Ný hönnun bygginga við Viðjulund 1
Á neðri hæðum húsanna verða fimm íbúðir á hverri hæð og fjórar íbúðir á efri hæðunum
Bæjarstjórn hefur nú samþykkt breytingar á skipulagi lóðarinnar við Viðjulund 1 á Akureyri en sú lóð er í eigu dótturfélags KEA og Húsheildar-Hyrnu.
Frá því lóðin var keypt fyrir tæpu ári síðan hafa staðið yfir breytingar á hönnun verkefnisins og hafa þær tekið lengri tíma en upphaflega var gert ráð fyrir. Við kaup lóðarinnar var búið að samþykkja skipulag sem fól í sér tvö hús, annað 5 hæða og hitt 6 hæða. Megin markmið með nýsamþykktum deiliskipulagsbreytingum er að opna fyrir möguleika á því að fleiri minni íbúðir rúmist á lóðinni heldur en fyrra skipulag gerði ráð fyrir þannig að markhópurinn verði allur almenningur sem vill búa í fjölbýli en ekki eingöngu færri og stærri íbúðir fyrir efnameiri aðila.
Á neðri hæðum húsanna verða fimm íbúðir á hverri hæð og fjórar íbúðir á efri hæðunum. Jafnframt eru breytingar gerðar á innkeyrslu á lóðina þannig að íbúar við Furulund verða nú ekki varir við nýja bílaumferð í götunni vegna þessa verkefnis. Hvoru tveggja eru breytingar til batnaðar að mati eigenda verkefnisins sem eru um leið þakklátir skipulags- og bæjaryfirvöldum fyrir samþykki þeirra á þessum breytingatillögum.
Fyrir liggur útlitsleg hönnun sem og hönnun á innra skipulagi en nú fer í hönd fullnaðarhönnun sem miðar að því að hægt verði að hefja framkvæmdir á lóðinni á vordögum. Reiknað er með jákvæðum og góðum undirtektum gagnvart þessu verkefni enda hefur ekki verið byggt nýtt fjölbýli á þessu eftirsótta svæði í nærri 30 ár.
Nýjast
-
Píanókvartettinn Negla heldur tónleika í Hofi
Píanókvartettinn Negla heldur tónleika í Hömrum í Menningarhúsinu Hofi sunnudaginn 9. nóvember kl 16. -
Velferðarstjarnan 2025 – Velferð er verkefni okkar allra
Í þriðja sinn í röð stendur Velferðarsjóður Eyjafjarðar fyrir sölu á Velferðarstjörnunni, í samstarfi við Glerártorg og Slippinn Akureyri. Nýtt útlit stjörnunnar fyrir jólin 2025 er hannað af Elvu Ýr Kristjánsdóttur og Kristínu Önnu Kristjánsdóttur, verkefnastjórum markaðsmála á Glerártorgi, og framleitt og styrkt af Slippnum Akureyri líkt og undanfarin ár. -
Ný hönnun bygginga við Viðjulund 1
Bæjarstjórn hefur nú samþykkt breytingar á skipulagi lóðarinnar við Viðjulund 1 á Akureyri en sú lóð er í eigu dótturfélags KEA og Húsheildar-Hyrnu. -
Lítil skref á leið til læsis hlaut íslensku menntaverðlaunin
Verkefnið er samstarfsverkefni Borgarhólsskóla, leikskólans Grænuvalla, Miðstöð skólaþróunar Háskólans á Akureyri og Natöschu Damen sjúkraþjálfara -
Ráðgjöf um málefni einstaklinga með heilabilun og aðstandendur þeirra
Þær Petra Sif og Björg Jónína iðjuþjálfar hjá Heilsuvernd Hjúkrunarheimili, hófu haustið 2024 nám í Ráðgjöf um málefni einstaklinga með heilabilun og aðstandendur þeirra sem er ný námsleið hjá Háskólanum á Akureyri og Háskóla Íslands -
Höggvið á raforkuhnútinn á Norðausturlandi
Ráðist verður strax í aðgerðir á Norðausturlandi til að auka afhendingargetu og afhendingaröryggi raforku í landshlutanum. Þannig skapast forsendur fyrir aukinni atvinnuuppbyggingu og jákvæðri byggðaþróun á svæðinu til skemmri og lengri tíma. -
Vélfag leggur fram kvörtun til ESA vegna brota á EES-reglum
Vélfag ehf., í samstarfi við meirihlutaeiganda félagsins, hefur lagt fram kvörtun til Eftirlitsstofnunar EFTA (ESA) með beiðni um hraðaða brotamálsmeðferð gegn íslenska ríkinu. -
Séreignarsparnaðarleiðin fest í sessi
Í síðustu viku var stigið mikilvægt skref fyrir ungt fólk á húsnæðismarkaði. Ákveðið var að festa í sessi heimildina til að ráðstafa séreignarsparnaði inn á íbúðalán og við fyrstu kaup. Þetta er tímabært og skynsamlegt skref, og eitthvað sem Viðreisn hefur lengi talað fyrir. -
VMA - Strákarnir í hársnyrtiiðninni
Í gegnum tíðina hefur mikill meirihluti nemenda í hársnyrtiiðn verið konur og svo er raunar enn. En karlarnir hafa sótt í sig veðrið í þessum efnum, í það minnsta eru nú fjórir karlar af ellefu nemendum á annarri önn í hársnyrtiiðn í VMA.
