Háskólar landsins kynna náms- framboð sitt fyrir næsta skólaár
Búast má við því að yfir 3.000 gestir sæki námskynningu háskólanna þennan dag því fjölmargir óska eftir að fá þá persónulegu ráðgjöf sem þarna býðst. Margir gestanna eru að taka einhverja stærstu ákvörðun ævinnar, möguleikarnir eru margir og skiptir máli að vanda valið. Gott tækifæri gefst til þess á þessum sameiginlega kynningardegi þar sem kynntar eru yfir 500 mismunandi námsleiðir.
Ráðhús Reykjavíkur
Í Ráðhúsi Reykjavíkur kynna 4 íslenskir háskólar fjölbreytt námsframboð á grunn- og meistarastigi:
- Háskólinn á Akureyri
- Háskólinn á Hólum
- Landbúnaðarháskóli Íslands
- Listaháskóli Íslands.
Í Ráðhúsinu verður ennfremur hægt að kynna sér námsframboð danskra og sænskra háskóla. Námsframboð þessara skóla er, eins og nöfn þeirra bera með sér, ákaflega fjölbreytt og spannar allt frá hrossarækt og myndlist yfir í hefðbundnari greinar háskólanáms á borð við viðskiptafræði og lögfræði. Kennarar, nemendur og námsráðgjafar verða á staðnum og veita upplýsingar um allt nám sem þessir skólar bjóða.
Háskóli Íslands á Háskólatorginu - Gimli og Odda
Á Háskólatorgi Háskóla Íslands, og í Gimli og Odda kynna allar deildir Háskóla Íslands námsframboð sitt í grunnnámi og skipta námsleiðir hundruðum. Námsráðgjafar veita leiðsögn og ráðgjöf og fjölmargar þjónustustofnanir kynna starfsemi sína. Kynningin í Háskóla Íslands er öllum opin og gestum velkomið að skoða húsakynni skólans.
Háskólinn í Reykjavík í Nauthólsvík
Háskólinn í Reykjavík kynnir námsframboð sitt í öllum deildum skólans, grunnnám, meistaranám og doktorsnám. Kennarar, nemendur, námsráðgjafar og annað starfsfólk skólans veita ráðgjöf og hægt verður að skoða húsakynni skólans í Nauthólsvík. Rannsóknir fræðimanna við HR verða kynntar og uppákomur af margvíslegu tagi verða á göngum skólans. Ókeypis strætóferðir verða á milli staðanna þriggja allan daginn.
Háskólarnir verða svo með kynningu á Verkmenntaskólanum á Akureyri miðvikudaginn 2. mars nk. frá kl. 11:00 - 13:30.
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
