Hægt að spara 50-100 milljónir með því taka sand úr leirunum

01. febrúar, 2008 - 21:17
Hægt að spara 50-100 milljónir með því taka sand úr leirunum
Guðmundur Gunnarsson, framkvæmdastjóri GV grafa á Akureyri, segir að hægt sé að spara 50-100 milljónir króna með því að nýta um 100.000 rúmmetra af sandi úr leirum Eyjafjarðarár í væntanlega lengingu Akureyrarflugvallar. Hann segir jafnframt hægt að spara um 135 þúsund lítra af díselolíu. Guðmundur gagnrýnir nefnd um óshólma Eyjafjarðarár og segir að nefndin sé hrædd og vanbúin til að að taka yfirvegaðar ákvarðanir. "Til að vera örugglega réttu megin tengir nefndin saman óshólma og dýralíf og þar af leiðandi má ekki taka neinn sand. Það er rangt að vilja ekki að skaðlausu nota sand sem náttúran sendir okkur heim á hlað og endurnýjar í sífellu, í stað þess að senda stórvirk tæki inn í dali til að sækja möl úr óendurnýjanlegum námum," segir Guðmundur. Hann segir að nefndin virðist ekki gera sér grein fyrir því að malarefni í Eyjafirði sé af skornum skammti og að á annað hundrað rúmmetrar af möl verði teknir úr óendurnýjanlegum námum og flutt á vörubílum 15 til 20 km leið að vinnusvæðinu með tilheyrandi diselmengun og kostnaði. Guðmundur segir að út frá umhverfissjónarmiðum beri yfirvöldum skylda til að bera saman tímabundin umhverfisáhrif af sandtöku úr leirunum annars vegar á móti varanlegri efnistöku úr malarnámum hins vegar. "Sögu efnisvinnslu úr leirum Eyjafjarðarár má rekja allt aftur til lagningar Akureyrarflugvallar upp úr miðri síðustu öld og síðan þá hafa verið teknir þar vel á aðra milljón rúmmetra af sandi vegna framkvæmda við flugvöllinn, vegagerð og fleira. Rannsóknir vísindamanna sýna að þessi efnistaka hefur aðeins haft tímbundin áhrif því geilar sem mynduðust fylltust fjótt aftur og áhrif á smádýralíf voru hverfandi þegar horft var til lífríkis svæðisins," segir Guðmundur Gunnarsson, framkvæmdastjóri GV grafa ehf. á Akureyri.

Arnar Árnason oddviti Eyjafjarðarsveitar sagði í Vikudegi í síðustu viku að engin gild leyfi væru til efnistöku í Eyjafjarðará. Hann sagði að í gangi væri athugun á því hver áhrif efnistöku séu á lífríki árinnar og að niðurstöðu væri að vænta fljótlega. Arnar sagði skiptar skoðanir í sveitinni um hver áhrif efnistöku séu á lífríkið og að með þessari athugun séu menn einkum að horfa til þess hver áhrif efnistökunnar eru á silungsveiði í Eyjafjarðará.

Guðmundur segir að undanfarin ár hafi verið tekinn sandur úr austanverðum leirunum, vestan við Eyjafjarðarbraut eystri, en sú vinnsla sé miklu minni en framburður árinnar og því engar líkur á að hún hafi áhrif á dýra- og fuglalíf, enda sé nú talið að mikilvægasti fæðustaður fugla sé norðan við Leirubrúna.

"Nú eru fyrirhugaðar framkvæmdir við lengingu Akureyrarflugvallar og verða vel á annað hundrað rúmmetrar af möl flutt í vallarstæðið á vörubílum úr efnisnámum í stað þess að moka upp sandi úr endurnýjanlegri námu leiranna eins og hingað til hefur tíðkast. Þessu fagnar nefnd um verndarsvæði í óshólmum Eyjafjarðarár sérstaklega, en hefði að öðrum kosti gert athugasemdir við efnistöku úr leirunum," segir Guðmundur.

Til baka

Nýjast

  • Ótryggt sjúkraflug frá Húsavík

    • 12.05.2025
    Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli.

  • Erum hætt að deyja ung!

    • 12.05.2025
    Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.

  • Landinn heimsækir lögreglufræðinámið á Akureyri

    • 12.05.2025
    Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér.

  • Kisukot áfram á einkaheimili

    • 12.05.2025
    Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.

  • Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt

    • 11.05.2025
    „Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.

  • Málefni verksmiðju PCC á Bakka - Óskað eftir fundi í atvinnuveganefnd Alþingis

    • 11.05.2025
    ,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."  

  • „Stóra markmiðið að auka fæðuöryggi“

    • 11.05.2025
    -segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt

  • Dreptu mig …. Þú ert svo leiðinlegur röflari

    • 10.05.2025
    Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn.

  • Lóðir við Hofsbót 1-3 boðnar út í þessum mánuði

    • 10.05.2025
    Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.
Sjá meira