N1 stelpumótið festir sig í sessi
N1 mótið hefst í dag og stendur yfir helgina. Mynd/Ka.is
N1 stelpumótið verður haldið á Akureyri dagana 7.–9. ágúst. Mótið er nú haldið í annað sinn og markar áframhaldandi uppbyggingu á öflugum vettvangi fyrir ungar knattspyrnustúlkur víðs vegar að af landinu.
Í ár taka 108 lið þátt í mótinu með um 700 keppendum. Líkt og á N1 mótinu fyrir strákana snýst mótið ekki aðeins um leikina sjálfa heldur einnig um samveruna, ferðalagið norður, ný vináttubönd og þá upplifun sem fylgir því að taka þátt í stóru knattspyrnumóti.
Mótið byggir á sömu hugmyndafræði
N1 hefur um áratugaskeið verið öflugur bakhjarl íþrótta- og æskulýðsstarfs á Íslandi. Með N1 stelpumótinu vill fyrirtækið leggja sitt af mörkum til að skapa stúlkum sambærilegan vettvang og drengir hafa notið í áratugi.
„Við erum afar ánægð með að sjá N1 stelpumótið vaxa og þróast. Okkar markmið er að styðja við öflugt íþróttastarf um allt land og skapa börnum tækifæri til að njóta íþróttanna, eignast vini og safna góðum minningum. Við hlökkum til að taka á móti öllum liðunum á Akureyri núna um helgina,” segir Magnús Hafliðason, forstjóri N1.
Mótið stærra en leikurinn
Íþróttamót af þessari stærð verða ekki til af sjálfu sér. Að baki standa KA, fjöldi sjálfboðaliða, foreldra, þjálfara og starfsfólks sem leggja mikla vinnu í að skapa þátttakendum góða upplifun.
Líkt og á N1 mótinu í júlí mun Akureyri taka á móti þúsundum gesta vegna mótsins, en gert er ráð fyrir nálægt 3000 gestum í heildina á svæðinu. Fjölskyldur keppenda koma víðs vegar að af landinu og nýta gjarnan tækifærið til að dvelja á Akureyri og kynnast bænum og Norðurlandi.
N1 stelpumótið er því einnig hluti af þeirri uppbyggingu sem hefur lengi einkennt öflugt íþrótta- og æskulýðsstarf á Íslandi.
Nýjast
-
N1 stelpumótið festir sig í sessi
Í ár taka 108 lið þátt í mótinu með um 700 keppendum -
Belgar annast loftrýmisgæslu Atlandshafsbandalagsins
Eitt af þvi sem ætíð vekur umtal meðal bæjarbúa er þegar við ,,njótum" æfinga loftherja NATÓ vegna loftrýmisgæslu og er óhætt að segja að skoðanir séu skiptar um þessar æfingar. -
Katrín hefur störf sem sveitarstjóri Þingeyjarsveitar
Í gær tók Katrín Sigurjónsdóttir til starfa sem sveitarstjóri í Þingeyjarsveit. Hún leysir Margréti Hólm Valsdóttur, sviðsstjóra fjármála- og stjórnsýslusviðs, af hólmi en hún hefur gegnt starfinu sem staðgengill frá því Gerður Sigtryggsdóttir lét af störfum í lok kjörtímabilsins. -
Hástafir með tónleika í Pakkhúsinu Hafnarstræti 19
Kex Stúdíó er að bjóða á tónleika Hástafa í Pakkhúsinu í Hafnarstræti 19 n.k laugardagskvöld og hefjast þeir kl. 20. Kex Studio er í grunninn vintage fatabúð en planið hefur alltaf verið að vera ekki einungis fatabúð heldur að bæta í menningarlíf Akureyrar með því að halda skemmtilega viðburði sem og þessa tónleika. -
Blóraveiðar á laxi í boði Norðurþings
Undirritaður skellti sér niður í Gvendarbás í gærkvöldi en þar hefur sveitarfélagið Norðurþing úthlutað tveim af 10 leyfum til netaveiða á silungi. -
Kertafleyting við Leirutjörn
Annað kvöld kl 22 verður kertum fleytt á Leirutjörn en þá eru 81 ár liðin frá því sprengjan féll á Hírósíma. Aldrei skal gleyma Hírósíma og Nagasakí. Eins líka standa með fórnarlömbum yfirstandandi árásarstríða – og mótmæla sívaxandi helsprengjuvá.Ákall flytur Hannes Sigurðsson lagerstarfsmaður og friðarsinni. Hluti af kertasölu rennur til Vonarbrúar. Það er samstarfshópur um frið sem stendur að þessum viðburði -
Skemmtiferðaskipageirinn leggur áherslu á aukið samstarf við íslensk sveitarfélög
Fulltrúar Cruise Lines International Association (CLIA), Cruise Iceland og aðildarskipafélaga hafa lokið vikulangri kynningarferð um Ísland þar sem markmiðið var að efla samtal við nýkjörna sveitarstjórnarfulltrúa, hafnaryfirvöld og fulltrúa ferðaþjónustunnar um framtíð skemmtiferða- og leiðangursskipasiglinga hér á landi. -
Fjórði hlýjasti júlimánuður frá upphafi mælinga
Veðurfar júlímánaðar var mjög ólíkt á milli landshluta. Suðvestlægar áttir voru ríkjandi langt fram eftir mánuðinum. Það var óvenjulega hlýtt og þurrt á austanverðu landinu og þar endaði mánuðurinn víða á meðal hlýjustu og þurrustu júlímánaða sem vitað er um. Á meðan var mjög úrkomusamt og talsvert kaldara á Suðvestur- og Vesturlandi. Í þeim landshlutum raðar mánuðurinn sér á meðal blautustu júlímánaða frá upphafi mælinga. Veðurlag breyttist í lok mánaðar þegar norðan- og norðvestanáttir tóku yfir. Þá kólnaði á Norður- og Austurlandi og þurrara og sólríkara veður tók við sunnan- og vestanlands. -
Atkvæðagreiðsla utan kjörfundar vegna þjóðaratkvæðagreiðslu
Atkvæðagreiðsla utan kjörfundar hjá sýslumönnum vegna þjóðaratkvæðagreiðslu um aðildarviðræður við ESB, sem fram fer 29. ágúst 2026, hófst 27. júlí.
