Hvar erum við og hvert erum við að fara?
Sigríður Stefánsdóttir
Hvað gerist eftir kosningar? Hvernig mun flokkunum ganga að efna öll loforðin? Þetta eru spurningar, sem ég heyri æ oftar á lokaspretti kosningabaráttunnar. Á sama tíma spyrja allir um það sem heitast brennur á þeim, og vilja að sjálfsögðu fá jákvæð svör.
Ég held og óttast, að hér kunni að vera í uppsiglingu tilraunatímabil þar sem þeir til valda komast verða að fara út fyrir getu þjóðarbúsins og efnahagslífsins til að efna loforðin. Við þekkjum þegar afleiðingar af tímabilum þar sem boginn var spenntur allt of hátt og stóreignir í eigu þjóðarinnar afhentar einkavinum. Þeim eftirlátið að fara með þær og hirða gróðann, án eftirlits á fjármálamarkaðnum og án þess að réttláttur arður kæmi fyrir þegar um auðlindir var að ræða. Teljum við þá flokka sem fyrir þeim aðgerðum stóðu best fallna til að takast nú á afleiðingarnar? Er rétt væri að fela brennuvörgunum slökkvistörfin?
Lýðræðisvaktin er ákveðin í að byggja þurfi á stefnu réttlætis og jafnréttis. Þess vegna viljum við breyta um stefnu á mörgum sviðum.
Við viljum styrkja sjálfstæði og völd byggðanna og byggja upp fjölbreytt atvinnulíf. Það verður að byggja á góðri menntun, þess vegna eru góðar menntastofnanir undirstaða en ekki aukaatriði. Fólk alls staðar á landinu verður að að geta treyst á góða heildbrigðisþjónustu. Þess vegna vill Lýðræðisvaktin leggja megináherslu á styrkingu grunnþjónustunnar og að nýta þá aðstöðu, sem til er víða um land, til að veita þar betri og meiri þjónustu. Þetta viljum við setja í forgang og fresta í staðinn rándýrri uppbyggingu nýs Landsspítala þótt úr aðstöðunni þar þurfi að sjálfsögðu að bæta.
Lýðræðisvaktin telur, að til að hér ríki réttlæti verði undistaðan að vera sterk, bæði í grundvallarreglum og efnahagslífi. Þess vegna þarf þjóðin að fá nýja stjórnarskrá, þar sem grundvallarréttindi og skyldur eru skilgreindar, þar sem skýrar reglur eru um stjórnarfar og verkaskiptingu, þar sem lýðræðisumbætur verði tryggðar og þar sem skýrt er tekið fram að auðlindir séu í þjóðareign, nýtingarrétti úthlutað á jafnréttisgrundvelli gegn gjaldi.
Í efnahagsmálum er því miður mikil óvissa, staða þjóðarbúsins virðist á reiki. Við teljum nauðsynlegt að bæta stöðu þeirra sem illa standa vegna mikilla skuld, en viljum vita stöðuna og möguleikana. Við viljum því fá óháða úttekt erlendra sérfræðingua á raunverulegri stöðu bankanna og einnig á stöðu ríkisstjóðs, sveitarfélaga, heimila og fyrirtæka. Enginn veit hvert hann á að fara nema hann viti hvar hann er.
Sigríður Stefánsdóttir.
Höfundur skipar 1. sæti á lista Lýðræðisvaktarinnar í norðaustur kjördæmi.
Nýjast
-
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi.
