Heimir Örn mikivægasti leikmaðurinn í N1-deild karla
Lokahóf Handknattleikssambands Íslands fór fram í Gullhömrum í gær þar sem nýliðinn vetur var gerður upp. Leikmenn Akureyrar voru fyrirferðamiklir þegar viðurkenningum var úthlutað í N1-deild karla og þá voru tveir leikmenn liðsins valdir í úrvalslið vetrarins.
Heimir Örn Árnason fyrirliði Akureyrar fékk Valdimarsbikarinn, en hann er veittur þeim leikmanni sem þykir mikilvægastur. Guðmundur Hólmar Helgason var valinn efnilegasti leikmaðurinn, Guðlaugur Arnarsson besti varnarmaðurinn og Sveinbjörn Pétursson besti markvörðurinn. Þá var Atli Hilmarsson valinn þjálfari ársins.
Ólafur Bjarki Ragnarsson frá HK var valinn besti leikmaðurinn en hann hlaut jafnframt háttvísisverðlaun Handknattleiksdómarasambandsins.
Þá voru þeir Anton Gylfi Pálsson og Hlynur Leifsson valdir dómarar ársins.
Úrvalslið N1-deildar karla er þannig skipað:
Markvörður: Sveinbjörn Pétursson, Akureyri.
Línumaður: Atli Ævar Ingólfsson, HK.
Vinstra horn: Oddur Gretarsson, Akureyri.
Vinstri skytta: Ólafur Bjarki Ragnarsson, HK.
Miðjumaður: Ásbjörn Friðriksson, FH.
Hægri skytta: Ólafur Andrés Guðmundsson, FH.
Hægra horn: Einar Rafn Eiðsson, Fram.
Nýjast
-
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi. -
„Skjalda launar kálfi ofbeldið“
Mig langar að þakka ykkur öllum sem hafa lesið lokaorðin mín á undanförnum vikum. Það er mér sérstaklega ánægjulegt að einhverjum skuli þykja skemmtilegt að lesa það sem ég hef skrifað. En í þetta sinn ætla ég að vera bæði leiðinlegur og skrítinn. Það er mér hvort sem er tamara.
