Lokaorðið - Er þægindaramminn þægilegur eða þroskaþjófur?
Heiðrún E.Jónsdóttir átti Lokaorðið í blaðinu s.l. fimmtudag
Það getur sannarlega verið notalegt að vera pikkfastur í þægindaramma. En er það þroskandi og skemmtilegt? Eða er þægindaramminn einfaldlega þroskaþjófur?
Höldum áfram að þroskast
Við þurfum ekki að hætta að þroskast og læra þótt við séum miðaldra, jafnvel síðmiðaldra. Í það minnsta ekki meðan við erum að takast á við áskoranir, gerum jafnvel einhver mistök sem við getum lært af, já eða smá prakkarastrik, sem gerir alla daga betri.
Nýtt áhugamál, nýtt nám, nýtt sport, nýir vinir
Það getur verið gaman og reyndar nauðsynlegt að prófa nýja hluti. Hvað með að prófa handmennt eða nýja íþrótt; golf, sund eða smella sér einfaldlega gönguskó og fara í göngu, þarf ekki að vera erfið fjallganga, bara súrefni og hreyfing. Eða hefja nám, t.d. í fjarnámi eða taka einstaka námskeið, með vinnu? Að læra nýtt tungumál, fara í einstaka kúrsa í mennta- eða háskóla eða taka stök námskeið. Við lærum ekki bara eitthvað nýtt, sjóndeildarhringurinn víkkar og möguleiki á að kynnast nýju fólki – sem þarf ekki endilega að vera leiðinlegt – kannski bara mjög skemmtilegt.
Meiriháttar ákvarðanir þarf þó að ígrunda afar vel
Að fara út fyrir þægindarammann þarf ekki að þýða að segja upp starfi á mánudegi, selja húsið og kaupa bitcoin á þriðjudegi, skilja við makann á miðvikudegi og stofna fyrirtæki á fimmtudegi. Að rjúka í ofangreint allt á sama tíma á meira skylt við áhættuhegðun en að skreppa út fyrir þægindarammann. En að fara í eina slíka ákvörðun að afar vel ígrunduðu máli, getur verið skynsamleg og góð ákvörðun, jaaa nema kannski að kaupa bitcoin fyrir aleiguna.
Að gera eitthvað, því maður hafi alltaf gert það – er ekki góð venja
Miðaldurinn hefur vissulega sína kosti. Við sem erum miðaldra, jafnvel síðmiðalda, höfum öðlast reynslu, þroska og þekkingu sem okkur skorti þegar við vorum yngri. Við vitum hvað hentar okkur, hvað við getum. En það er mikilvægt að festast ekki þar. Höldum áfram að þroskast og þróast.
Gleymum ekki barninu innra með okkur
Barninu sem gat tekið á stökk og skoðað nýjar leiðir. Við höfum öll gert eitthvað á árum áður sem við myndum ekki endilega gera aftur í dag. Sumt var óskynsamlegt, sumt vandræðalegt. En við sjáum ekki eftir því. Við upplifðum eitthvað nýtt, fórum út á brautir sem við þekktum ekki og lærðum eitthvað nýtt. Erum við nokkuð orðin of gömul fyrir slíkt?
Förum út fyrir þægindarammann
Er ekki bara góð hugmynd að fara út fyrir okkar rammgerða ramma, uppgötva eitthvað nýtt, verða víðsýnni og jafnvel kynnast nýju fólki. Það mun þroska okkur – og gæti kryddað hversdagsleikann. Það er aldrei of seint að þroskast og kynnast einhverju nýju. Svo mæli ég með reglulegum prakkarastrikum, það heldur okkur ungum.
Nýjast
-
Lokaorðið - Er þægindaramminn þægilegur eða þroskaþjófur?
Það getur sannarlega verið notalegt að vera pikkfastur í þægindaramma. En er það þroskandi og skemmtilegt? Eða er þægindaramminn einfaldlega þroskaþjófur? Höldum áfram að þroskast Við þurfum ekki að hætta að þroskast og læra þótt við séum m... -
Minningardagur fórnarlamba bílslysa er í dag
Dagurinn er til að minnast þeirra sem látist hafa í umferðinni, leiða hugann að ábyrgð hvers og eins í umferðinni en ekki hvað síst að þakka þeim viðbragðsaðilum sem veita hjálp og björgun. Að þessu sinni er sérstök áhersla lögð á unga vegfarendur. -
Tíu milljarða halli
„Rekstrarstaða heilbrigðisstofnana á landsbyggðinni hefur sjaldan verið veikari.“ Þannig hefst minnisblað sem forstjórar sex heilbrigðisstofnana sendu fjárlaganefnd Alþingis í vikunni. Í vinnu okkar í nefndinni í haust við fjárlagafrumvarp ársins 2027 hefur komið skýrt fram hversu alvarleg staðan er. Áætlaður halli heilbrigðisstofnana á landsbyggðinni og Landspítala, ásamt því sem rekstur Sjúkrahússins á Akureyri stefnir fram úr upphaflegum fjárheimildum, nemur samtals rúmlega tíu milljörðum króna á þessu ári. -
Freyvangsleikhúsið Aðventuverkið Marísól og leitin að gleðinni
Freyvangsleikhúsið frumsýnir um aðra helgi, 20. nóvember, glænýtt íslenskt verk, Marísól og leitin að gleðinni. Verkið er eftir Jóhönnu S. Ingólfsdóttur og tónlistina samdi Eiríkur Bóasson sérstaklega fyrir þetta veri. -
Þjóðhagslegur ábati
Njáll Trausti Friðbertsson þingmaður Sjálfstæðisflokki veltir fyrir sér í grein sem hann skrifar á Facebookvegg sinn þjóðhagslegum ábata sem hann telur að felist í beinu flugi millilanda um Akureyrarflugvöll. Njáll veitti samþykki sitt fyrir þvi að skrif hans mætti birta á vef Vikublaðsins. -
Vinsælt verkstjóranámskeið Iðunnar haldið á Akureyri
Iðan fræðslusetur býður nú upp á námskeiðið Verkstjóri í iðnaði – ábyrgð og verksvið á Akureyri dagana 19. og 20. nóvember. Námskeiðið hefur áður verið haldið í Reykjavík við góðar undirtektir og færist nú norður til að mæta þörf fyrir öfluga stjórnenda- og leiðtogaþjálfun í iðnaði víðar um landið. -
Nýjar sjósundströppur í Hrísey
Framkvæmdum við nýjar sjósundströppur við Sæborgarfjöru í Hrísey er nú lokið. Aðeins merkingar eru eftir áður en aðstaðan er að fullu tilbúin. -
Mikilvægt að tryggja Brekkukoti aðstöðu til framtíðar
„Það er mikilvægt er að huga að framtíð Brekkukots og tryggja að starfsemin hafi til framtíðar aðstöðu sem hentar bæði þeim sem nýta þjónustuna og starfsfólkinu,“ segir Guðbjörg Anna Björnsdóttir formaður velferðarráðs Akureyrarbæjar. -
Betur fór en á horfði þegar Vilhelm Þorsteinsson EA losnaði frá bryggju í óveðrinu
Það gekk eitt og annað á í veðrinu í gærkvöldi, viðbragðsaðilar voru kallaðir út og höfðu í mörg horn að líta, enda veðrið snarklikkað satt best að segja.
