Jólin eru æði
Vilborg Gunnarsdóttir skrifar
Þessi rúmlega miðaldra sem þetta skrifar birti grein fyrir réttu ári um að vera búin að fá upp í kok af jólunum. Greinin var skrifuð beint frá hjartanu en það sem var áhugaverðast, voru viðbrögðin sem ég fékk vegna hennar.
Það var engin meðalmennska sem einkenndi þau. Ég var ýmist úthrópuð sem letingi með sjálfsvorkunn á alvarlegu stigi eða að yfir mig helltust samúðarkveðjur frá þeim sem þekktu og upplifðu það sama og ég.
Ég viðurkenni hér og nú að eftir því sem lengra líður frá starfslokum, nýt ég aðventunnar og jólanna æ betur. Atið byrjar í nóvember þegar net-afslættirnir taka öll völd. Tengdadætur mínar hafa aðstoðað mig við að gera kjarakaup og tel ég mig orðna nokkuð glúra þegar kemur að því að nýta þessi tilboð. Þarna fæst sannarlega mun meira fyrir hverja krónu fyrir utan hversu gott það er að ljúka jólagjafakaupum svona snemma.
Hvert fór verðskynið?
Það vekur reyndar athygli að þótt svarti föstudagurinn sé liðinn og sá einhleypi líka, halda kaupmenn áfram að auglýsa „stórkostleg“ verð á hinu og þessu. Og þegar að er gáð, er allt árið undir! Sumar verslanir; nefni engin „húsgagnaverslananöfn“, eru með afslætti allar helgar. Hvernig má það vera? Hvenær er „rétt“ verð í boði og hvert er hið rétta verð? Neytendasamtökin hafa af veikum mætti reynt að vara fólk við þegar þessi tími gengur í garð og hvetja fólk til að vera á varðbergi. En það er eiginlega ómannlegt að ætla að fylgjast með verðlagi enda verðskyn, að minnsta kosti mitt, löngu horfið. Ég gæti ekki þótt ég ætti lífið að leysa sagt hvað pottur af mjólk kostar í dag.
En aftur að aðventunni. Nú þegar tími minn er nægur hef ég gefið mér góðan tíma til að hitta hina ýmsu vinkonuhópa og eiga með þeim notalega aðventustund á veitingastöðum og rölti um miðborg Reykjavíkur og Hafnarfjarðar, sem hefur skotið sér hátt á vinsældalistann með nýrri ásýnd miðbæjarins og hinu árlega Jólaþorpi sem verður sífellt glæsilegra. Í þessum árlegu ferðum rekumst við á marga viðlíka hópa sem gera sér glaðan aðventu-dag.
Ég gef mér líka tíma til að rækta kroppinn enda engin afsökun til annars og um miðjan mánuðinn var jólaísinn kominn í frystinn. Já, öðruvísi mér áður brá! Jólagjafainnpökkun er að ljúka og ég er farin að telja niður! Stefnan er nú sett á að bregða sér af bæ og finna ró í bústaðnum með tilheyrandi göngu- og pottaferðum. Kannski fer ein smákökusort í ofninn við undirleik jólalaga svona rétt til að bæta upp árangurinn í ræktinni.
Og þá er komið að því að viðurkenna fyrir sjálfri mér að jólin eru æði! Á meðan heilsan er góð og þeir sem standa manni næst eru á góðum stað í lífinu, er ekki yfir neinu að kvarta!
Ég óska lesendum Vikublaðsins gleðilegra jóla.
Nýjast
-
Lautin starfrækt í aldarfjórðung.
Laut, athvarf fyrir fólk með geðraskanir, fagnaði á dögunum 25 ára afmæli sínu. Af því tilefni var haldin hátíð með veitingum og gleði. -
Norðurþing og Heidelberg undirrita viljayfirlýsingu vegna uppbyggingar á Bakka
Norðurþing og Heidelberg hafa undirritað viljayfirlýsingu í tengslum við uppbyggingu á Bakka. Um er að ræða verkefni þar sem móberg er þurrkað og unnið sem íblendiefni í sementsframleiðslu en Heidelberg kannar nú möguleika á staðsetningu slíkrar framleiðslu á Bakka. Félagið er með rannsóknarleyfi til að kanna efnisöflun á svæðinu ofan Bakka og í Grísatungufjöllum. Jafnframt hefur félagið áhuga á að kanna nánar efnisgæði á söndunum við Jökulsá á Fjöllum. -
Jólin eru æði
Þessi rúmlega miðaldra sem þetta skrifar birti grein fyrir réttu ári um að vera búin að fá upp í kok af jólunum. Greinin var skrifuð beint frá hjartanu en það sem var áhugaverðast, voru viðbrögðin sem ég fékk vegna hennar. -
Samráð yfirvalda við bílaleigur var ekkert
Mikillar óánægju gætir á meðal forsvarsmanna bílaleiga á Íslandi vegna aðgerða ríkisstjórnarinnar sem taka eiga gildi um næstu áramót. Að sögn Steingríms Birgissonar verður höggið fyrir Höld-Bílaleigu Akureyrar afar þungt og er fyrirtækið nú þegar farið að búa sig undir álögur upp á nokkur hundruð milljónir sem vel væri hægt að koma í veg fyrir með samtali á milli greinarinnar og ráðherra. -
SAk fær 5,5 milljónir til fjarvöktunar lungnasjúklinga
Alma D. Möller heilbrigðisráðherra hefur ákveðið að úthluta 50 milljónum króna til sex verkefna sem styðja við markmið byggðaáætlunar stjórnvalda um eflingu fjarheilbrigðisþjónustu. Verkefnin fá styrk til þróunar og innleiðingar fjölbreyttra lausna sem auka aðgengi landsmanna að sérfræðiþjónustu, óháð búsetu. -
Hægt og rólega skal farið af stað.
Martin Michael þýski athafnamaðurinn sem hyggst endirreisa Niceair og fljúga á milli Akureyar og Kaupmannahafnar boðaði til fundar í dag á Flugsafni Íslands þar sem hann fór yfir stöðu mála. -
Mikilvægum áfanga í lífvísindum á Norðurlandi fagnað í DriftEA!
Það var ánægjulegt að taka á móti gestum í Messanum hjá DriftEA þegar Arctic Therapeutics opnaði formlega nýja, klínískt vottaða rannsóknastofu á Akureyri síðasta fimmtudag. Viðburðurinn markaði stóran áfanga í uppbyggingu lífvísinda og heilbrigðistækni á Norðurlandi. -
JólaStuð í Lystigarðinum í dag
Orkusalan býður í JólaStuð í Lystigarðinum á Akureyri þriðjudaginn 16.desember frá kl 16:00 - 20:00. JólaStuð er fjölskylduvænn og hátíðlegur viðburður með jólabasar, tónleikum með Páli Óskari og skemmtilegum heimsóknum. Orkusalan hefur sett upp frábæra dagskrá þar sem þú getur hlaðið batteríin og fyllt á þína orku í aðdraganda hátíðanna. -
Úrbætur gerðar á lóðinni við Hamragerði 15
„Það er auðvitað jákvætt að ráðist hafi verið í nauðsynlegar úrbætur á lóðinni í Hamragerði. Það er hins vegar dapurlegt hversu langan tíma ferlið tók og hversu mikilli hörku nefndin þurfti að beita til að knýja fram úrbætur,“ segir Leifur Þorkelsson framkvæmdastjóri Heilbrigðiseftirlits Norðurlands eystra.