Hismið og kjarninn
Jens Garðar Helgason
Það lítur út fyrir að fjöldi framboða verði óvenjulega mikill fyrir komandi kosningar. Flokkarnir keppast við að demba á kjósendur hinum og þessum loforðum og í hita leiksins og samkeppninni um kjósendur verður loforðaflaumurinn oft og tíðum óraunhæfur og hinn almenni kjósandi er alveg orðinn ruglaður hver sagði þetta eða lofaði hverju. En þá er kannski gott að setjast niður, fleyta froðunni ofan af og velta fyrir sér hinni raunverulegri hugmyndafræði sem flokkarnir byggjast á.
Þegar ég ákvað að ganga til liðs við Sjálfstæðisflokkinn var það af því að grunnstefna flokksins frá 1929 höfðaði til mín. Hver hefur ekki heyrt upphrópanir eins og að Sjálfstæðisflokkurinn sé einungis fyrir fámennar klíkur, sérhagsmuni eða þá ríku, að Sjálfstæðisflokkurinn vilji einkavæða mennta- og heilbrigðiskerfið þannig að það þjóni aðeins hinum eignameiri eða að Sjálfstæðisflokkurinn sé flokkur stórfyrirtækjanna en ekki þeirra litlu og meðalstóru? Hefði ég, 16 ára gamall rafvirkjasonur á Eskifirði, ákveðið að þetta væri flokkurinn fyrir mig ef ofangreint væri rétt? Svarið er einfalt; nei.
Það sem heillaði mig við stefnu Sjálfstæðisflokksins er að allir hafi jöfn tækifæri til menntunar og jafnan aðgang að heilbrigðiskerfinu. Að þeim sem eiga um sárt að binda sé tryggð framfærsla með samtryggingu borgaranna. Að starfsstéttir þessa lands eigi að vinna saman en ekki á móti hvor annarri, að byggðir landsins vinni saman en ekki gegn hvor annarri. Að hver og einn einstaklingur hafi val og frelsi til athafna, til að láta drauma sína rætast. Að treysta betur hinum vinnandi manni fyrir sínu sjálfsaflafé, sem hann í sveita síns andlits hefur unnið fyrir, frekar en stjórnmálamönnum sem reisa sér pólitíska minnisvarða á kostnað annarra eða yfir höfuð þykjast hafa betra vit á því hvernig ráðstafa eigi launum fólks.
Í hugmyndafræðinni kristallast munurinn. Viljum við háa skatta eða lægri? Viljum við hafa frelsi til athafna og hið opinbera hvetji til uppbyggingar í atvinnulífinu eða viljum við heft frelsi og að hið opinbera lami uppbyggingu með sköttum, regluverki og pólitískum yfirlýsingum um hvaða atvinnugrein sé æskileg og hver ekki? Viljum við heimili sem njóta tekna sinna eða heimili þar sem fjölskyldan nær ekki endum saman um hver mánaðamót vegna skattlagningar, hárra vaxta og verðbólgu?
Kæri kjósandi, ég treysti þér til að velja af skynsemi.
Jens Garðar Helgason skrifar
Höfundur býr á Eskifirði og skipar 4. sæti á lista Sjálfstæðisflokksins í Norðausturkjördæmi.
Nýjast
-
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki. -
Heilabrot – Nýsköpun fyrir betra samfélag
Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum. Áskoranirnar komu frá breiðum hópi stofnana og fyrirtækja sem sýndu verkefninu mikinn áhuga. Þá var aðsókn lausnarmiðaðra þátttakenda einnig mikil og ekki vantaði útsjónarsemina. -
Benedikt Barðason skipaður skólameistari Verkmenntaskólans á Akureyri
Guðmundur Ingi Kristinsson, mennta- og barnamálaráðherra, hefur skipað Benedikt Barðason í embætti skólameistara Verkmenntaskólans á Akureyri til fimm ára frá 1. ágúst næstkomandi.
