Kveður eftir 46 ára samfellt starf
Jakob og vinnufélagar hans. Mynd Facebooksíða Samherja
Jakob Haraldsson lét í gær af störfum hjá fiskþurrkun Samherja á Laugum í Reykjadal eftir 46 ára samfellt starf.
Í tilefni þessara tímamóta gæddi starfsfólkið sér á tertum með morgunkaffinu og í hádeginu var sömuleiðis slegið upp veislu, Jakobi til heiðurs.
Tertan sveik ekki
„ Ég réði mig til verktakans sem sá um að byggja húsnæði undir fiskþurrkun og málin æxluðust þannig að ég réði mig til Stokkfisks, sem var brautryðjandi í þurrkun fiskafurða hérna á Laugum. Það teygðist sem sagt á veru minni á staðnum, árin eru orðin 46 talsins sem sýnir að hérna hefur mér liðið vel. Ég bý líka tiltölulega skammt frá, þannig að ég get auðveldlega gengið eða hjólað í vinnuna,“ segir Jakob Haraldsson.
Fiskþurrkun er mikilvæg atvinnustarfsemi á Laugum, starfsmenn eru um tuttugu. Vinnslan hefur verið á vegum Samherja frá árinu 2011. Fiskhausar og hryggir er falla til hjá fiskvinnslu Samherja á Akureyri eru þurrkaðir þar með heitu lofti.
Gestur Geirsson framkvæmdastjóri landvinnslu Samherja færði Jakobi blómvönd fyrir hönd félagsins, með þakklæti fyrir farsælt og langt samstarf.
Nýjast
-
Kveður eftir 46 ára samfellt starf
Jakob Haraldsson lét í gær af störfum hjá fiskþurrkun Samherja á Laugum í Reykjadal eftir 46 ára samfellt starf. -
Upplýsingamiðstöðin opnuð í Hofi
Í upplýsingamiðstöðinni er fyrst og fremst lögð áhersla á að miðla upplýsingum til ferðamanna um Akureyri og næsta nágrenni. -
Góður gangur í byggingu fyrsta hússins á Torfunefsbryggju
Góður gangur er í byggingu fyrsta hússins sem verið er að reisa á Torfunefsbryggju á Akureyri, en það verður tekið í notkun í júní næstkomandi. -
Góð gjöf til SAK
Á Facebooksíðu SAk segir frá því að í gær barst Sjúkrahúsinu á Akureyri rausnarleg gjöf frá Smáríkinu þegar um 1.100 páskaegg voru afhent til að gleðja bæði starfsfólk og skjólstæðinga yfir páskahátíðina. -
Mozart kitlar hláturtaugarnar í Mývatnssveit
Það er ekki skortur á afþreyingu á Norðurlandi í aðdraganda páska en sérstaka athygli vekur metnaðarfull menningarveisla í Mývatnssveit -
Verðandi listsjóður - Opið fyrir umsóknir
Ekki láta tækifærið til þess að sækja um í listsjóðinn VERÐANDI fram hjá þér fara! -
Góð frammistaða Óðins á Íslandsmeistaramóti í 50m laug
Íslandsmeistaramót í 50m laug 2026 fór fram í Ásvallarlaug í Hafnarfirði helgina 27.- 29. mars og var Sundfélagið Óðinn með 16 keppendur skráða til leiks. Vegna veðurs þurfti hópurinn að ferðast degi fyrr en auka dagur í Hafnarfirði var vel nýttur til æfinga í keppnislauginni. -
Nýr deildarstjóri Eyjafjarðardeildar Rauða krossins
Sigurbjörg Rún Jónsdóttir hefur tekið við stöðu deildarstjóra Eyjafjarðardeildar Rauða krossins. Sirrý, eins og hún er jafnan kölluð, mætti til starfa í höfuðstöðvum deildarinnar í Viðjulundi 2 á Akureyri í dag. „Ég hlakka til að kynnast öllum sjálfboðaliðum og starfsfólki deildarinnar og halda áfram að byggja upp það mikilvæga starf sem deildin sinnir á Norðurlandi,“ segir Sirrý. -
Handsalaður samningur árið 1983 entist út ævistarfið
Hákon Þröstur Guðmundsson útgerðarstjóri Samherja lætur af störfum í dag, 1. apríl eftir að hafa starfað hjá félaginu til sjós og lands í nærri 43 ár.
