Heimsþekktir listamenn með tónleika á Akureyri
Það er ekki á hverjum degi sem heimsþekktir listamenn heimsækja Akureyri. Sönghópurinn Voces8 heldur tónleika ásamt finnska konsertorganistanum Pétri Sakari og Kammerkór Norðurlands í Akureyrarkirkju mánudagskvöldið 29. september kl. 20:00.
Á þessum tónleikum munu VOCES8 flytja mörg af sínum uppáhalds kórverkum, ásamt vinsælustu lögunum frá tónlistarferli þeirra. Stjórnandi Kammerkórsins er Guðmundur Óli Gunnarsson. Voces8 heimsækir Ísland sem hluta af afmælistónleikaferðinni Twenty, sem haldin er í tilefni þess að 20 ár eru liðin frá stofnun hópsins. Voces8 er breskur sönghópur skipaður átta söngvurum sem heillað hefur áheyrendur um allan heim með óviðjafnanlegri raddbeitingu, fjölbreyttri efnisskrá og lifandi sviðsframkomu. Þau hafa verið kölluð Rolls-Royce breskra sönghópa og hlotið margvíslegar viðurkenningar m.a. Grammy útnefningu.
Auk tónleikanna í Akureyrarkirkju heldur Voces8 söngsmiðju í Reykjavík fyrir fjóra kóra í samstarfi við Landssamband blandaðra kóra og Félag íslenskra kórstjóra. Meðal þessara fjögurra kóra er Kammerkór Norðurlands en það er mikill heiður að fá að taka þátt í svona metnaðarfullri smiðju. Afrakstur hennar verða tónleikar ásamt Voces8 í Hörpu 30. september kl. 20. Miðasala á tónleikana í Akureyrarkirkju og í Hörpu fer fram á Tix.is. Tryggið ykkur miða á einstaka tónlistarviðburði. Miðasala á tónleika á Akureyri er hér: https://tix.is/event/19690/voces-8-petur-sakari-with-kammerkor-nordurlands
Nýjast
-
Guðmundur í Nesi í slipp á Akureyri
Togari Útgerðarfélags Reykjavíkur, Guðmundur í Nesi, sem nú er í slipp á Akureyri. Slippurinn hefur í mörg ár sinnt fjölbreyttum verkefnum fyrir útgerðir víða af landinu og byggt upp góða aðstöðu og þekkingu til verksins. -
„Mér finnst haustin æðisleg" Guðrún Kristín Björgvinsdóttir umsjónamaður Lystigarðsins í viðtali við vef Akureyrarbæjar.
Guðrún Kristín Björgvinsdóttir, umsjónamaður Lystigarðsins á Akureyri, hefur unnið í garðinum í tæp 11 ár. Guðrún, sem elskar haustið, er Akureyringur vikunnar á facebooksíðu Akureyrarbæjar -
Heimsþekktir listamenn með tónleika á Akureyri
Það er ekki á hverjum degi sem heimsþekktir listamenn heimsækja Akureyri. Sönghópurinn Voces8 heldur tónleika ásamt finnska konsertorganistanum Pétri Sakari og Kammerkór Norðurlands í Akureyrarkirkju mánudagskvöldið 29. september kl. 20:00. -
Þórsvöllur - Stefnt að því að leggja nýja gervigrasið í næstu viku
Góður gangur er nú á framkvæmdum við nýjan gervigrasvöll á Þórsvellinum, en eftir rigningarkafla er allt farið á fljúgandi ferð á ný. Heimasíða félagsins segir svo frá. -
Amtsbókasafnið á Akureyri - Alþjóðlegt eldhús 2025
Góð aðsókn var á viðburðinn alþjóðlegt eldhús sem haldinn var á Amtsbókasafninu á Akureyri á dögunum, en nær fjögur hundruð manns mættu og gæddu sér á mat frá um tíu löndum. Vel var haldið utan um viðburðinn, skipulagning til fyrirmyndar og gestir afar glaðir, saddir og sáttir. Sómalía, Panama, Japan, Þýskaland, Bæjaraland, Úkraína, Lettland o.fl. buðu upp á fjölbreytilegan mat, hvort sem um var að ræða sætt eða ósætt, forrétt, aðalrétt eða eftirrétt. -
Lokaorðið - Mitt hjartans mál
Annar unglingurinn á heimilinu hefur verið í ökunámi undanfarnar vikur. Náköld krumla angistarinnar hefur gripið um hjarta mitt og herðir tökin dag frá degi. Æfingaaksturinn er framundan og kvíðinn er allsráðandi. Skyldi ég komast lífs af frá æfingaakstri með unglingi sem hvorki kann að, taka fötin sín upp af gólfinu, laga til í herberginu sínu, búa um rúmið sitt, né setja saman kurteislega orðaða setningu í samtali við móður sína. Illur grunur hefur læðst að mér undanfarnar vikur þegar vinir hafa komið í heimsókn til unglingsins og á meðan þeir dvelja inn í herbergi hans rignir til mín tölvupóstum um að barnið hafi staðist hin og þessi prófin í þessu og hinu í ökuskóla í netheimum. Ég tel rétt að ganga frá mínum málum áður en æfingaaksturinn hefst. -
Við vorum líka með plan
Húsnæðismál eldri borgara á Akureyri hafa kallað á frekari athygli og úrbætur og ekki síst eftir að upp kom mygla á Hlíð haustið 2022. Endurbætur hafa enn ekki hafist á þeim 22 hjúkrunarrýmum sem tekin voru úr notkun og ekki hefur heldur verið tekin ákvörðun um framtíð austurálmu Hlíðar sem er illa farin. Þetta hefur valdið fráflæðisvanda á SAk, aukið álag á stuðningsþjónustu og aðstandendur og ekki síst íbúa okkar sem svo nauðsynlega þurfa á þessari þjónustu að halda. -
Fréttatilkynning Nýsköpunarsjóðurinn Kría opnar fyrir umsóknir í nýtt fjárfestingaátak
Nýsköpunarsjóðurinn Kría (NSK) hefur opnað fyrir umsóknir í nýtt fjárfestingaátak sem miðar að því að fjárfesta í sprotafyrirtækjum snemma á þróunarferli þeirra. Viðskiptahugmyndin sem félagið byggir á þarf að vera vænleg til vaxtar og útflutnings, félagið íslenskt og með starfsemi á Íslandi. Þá er það til framdráttar að lykilteymi félagsins skipi fjölbreyttur hópur með bakgrunn, reynslu og þekkingu sem nýtist vel við framgang félagsins. Félög af landsbyggðinni eru sérstaklega hvött til að sækja um fjárfestingu. -
Heilabilun – sjúkdómurinn sem hittir sífellt fleiri!
Að greinast með heilabilunarsjúkdóm er oftast mikið áfall, ekki eingöngu fyrir þann sem greinist heldur alla sem að honum standa. Heilabilun er í raun fjölskyldusjúkdómur því hann snertir alla sem næst sjúklingnum standa og þegar á líður verður álagið oftast mjög mikið.