Lautin starfrækt í aldarfjórðung.
Svavar Knútur leit við og tók nokkur lög. Mynd akureyri.is
Laut, athvarf fyrir fólk með geðraskanir, fagnaði á dögunum 25 ára afmæli sínu. Af því tilefni var haldin hátíð með veitingum og gleði.
„Þetta tókst einstaklega vel. Tónlistarmaðurinn Svavar Knútur kom til okkar, en hann er algjör kærleiksbjörn sem mætir með birtu og hlýju alls staðar sem hann kemur, fyrir utan hvað hann er skemmtilegur,“ segir Sólveig Baldursdóttir, fagmaður í Lautinni.
Í Laut er lögð áhersla á að skapa heimilislegt og afslappað andrúmsloft þar sem gestir koma á eigin forsendum. Opnunartíminn er frá klukkan 9-15 og alltaf er boðið upp á heitan mat í hádeginu. „Yfirleitt eru 10-14 manns í mat hjá okkur daglega. Sumir koma strax á morgnanna og eru hjá okkur lungann úr deginum, aðrir fara heim eftir matinn, en enn aðrir koma eftir hádegi og eru hjá okkur fram að lokun,“ segir Sólveig.
Markmið Lautarinnar er að rjúfa félagslega einangrun, auka lífsgæði þeirra sem glíma við geðræna sjúkdóma og draga úr fordómum í samfélaginu. „Það skiptir óhemju miklu máli að rjúfa einangrun þessa hóps. Að mæta í Lautina hjálpar mörgum að halda rútínu og getur í raun hjálpað mörgum að halda sér á floti – og jafnvel komið í veg fyrir innlagnir. Við reynum að skapa umhverfi sem er byggt á vinskap, trausti, trúnaði og samvinnu og erum með metnaðarfulla stundarskrá,“ segir Sólveig.
Meðal þess sem boðið er upp á í Laut er gönguhópur, slökun og prjónaklúbbur. „Svo höfum við einnig innréttað myndlistarherbergi, sem og aðstöðu þar sem fólk getur lagt sig og slakað á. Þá fáum til okkar fótasérfræðing einstaka sinnum sem hægt er að panta tíma hjá.“
En fyrir hverja er Lautin? „Lautin er fyrir alla. Eina skilyrðið er að fólk sé ekki undir áhrifum. Að öðru leyti eru öll velkomin, sama á hvaða aldri. Við tökum mjög vel á móti öllum. Yfir hátíðarnar verðum við með opið til klukkan 12 á Þorláksmessu og frá 10-14 dagana 29. og 30. desember. Það eru margir sem eru einir yfir jól og áramót og þá er afar mikilvægt fyrir þau að geta leitað til okkar.“
www.akureyri.is sagði fyrst frá.
Nýjast
-
Akureyri og Eyjafjarðarsvæðið verði þekkt fyrir að taka vel á móti erlendu starfsfólki
Akureyrarbær hlaut á dögunum styrk að upphæð kr. 1,9 m.kr. úr uppbyggingarsjóði Sóknaráætlunar Norðurlands eystra til verkefnis sem kallast „Velkomin til Akureyrar“. Það snýst um stuðla að samstarfi fyrirtækja og stofnana um hvernig megi best taka á móti starfsfólki sem er af erlendu bergi brotið. Samstarfsaðilar verkefnisins eru ásamt Akureyrarbæ, SÍMEY, Sjúkrahúsið á Akureyri, Kjarnafæði Norðlenska og Bílaleiga Akureyrar. -
Lautin starfrækt í aldarfjórðung.
Laut, athvarf fyrir fólk með geðraskanir, fagnaði á dögunum 25 ára afmæli sínu. Af því tilefni var haldin hátíð með veitingum og gleði. -
Norðurþing og Heidelberg undirrita viljayfirlýsingu vegna uppbyggingar á Bakka
Norðurþing og Heidelberg hafa undirritað viljayfirlýsingu í tengslum við uppbyggingu á Bakka. Um er að ræða verkefni þar sem móberg er þurrkað og unnið sem íblendiefni í sementsframleiðslu en Heidelberg kannar nú möguleika á staðsetningu slíkrar framleiðslu á Bakka. Félagið er með rannsóknarleyfi til að kanna efnisöflun á svæðinu ofan Bakka og í Grísatungufjöllum. Jafnframt hefur félagið áhuga á að kanna nánar efnisgæði á söndunum við Jökulsá á Fjöllum. -
Jólin eru æði
Þessi rúmlega miðaldra sem þetta skrifar birti grein fyrir réttu ári um að vera búin að fá upp í kok af jólunum. Greinin var skrifuð beint frá hjartanu en það sem var áhugaverðast, voru viðbrögðin sem ég fékk vegna hennar. -
Samráð yfirvalda við bílaleigur var ekkert
Mikillar óánægju gætir á meðal forsvarsmanna bílaleiga á Íslandi vegna aðgerða ríkisstjórnarinnar sem taka eiga gildi um næstu áramót. Að sögn Steingríms Birgissonar verður höggið fyrir Höld-Bílaleigu Akureyrar afar þungt og er fyrirtækið nú þegar farið að búa sig undir álögur upp á nokkur hundruð milljónir sem vel væri hægt að koma í veg fyrir með samtali á milli greinarinnar og ráðherra. -
SAk fær 5,5 milljónir til fjarvöktunar lungnasjúklinga
Alma D. Möller heilbrigðisráðherra hefur ákveðið að úthluta 50 milljónum króna til sex verkefna sem styðja við markmið byggðaáætlunar stjórnvalda um eflingu fjarheilbrigðisþjónustu. Verkefnin fá styrk til þróunar og innleiðingar fjölbreyttra lausna sem auka aðgengi landsmanna að sérfræðiþjónustu, óháð búsetu. -
Hægt og rólega skal farið af stað.
Martin Michael þýski athafnamaðurinn sem hyggst endirreisa Niceair og fljúga á milli Akureyar og Kaupmannahafnar boðaði til fundar í dag á Flugsafni Íslands þar sem hann fór yfir stöðu mála. -
Mikilvægum áfanga í lífvísindum á Norðurlandi fagnað í DriftEA!
Það var ánægjulegt að taka á móti gestum í Messanum hjá DriftEA þegar Arctic Therapeutics opnaði formlega nýja, klínískt vottaða rannsóknastofu á Akureyri síðasta fimmtudag. Viðburðurinn markaði stóran áfanga í uppbyggingu lífvísinda og heilbrigðistækni á Norðurlandi. -
JólaStuð í Lystigarðinum í dag
Orkusalan býður í JólaStuð í Lystigarðinum á Akureyri þriðjudaginn 16.desember frá kl 16:00 - 20:00. JólaStuð er fjölskylduvænn og hátíðlegur viðburður með jólabasar, tónleikum með Páli Óskari og skemmtilegum heimsóknum. Orkusalan hefur sett upp frábæra dagskrá þar sem þú getur hlaðið batteríin og fyllt á þína orku í aðdraganda hátíðanna.