Magnað að finna kraftinn og bjartsýni á framtíðina
Kaldbakur
„Það kjörtímabil sem er að renna sitt skeið má kalla tíma uppbyggingar í hreppnum. Hvort heldur er í atvinnulífi eða við uppbyggingu íbúðarhúsnæðis. Það er afar ánægjuleg þróun og magnað að finna kraft og bjartsýni á framtíðina eflast,“ skrifar Þröstur Friðfinnsson sveitarstjóri í Grýtubakkahreppi á vefsíðu hreppsins.
Hann nefnir í pistli sínum að vegna seinkunar á því að Hótel Höfði klárist, hafi íbúaþróun ekki orðið eins og áætlað var, enn sem komið er. Þó tekjur sveitarfélagsins hafi haldið samkvæmt áætlun, er þó töf á þeim viðbótum sem ætla má að fylgi þegar Hótelið verður komið í rekstur.
Þá nefnir hann að vegna mikilla kjarasamningshækkana á liðnu ári hafi nokkurt tap orðið á varð rekstri sveitarfélagsins 2025. Koma þar einnig til óbein og afleidd áhrif af þessum launahækkunum, s.s. gríðarmikil hækkun lífeyrisskuldbindingar, verulega aukið tap á málaflokki fatlaðs fólks hjá Akureyrarbæ sem hreppurinn beri sinn hluta af og loks aukinn launakostnaður á hjúkrunarheimili án þess að daggjöld fylgi þeim hækkunum.
Þröstur Friðfinnsson sveitarstjóri í Grýtubakkahreppi
Leikskólagjöld óbreytt í 10 ár
Staða sveitarfélagsins sé þó áfram feikna sterk og því ekki tilefni til að skerða þá góðu þjónustu sem íbúar njóta segir Þröstur. „En ekki er heldur svigrúm til að lækka álögur eins og vonast var eftir að hægt yrði, það mun vonandi gerast á næstu árum. Rétt er þó að halda til haga að leikskólagjöld hafa nú verið óbreytt í 10 ár, sem er veruleg raunlækkun.“
Áfram verður unnið að framkvæmdum og uppbyggingu samkvæmt áætlun en á þessu ári er meðal annars stefnt að því að hefja viðbyggingu við leikskóla og ljúka framkvæmdum við Lækjarvelli.
Sveitarstjóri frá árinu 2014
Þröstur hefur verið sveitarstjóri frá árinu 2014 og lýkur senn sínu þriðja kjörtímabili. Hann segir það koma í ljós þegar ný sveitarstjórn hefur verið kjörin „hvort minna starfskrafta verður óskað lengur. Það væri heiður og ánægja að fá áfram að sinna þessum skemmtilegum verkefnum. En ef fer á hinn veginn mun ég hætta sáttur, kominn á þann aldur að geta sest í helgan stein með bros á vör.“
Nýjast
-
Leitin að bestu nýsköpunarhugmynd Norðurlands í fullum gangi
Norðansprotinn er nýsköpunarkeppni þar sem leitað er að áhugaverðustu nýsköpunarhugmynd Norðurlands. Leitin er hafin og stendur til 22. apríl þegar Norðansprotinn 2026 verður valinn á lokaviðburði sem haldinn verður í Drift EA á Akureyri. -
Mamma mín
Ég tel mig einstaklega heppinn með mömmu. Hún er hrein og bein og er ekkert að tala í kringum hlutina. Hún er ekkert að skafa af þeim. Getur þar af leiðandi virkað köld við fyrstu kynni. -
Gerum hlutina almennilega!
Aðstöðumál íþróttafélaga skipta sköpum fyrir öflugt íþróttastarf. Þau skipta líka miklu máli fyrir samfélagið í heild. Svo Akureyri sé aðlaðandi kostur fyrir fjölskyldufólk til að setjast að þarf aðstaða fyrir börn og ungmenni að vera í lagi. Þar gegna íþróttamannvirki lykilhlutverki. -
Hingað til náms - hingað til framtíðar
Akureyri er öflugur háskólabær. Til að tryggja að svo verði áfram þarf að tryggja það að hér sé raunhæft að búa meðan á námi stendur. Þar skipta stúdentagarðar sköpum. Þeir eru ekki aðeins þak yfir höfuðið heldur lykilforsenda staðnáms, auk þess að efla háskólasamfélagið og skapa meira líf í bænum okkar. -
Ályktanir samþykktar á aðalfundi Kjalar
Aðalfundur Kjalar Stéttarfélags starfsfólks í almenningsþjónustu frá fram í s.l viku, á fundinum voru samþykktar tvær ályktanir þar sem gagnrýnd eru áform stjórnvalda um afnám áminningarskyldu annars vegar og ályktun vegna komand sveitarstjórnar-kosninga hins vegar. Sjá má ályktanir aðalfundarins hér fyrir neðan. -
„Konur gerðu garðinn“ - Látum Kvenfélagsgarðinn blómstra á ný
Kvenfélagsgarðurinn á Akureyri á 90 ára afmæli í ár, en þrátt fyrir það er framtíð hans enn í óvissu. Garðurinn er staðsettur á milli Áshlíðar og Skarðshlíðar. Framkvæmd hans var hrint af stað af Kvenfélaginu Baldursbrá árið 1936 og var notaður fyrir garðyrkju og sem samkomustaður. -
Vísindafólki okkar - Er munur á að leita að lífi með smásjá eða hundi?
Vísindafólkið okkar er mánaðarleg kynning á rannsakendum. Andrés Tryggvi Jakobsson, verkefnastjóri á Rannsóknarstofum Auðlindadeildar, er vísindamanneskja marsmánaðar. -
Norðurhjálp og Matargjafir létta undir með fólki sem nær endum ekki saman
„Það er víða mjög erfitt og því miður er langt í frá hægt að segja að bjart sé framundan, þvert á móti er fátt sem gefur tilefni til bjartsýni,“ segir Sigrún Steinarsdóttir hjá Matargjöfum á Akureyri og nágrenni. Sæunn Ísfeld Guðmundsdóttir hjá Norðu... -
Magnað að finna kraftinn og bjartsýni á framtíðina
„Það kjörtímabil sem er að renna sitt skeið má kalla tíma uppbyggingar í hreppnum. Hvort heldur er í atvinnulífi eða við uppbyggingu íbúðarhúsnæðis. Það er afar ánægjuleg þróun og magnað að finna kraft og bjartsýni á framtíðina eflast,“ skrifar Þröstur Friðfinnsson sveitarstjóri í Grýtubakkahreppi á vefsíðu hreppsins.
