HSN leggur niður heilsueflandi heimsóknir til aldraðra
HSN hefur aðstöðu í Sunnhlíð á Akureyri.
Heilsueflandi heimsóknir til aldraðra á Akureyri sem Heilbrigðisstofnun Norðurlands hefur haft á sinni könnu verða lagðar niður 1. ágúst næstkomandi. HSN er með breyttu fyrirkomulagi að forgangsraða sínum verkefnum með því að beina kröftum sínum enn frekar til aldraðra einstaklinga sem í auknum mæli þurfa sérhæfða heilbrigðisþjónustu hvort sem er á heilsugæslu eða í heimahjúkrun. Velferðarráð Akureyrarbæjar hefur lýst yfir vonbrigðum með fyrirhugaða breytingu.
Guðný Friðriksdóttir framkvæmdastjóri hjúkrunar hjá HSN segir ákvörðun byggða á endurskoðun á verkefnum HSN og aukna þörf fyrir sérhæfðari þjónustu fyrir aldraða „Við ætlum að beina sjónum í meira mæli að þeim hópi aldraðra sem búa við heilsuleysi og langvinna sjúkdóma, sem er í takt við aukna þjónustuþörf í þessum hópi.“
Ávallt reiðubúin til samráðs
Heilsueflandi heimsóknir voru áður fyrr samvinnuverkefni Akureyrarbæjar og Heilsugæslunnar eða frá árinu 2000. HSN tók við verkefninu árið 2015. Allir íbúar sveitarfélagsins 80 ára og eldri og búa heima hafa fengið eina heimsókn á ári. Guðný segir heimsóknir hafa fyrst og fremst falið í sér félagslega þætti, upplýsingamiðlun um félagsstarf og almenna ráðgjöf. „Við erum ekki hætt með fræðslu til aldraðra heldur munum við efla fræðslu sem snýr að heilbrigðistengdum málum til aldraðra gegnum heilsugæslu og félagsstarf aldraðra.“
„Í takt við aukna þörf munum við efla þjónustu við þá aldraða sem búast við hvað lakasta heilsu í gegnum heimahjúkrun og þjónustu og eftirlit á heilsugæslustöð við þá sem eru með langvinna sjúkdóma“ segir Guðný og vill ítreka að fræðslu í forvarnarskyni til aldraðra sé síður en svo hætt en verður með breyttu sniði. „Við höfum alltaf átt í góðu samstarfi við Akureyrarbæ og erum ávallt tilbúin til samráðs.“
Vonbrigði
Hulda Elma Eysteinsdóttir formaður Velferðarráðs Akureyrarbæjar segir ákvörðun HSN um að leggja heilsueflandi heimsóknir niður valda miklum vonbrigðum. „Okkur þykir þetta mikilvæg þjónusta í sveitarfélaginu og teljum að þessi þáttur heilbrigðisþjónustu eigi heima innan heilsugæslunnar sem sinnir öllum aldurshópum, allt frá ungbarnaeftirliti og upp úr,“ segir hún og bendir á að forvarnir séu ein af meginstoðum farsældar fyrsta stigs heilbrigðisþjónustu. „Það er kveðið á um það að heilbrigðisþjónustan skuli styðja og styrkja eldri borgara til sjálfshjálpar. Þessi ákvörðun gengur gegn því markmiði. Við í velferðaráði teljum að þessar heimsóknir skipti miklu fyrir íbúa sveitarfélagsins og hafi forvarnargildi til framtíðar. Því þykir okkur það bagalegt að leggja þetta verkefni niður,“ segir hún.
Nýjast
-
Riddarar kærleikans eru á kærleikshringferð um landið
-Markmiðið er að skapa stóran kærleikshring hringinn í kringum Ísland og vekja athygli á söfnun fyrir Bryndísarhlíð -
Bandýspilandi lektor með málflutningsréttindi Vísindafólkið okkar – Júlí Ósk Antonsdóttir
Vísindafólkið okkar er mánaðarleg kynning á vísindafólkinu okkar. Júlí Ósk Antonsdóttir, lektor við Lagadeild, er vísindamanneskja júlímánaðar. -
Engar úrbætur á athafnasvæði Auto
Engar úrbætur hafa verið gerðar á athafnasvæði Auto ehf. að Setbergi á Svalbarðsströnd, þrátt fyrir ítrekaðar kröfur þar um frá heilbrigðisnefnd. Álagðar dagsektir hafa ekki innheimst og er innheimta hluta þeirra komin í lögfræðilegt ferli. -
Komin er út barnabókin VeiðiVinir
„Skólinn er búinn og sumarfríið að byrja og vinirnir Páll og Bjarni ganga saman heim síðasta skóladaginn. Þeir hafa verið duglegir að bera út blöð í vetur og eru fyrir löngu búnir að ákveða hvað verður keypt, já fyrir löngu. Strákarnir ætla í veiðibúðina á morgun, jafnvel í dag, þar sem þeir ætla að kaupa fyrst flugustöng og svo kaststöng. Vinirnir ætla að veiða eins mikið og þeir geta í allt sumar…“ -
Kveldúlfur, ný tónlistarhátíð á Hjalteyri
Kveldúlfur er ný tónlistarhátíð sem verður haldin á Hjalteyri á morgun laugdaginn, 12. júlí. Skipuleggjendur hátíðarinnar eru þau Sara Bjarnason verkefnastjóri og Vikar Mar bóndi á Ytri Bakka og listmálari. -
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér.
