Matreiðslunemar VMA luku önninni með glæsibrag

18. maí, 2026 - 13:12 Gunnar Níelsson - gunnar@vikubladid.is
Matreiðslunemarnir með kennurum sínum og skólameistara VMA. Mynd: Hilmar Friðjónsson.
Matreiðslunemarnir með kennurum sínum og skólameistara VMA. Mynd: Hilmar Friðjónsson.

Nemendur í 2. bekk í matreiðslu við VMA slógu glæsilegan lokatón á vorönnina með margrétta kvöldverði í Þrúðvangi, sal matvælabrautar í s.l  þar sem fjölskyldum, samstarfsaðilum, matreiðslumeisturum, skólameistara og öðrum gestum var boðið að njóta sannkallaðs veisluborðs sem nemarnir höfðu framreitt.

Sjö nemendur hafa stundað nám í bekknum í vetur samhliða störfum á veitingahúsum, en stefnt er að því að hópurinn ljúki 3. bekk á vorönn 2027 og fari í kjölfarið í sveinspróf til að öðlast réttindi sem matreiðslumenn.

Gestir kvöldsins lýstu mikilli ánægju með gæði matarins og framtíðarmöguleika nemendanna. Meðal gesta var Þórir Erlingsson, forseti Klúbbs matreiðslumeistara, sem hrósaði menntun matreiðslunema við VMA og upplýsti að Norræna nemakeppnin í matreiðslu verði haldin á Akureyri í apríl 2027 í fyrsta sinn.

Keppnin verður stór viðburður fyrir bæinn og ljóst að hluti hennar fer fram í húsakynnum matvælabrautar VMA. Benedikt Barðason skólameistari þakkaði nemendum, kennurum, fyrirtækjum og samstarfsaðilum fyrir öflugt starf og mikilvægan stuðning við fagmenntun í veitingageiranum á Norðurlandi.

Byggt á frétt á vef VMA

 
 
 
Til baka

Nýjast

  • Matreiðslunemar VMA luku önninni með glæsibrag

    • 18.05.2026
    Nemendur í 2. bekk í matreiðslu við VMA slógu glæsilegan lokatón á vorönnina með margrétta kvöldverði í Þrúðvangi, sal matvælabrautar í s.l viku þar sem fjölskyldum, samstarfsaðilum, matreiðslumeisturum, skólameistara og öðrum gestum var boðið að njóta sannkallaðs veisluborðs sem nemarnir höfðu framreitt.

  • Sauðburðartími

    • 18.05.2026
    Maímánuður er sauðburðartími og víða er mikið að gera í fjárhúsum. Fólk vakir daga og nætur enda margt að líta í á stórum búum. Þetta er skemmtilegasti tími ársins að sögn þeirra sem njóta þess að vera í sauðburði og oft ríkir eftirvænting eftir því hvernig lömb það eru sem fæðast. Áhugi á forystufé hefur aukist á undanförnum árum og oft eru þau falleg á litinn. Þetta eru vitrar skepnur og margar sögur eru til af þeirra atferli sem hafa verið færðar í letur. Á myndinni er Sigríður Atladóttir á Laxamýri með hreinræktuð forystulömb sem fæddust í vikunni og ef að líkum verða þau sett á í haust.  

  • Lítið eitt um skipulag og lítil samfélög

    • 18.05.2026
    Efst á baugi Flest bæir úti um land eru litlir, þeir viðkvæmir fyrir sveiflum og helstu áskoranir eru fólksfækkun og að halda atvinnustigi.

  • Öldungaráð Akureyrarbæjar Ánægja með frístundastyrki en tekjuviðmið of lág

    • 18.05.2026
    Öldungaráð Akureyrarbæjar hefur lýst yfir óánægju með að tekjuviðmið séu of lág í nýjum tekjutengdum frístundastyrk fyrir eldri borgara en ákveðið hefur verið að innleiða slíkan styrk á Akureyri.

  • Lokaorðið - Innviðaskuld og sviðsmyndir

    • 17.05.2026
    Orðin “innviðaskuld og sviðsmyndir” glymja dag eftir dag á öldum ljósvakans.

  • Grímsey - Styrkur til uppbyggingar gönguleiðar að heimskautsbaugnum

    • 17.05.2026
    Grímsey hefur hlotið styrk frá Framkvæmdasjóði ferðamannastaða upp á tæplega 11 milljónir króna til að bæta aðgengi og öryggi á einni vinsælustu gönguleið eyjarinnar – leiðinni að heimskautsbaugstákninu við Básavík.

  • Úrslit sveitarstjórnarkosninga á Akureyri 2026 - Meirihlutaviðræður hafnar

    • 17.05.2026
    Úrslit kosninga til sveitarstjórnar Eyjafjarðarsveitar 2026 liggja fyrir sem hér segir

  • Úrslit sveitarstjórnarkosninga í Norðurþingi 2026

    • 17.05.2026
    Við sveitarstjórnarkosningar 16. maí 2026 voru 2342 á kjörskrá.  

  • Úrslit sveitarstjórnarkosninga í Hörgársveit

    • 17.05.2026
    Úrslit kosninga til sveitarstjórnar Hörgársveitar 2026 liggja fyrir sem hér segir:
Sjá meira