Hin sanni lýðræðishalli
Sigmundur Ernir Rúnarsson.
Lýðræðishallann á Íslandi er að finnan innan stjórnkerfisins. Þar er hann dýpstur og þrautseigjan mest. Það hallar á kjörna fulltrúa, sem í reynd mega sín lítils í viðureign sinni við tiltölulega einsleitt embættismannaveldi. Stjórnmálamenn koma og fara, í krafti kjósenda og geta vissulega haft áhrif á framvindu þjóðmála en samfellu valdsins er að finna á afmörkuðu svæði við Arnarhól þar sem þróun stjórnsýslunnar er stýrt með þrásetu.
Mestu vonbrigði mín á Alþingi, frá því ég kom þar til starfa fyrir hálfu fjórða ári, eru þau takmörk valds, sem framkvæmdavaldið setur löggjafarsamkundunni. Frumvarpasmíð er að nær öllu leyti á hendi embættismanna, svo og setning reglugerða, að ógleymdum margvíslegum fjárveitingum sem í reynd eru ákveðnar innan veggja stjórnsýslunnar, án lýðræðislegs umboðs. Með þessu móti eru ákvarðanir teknar án aðhalds kjósenda.
VALDAFRAMSAL ALÞINGIS
Þetta valdaframsal Alþingis hefur viðgengist um langt árabil. Það er hættulegt að því leyti að valdið safnast á fárra manna hendur sem þurfa ekki að hafa áhyggjur af því að fólkið í landinu segi þeim upp störfum. Þvert á móti er nær ómögulegt að víkja embættismönnum til hliðar; störf þeirra eru betur varin en annarra landsmanna. Fyrir vikið dafnar miðstýringin; hrein og klár valdstjórn, án umboðs, sem í reynd er valdavinavæðing.
Það er alltaf varhugavert þegar mikil völd safnast á fárra hendur. Það er einnig hættulegt ef mikilvægustu ákvarðanir ríkisins eru teknar í einu og sama umhverfi. Það er beinlínis viðsjárvert ef stjórnarathafnir njóta ekki lýðræðislegs aðhalds og eru ekki ræddar á opinberum vettvangi. Fulltrúalýðræðið, sem landsmenn hafa kosið sér, á að endurróma breidd samfélagsins. Það á að spegla vilja þjóðar hverju sinni. Miðstjórnin gerir það ekki.
LÝÐRÆÐI ER NÆRÞJÓNUSTA
Lýðræði þrífst betur eftir því sem það er fært nær fólkinu. Lýðræði er í reynd nærþjónusta. Og nærþjónusta fer alltaf betur með fólk og fé. Þess vegna er það verkefni komandi kjörtímabils, þegar uppbygging samfélagsins hefst að lokinni rústabjörgun, að færa valdið út til fólksins, hringinn í kringum landið. Það verður gert með því að auka vægi sveitarstjórna og eftir atvikum skilgreindra þjónustusvæða og byggðasamlaga víða um land.
Það er undarleg ráðstöfun að viðkvæmar ákvarðanir, sem varða heimahag, séu oftar en ekki teknar fjarri aðstæðum og einatt í litlu samræmi og samtali við staðhætti og staðarkunnáttu. Það er eðlilegur ráðahagur að færa valdið sem næst verkefnunum. Fjármunum ríkisins á ekki að vera skammtað úr hnefa þess valds sem veit ekki hvernig þeim er best varið. Þess vegna eigum við að draga úr valdavinavæðingunni. Það er mín pólitík.
höfundur er alþingismaður og bíður sig fram í 1.-3. á lista Samfylkingarinnar
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
