Konur með formennsku í 4 aðalnefndum af 6 í Norðurþingi
Erna Björnsdóttir, formaður. Olga Gísladóttir, formaður. Sif Jóhannesdóttir, formaður. Kolbrún Ada Gunnarsdóttir, formaður.
Á fundi sveitarstjórnar Norðurþings á dögunum var samþykkt beiðni Friðriks Sigurðssonar, D-lista, um lausn frá störfum í sveitarstjórn þar sem hann hyggur á flutning lögheimilis úr sveitarfélaginu. Ennfremur var samþykkt tillaga um Ernu Björnsdóttur sem forseta sveitarstjórnar út kjörtímabilið, en Friðrik hefur gegnt embættinu til þessa. Olga Gísladóttir tekur svo sæti Friðriks í byggðaráði, en þar hefur kona ekki átt sæti í langa hríð sem aðalmaður.
Á fundinum var einnig kosið í nefndir til eins árs, fjögurra ára og á hina ýmsu aðalfundi og er ekki að hægt að segja að þar hafi hlutur kvenna verið verulega fyrir borð borinn. Því konur gegna nú formennsku í fjórum af sex aðalnefndum Norðurþings, auk þess að skipa embætti forseta sveitarstjórnar.
Kolbrún Ada Gunnarsdóttir er formaður Félagsmálanefndar. Olga Gísladóttir, formaður Fræðslunefndar. Erna Björnsdóttir, formaður Æskulýðs- og menningarnefndar. Og Sif Jóhannesdóttir, formaður Skipulags- og umhverfisnefndar.
Karlar fara svo með formennsku í tveimur aðalnefndum, Sigurgeir Höskuldsson er formaður fimm manna Framkvæmdanefndar og Trausti Aðalsteinsson formaður þriggja manna Hafnanefndar, en þarna var einni nefnd, Framkvæmda- og hafnanefnd, skipt upp í tvær. Og reyndar sitja eingöngu karlar í síðasttöldu nefndunum, sem er auðvitað brot á jafnréttisstefnu Norðurþings sem samþykkt var í desember s.l., en þar er ákvæði um að kynjahlutfall skuli vera sem jafnast í nefndum og ráðum. Raunar bregst þetta einnig í þremur nefndum öðrum, þar sem eiga sæti fjórar konur og einn karl. En þegar upp er staðið þá ríkir, hvað fjölda fulltrúa í þessum sex nefndum samanlagt varðar, fullkomið jafnrétti, sem sé 14 konur og 14 karlar.
“Ég held að megi með réttu segja, eftir þessar vendingar, að staða kvenna í valdamestu embættum í stjórnkerfi Norðurþings sé orðin býsna sterk.” Segir Óli Halldórsson, sem sæti á í meirihluta VG og Sjálfstæðisflokksins í sveitarstjórn. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.