Málþing um eflingu rannsókna á áhættuþáttum sjálfsvíga og dauðsfalla vegna óhappaeitrana
Háskólinn á Akureyri
Undanfarin 10 ára hafa að meðaltali 40 einstaklingar á ári látist í sjálfsvígi á Íslandi. Þeim sem látast vegna óhappaeitrana hér á landi hefur hins vegar fjölgað mikið á síðustu 15 árum og nálgast nú fjöldann sem fellur fyrir eigin hendi ár hvert. Rannsóknir hefur skort á áhættuþáttum sjálfsvíga og dauðsföllum vegna óhappaeitrana hér á landi á síðustu áratugum og aukin þörf er á samstarfsvettvangi til að auka þekkingu á slíkum dauðsföllum.
Miðpunktur, samstarfsvettvangur rannsókna á áhættuþáttum sjálfsvíga og dauðsföllum vegna óhappaeitrana, verður formlega stofnaður á málþingi í Háskólanum á Akureyri mánudaginn 23. nóvember. Þar munu fulltrúar sex stofnana sem að honum standa undirrita samning um samstarf til að efla slíkar rannsóknir hér á landi. Markmiðið er að skapa traustari þekkingargrunn fyrir forvarnir og miðlun þekkingar til stjórnvalda og annarra aðila sem vinna að forvörnum á þessum vettvangi eða styðja þær í verki.
Að Miðpunkti standa Háskóli Íslands, Háskólinn á Akureyri, Háskólinn í Reykjavík, Embætti landlæknis, Landspítali og Sjúkrahúsið á Akureyri.
Málþingið fer fram í stofu M102 kl. 9:00 –15:00. Því verður einnig streymt.
Áslaug Ásgeirsdóttir, rektor Háskólans á Akureyri, setur þingið og Alma D. Möller heilbrigðisráðherra flytur ávarp. Fyrirlesarar munu meðal annars fjalla um áhættuþætti sjálfsvíga hér á landi, þróun fjölda dauðsfalla vegna óhappaeitrana, reynslu ungra karlmanna sem lifað hafa af sjálfsvígstilraun, hvernig réttarlæknar ákvarða hvað telst sjálfsvíg og hvað dauðsfall vegna óhappaeitrunar auk þess að ræða mikilvægi félagslegs stuðnings og forvarnarstarfs. Þinginu lýkur með umræðum um næstu skref í uppbyggingu Miðpunkts.
Aðgangur er ókeypis en skráningar er þörf. · Smelltu hér til að skrá þig á málþingið. · Smelltu hér til að sjá dagskrá og nálgast streymi.
Nýjast
-
Málþing um eflingu rannsókna á áhættuþáttum sjálfsvíga og dauðsfalla vegna óhappaeitrana
Undanfarin 10 ára hafa að meðaltali 40 einstaklingar á ári látist í sjálfsvígi á Íslandi. Þeim sem látast vegna óhappaeitrana hér á landi hefur hins vegar fjölgað mikið á síðustu 15 árum og nálgast nú fjöldann sem fellur fyrir eigin hendi ár hvert. Rannsóknir hefur skort á áhættuþáttum sjálfsvíga og dauðsföllum vegna óhappaeitrana hér á landi á síðustu áratugum og aukin þörf er á samstarfsvettvangi til að auka þekkingu á slíkum dauðsföllum. -
Þrír mánuðir í Þingeyjarsveit
Ýmislegt vissi ég um Þingeyjarsveit þegar ég sótti um starf sveitarstjóra í sumar en margt hef ég lært og margt á ég ólært núna þremur mánuðum seinna. Svo lengi lærir sem lifir og það er skemmtilegur lærdómur að kynnast nýju sveitarfélagi og nýju samfélagi. -
VMA fær Íslensku menntaverðlaunin í flokki iðn- og verkmennta
Verkmenntaskólinn á Akureyri (rafdeild) er handhafi Íslensku menntaverðlaunanna í flokki iðn- og verkmennta fyrir sjálfbæra kennslustofumsem rafdeild skólans setti upp fyrr á þessu ári. Forseti Íslands, Halla Tómasdóttir, afhenti verðlaunin á Bessastöðum og Rúv sýndi frá athöfninni í kvöld. Við verðlaununum tóku fyrir hönd VMA Ásta F. Flosadóttir aðstoðarskólameistari og Haukur Eiríksson brautarstjóri rafiðngreina í VMA. -
Skrifað undir samning um stuðning Akureyrarbæjar við verkefni Ferðamálafélags Hríseyjar 2026-2029
Í dag var undirritaður nýr samningur um stuðning Akureyrarbæjar við verkefni á vegum Ferðamálafélags Hríseyjar til ársins 2029. -
Vinir Hlíðarfjalls og Akureyrarbær Samningur um samstarf framlengdur til 2030
Bæjarráð Akureyrar hefur fyrir sitt leyti samþykkt samstarfssamning við Vini Hlíðarfjalls. Hann gildir til loka ársins 2030. Markmið samningsins er að styðja við frekari uppbyggingu og markaðssetningu Hlíðarfjalls með sölu fyrirtækjapakka til aðildarfyrirtækja. -
MýSköpun og Landsvirkjun huga að hátækniframleiðslu við Þeistareyki
Líftæknifyrirtækið MýSköpun ehf. og Landsvirkjun hafa undirritað viljayfirlýsingu um fyrirhugaða afhendingu raforku og nýtingu varma frá Þeistareykjastöð vegna uppbyggingar hátækniframleiðslu á náttúrulegu astaxantíni í nágrenni aflstöðvarinnar. -
55 alþjóðlegir gestir sóttu Staff Weeks um gervigreind við Háskólann á Akureyri
Alls sóttu 55 þátttakendur víðs vegar að úr Evrópu tvær Erasmus+ Staff Weeks við Háskólann á Akureyri í október og nóvember. Yfirskrift viknanna var gervigreind í háskólastarfi og var markmiðið að skapa vettvang fyrir starfsfólk evrópskra háskóla til að miðla reynslu, læra hvert af öðru og ræða tækifæri og áskoranir sem fylgja hraðri þróun gervigreindar. -
World Class kaupir Strandgötu 14 á 685 milljónir
Systurfélag World Class, Í toppformi ehf., hefur fest kaup á fasteigninni sem hýsir líkamsræktarstöð World Class að Strandgötu 14 á Akureyri. Kaupverðið nam 685 milljónum króna, frá þessu segir í frétt í Viðskiptablaðinu. -
Nýsveinar fögnuðu tímamótum í Hofi
Það var góð stund í Menningarhúsinu Hofi á Akureyri 3. nóvember sl. þegar rúmlega 50 nýsveinar tóku við sveinsbréfum sínum.
