það ættu ekki að koma upp tafir núna," segir hann.
Glerárhverfið er næst á dagskrá og geta íbúar þar búist við heimsóknum þar sem nýja fyrirkomulagið í sorphirðu verður kynnt. Hafist verður handa í Holtahverfi, síðan farið í Hlíðarnar, þá í Síðuhverfi og loks Giljahverfi. „Við stefnum á að ljúka þessu verki í febrúar," segir Helgi. Hann segir að sérlausnir þurfi í mörgum tilvikum fyrir fjölbýlishús, sorpgeymslur séu víða litlar og rúma ekki nýju ílátin. „Við leysum þessi mál í samvinnu við íbúana og reynum að finna bestu lausnirnar á hverjum stað, en auðvitað getur þetta verið tímafrekt verkefni og fjölmargir húsfundir sem efna þarf til, við leysum þessi mál í sátt og samlyndi við íbúana."
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
