Mikilvægum áfanga í lífvísindum á Norðurlandi fagnað í DriftEA!
Hákon Hákonarson stofnandi AT, Kristján Þór Júlíusson stjórnarformaður DriftEA, og Ívar Hákonarson framkvæmdastjóri AT, Mynd: DriftEA
Það var ánægjulegt að taka á móti gestum í Messanum hjá DriftEA þegar Arctic Therapeutics opnaði formlega nýja, klínískt vottaða rannsóknastofu á Akureyri síðasta fimmtudag. Viðburðurinn markaði stóran áfanga í uppbyggingu lífvísinda og heilbrigðistækni á Norðurlandi.
Ívar Hákonarson, framkvæmdastjóri Arctic Therapeutics, og Hákon Hákonarsson, stofnandi félagsins, buðu gesti velkomna og fóru yfir starfsemina, framtíðarsýn og mikilvægi rannsókna og nýsköpunar á Akureyri.
Í ræðu sinni lagði Ívar áherslu á að höfuðstöðvar Arctic Therapeutics yrðu áfram á Akureyri, ekki aðeins af tilfinningalegum ástæðum, heldur vegna þess forskots sem svæðið veitir. Hann nefndi þar öflugan mannauð, einstakan samstarfsanda og nálægð við lykilstofnanir á borð við Sjúkrahúsið á Akureyri og Háskólinn á Akureyri, auk náins samstarfs við fyrirtæki eins og Pharmarctica á Grenivík.
Rannsóknastofan er, eftir því sem best er vitað, sú eina sinnar tegundar í einkarekstri á Íslandi og gegnir lykilhlutverki í metnaðarfullri lyfjaþróun Arctic Therapeutics.
Við hjá DriftEA erum stolt af því að styðja við fyrirtæki sem byggja á þekkingu, rannsóknum og alþjóðlegri tengingu.
Opnunin undirstrikar vaxandi hlutverk Akureyrar sem miðstöð rannsókna, frumkvöðlastarfs og sérfræðistarfa.
Nýjast
-
Mikilvægum áfanga í lífvísindum á Norðurlandi fagnað í DriftEA!
Það var ánægjulegt að taka á móti gestum í Messanum hjá DriftEA þegar Arctic Therapeutics opnaði formlega nýja, klínískt vottaða rannsóknastofu á Akureyri síðasta fimmtudag. Viðburðurinn markaði stóran áfanga í uppbyggingu lífvísinda og heilbrigðistækni á Norðurlandi. -
JólaStuð í Lystigarðinum í dag
Orkusalan býður í JólaStuð í Lystigarðinum á Akureyri þriðjudaginn 16.desember frá kl 16:00 - 20:00. JólaStuð er fjölskylduvænn og hátíðlegur viðburður með jólabasar, tónleikum með Páli Óskari og skemmtilegum heimsóknum. Orkusalan hefur sett upp frábæra dagskrá þar sem þú getur hlaðið batteríin og fyllt á þína orku í aðdraganda hátíðanna. -
Úrbætur gerðar á lóðinni við Hamragerði 15
„Það er auðvitað jákvætt að ráðist hafi verið í nauðsynlegar úrbætur á lóðinni í Hamragerði. Það er hins vegar dapurlegt hversu langan tíma ferlið tók og hversu mikilli hörku nefndin þurfti að beita til að knýja fram úrbætur,“ segir Leifur Þorkelsson framkvæmdastjóri Heilbrigðiseftirlits Norðurlands eystra. -
KEA styrkir Velferðarsjóð Eyjafjarðarsvæðisins
Eins og undanfarin ár styrkir KEA jólaaðstoð Velferðarsjóðs Eyjafjarðarsvæðisins. -
Frítt fyrir eldri borgara i Skógarböðin næstu daga
Það er óhætt að fullyrða að það sé velboðið af eigendum Skógarbaðanna því eldri borgarar geta farið í böðin án endurgjalds frá og með deginum i dag og út fimmtudaginn eða eins og segir í ,,boðskorti" frá staðarhöldurum. -
Eyjafjarðarsveit Ný aðkoma að leikskóla og bætt umferðaröryggi norðan við íþróttamiðstöð
Nýrri aðkomuleið að bílastæði leikskóla hefur verið bætt við. Fyrir og um helgina hefur staðið yfir vinna við að bæta umferðaröryggi norðan við leik- og grunnskólann og íþróttamiðstöðina en afar erfitt ástand hefur verið þar undanfarnar vikur vegna mikillar umferðar og slæmrar birtu. Breytingarnar eru gerðar með öryggi barna og annarra gangandi vegfarenda að leiðarljósi. -
Aðalheiður og Jónas hlutu Umhverfisverðlaun Hörgársveitar 2025
Skipulags og umhverfisnefnd Hörgársveitar ákváðu á fundi sínum að veita hjónunum Aðalheiði Eiríksdóttir og Jónasi Magnúsi Ragnarssyni íbúum í Skógarhlíð 13 í Lónsbakkahverfi umhverfisverðlaun Hörgársveitar árið 2025 fyrir fallega og snyrtilega lóð. -
Ekki brugðist við kröfum um tiltekt á athafnasvæði Auto ehf.
„Umgengni um athafnasvæði Auto ehf. að Setbergi á Svalbarðsströnd er enn slæm,“ segir Leifur Þorkelsson framkvæmdastjóri Heilbrigðiseftirlits Norðurlands eystra. Ítrekað hefur verið gerð krafa um úrbætur og lögð áhersla á að sá hluti svæðisins sem snýr að þjóðvegi verði hreinsaður og spilliefni fjarlægð af lóðinni. -
Fuglelskandi hjúkrunarfræðingur og nýyrðasmiður Vísindafólkið okkar – Sigríður Sía Jónsdóttir
Vísindafólkið okkar er mánaðarleg kynning á rannsakendum. Sigríður Sía Jónsdóttir, dósent við Hjúkrunarfræðideild, er vísindamanneskja desembermánaðar.