Grýtubakkahreppur Björn Ingólfsson lætur af störfum
Á Grenivíkurgleði á dögunum þegar samkoma var við Útgerðarminjasafnið og Gömlu bryggju, afhenti Gísli Gunnar oddviti Birni smá þakklætisvott frá sveitarfélaginu. Jafnframt er honum óskað góðrar heilsu og starfsorku áfram, því víst er að hann á ýmislegt ógert enn. Björn er þessi unglegi lengst til hægri, þá Þröstur Friðfinnsson og Gísli Gunnar. Mynd grenivik.is
Björn Ingólfsson lét af launuðum störfum hjá Grýtubakkahreppi 1. ágúst síðastliðinn. Björn hefur verið bókavörður frá 1984, framan af með störfum sínum sem skólastjóri Grenivíkurskóla. Björn hóf störf fyrir hreppinn sem kennari 1963 til 1964 og frá árinu 1968 hefur hann verið samfellt í starfi hjá Grýtubakkahreppi. „Þetta er ansi langur starfsferill og jafnframt farsæll,“ segir á vefsíðu hreppsins.
Björn er ekki þekktur fyrir að gera kröfur um laun fyrir öll sín viðvik, áfram sinnir hann m.a. stjórnarstörfum og fleiru fyrir Útgerðarminjasafnið á Grenivík en það eru ólaunuð störf. „Sveitarfélagið stendur í mikilli þakkarskuld við Björn fyrir allt hans óeigingjarna starf á mörgum sviðum, ekki síst hans grúsk og ritstörf til að varðveita sögu samfélagsins.“
Nýr bókavörður er Inga María Sigurbjörnsdóttir kennari. Verður bókavarðarstarfið hluti af hennar starfi í Grenivíkurskóla, en safnið er einnig skólabókasafn.
Nýjast
-
Norðurorka - Afkastapróf á vinnsluholu í landi Ytri-Haga lofar góðu
Nýboruð vinnsluhola á Ytri-Haga var afkastaprófuð í dag. Í prófinu er holan loftblásin en við það léttist vatnssúlan þannig að vatnið rennur frá henni. -
VMA - Nemendur í byggingadeild byggja þrjú frístundahús
Nú eru nemendur á öðru ári í húsamíði komnir í fullan gang með að byggja þrjú frístundahús en þetta er árlegt verkefni og er nemendum afar mikilvægt og lærdómsríkt því bygging slíkra húsa kemur inn á svo marga þætti sem húsasmiðir þurfa að kunna skil á. -
Það getur ekki öllum liðið alltaf vel
Það getur ekki öllum liðið alltaf vel. En það á heldur engum að líða alltaf illa. Passleg blanda er líklega best, horfa bjartsýn fram á veg, snúa baki við skugganum. Vita af þungum steinum, en láta þá ekki hafa áhrif á sig. Lífsviðhorf sem ætti að vera auðvelt og einfalt, en er það ekki fyrir marga. Alltof marga. Við vitum ekki hvað annað fólk burðast með, við þekkjum ekki skugga þeirra og þunga kaldagrjótsins sem á þeim hvílir. Þess vegna eigum við að temja okkur mildi og umburðarlyndi. Við þekkjum engan í raun og veru, dýpstu hugsanir þeirra, gleði, áföll og sorgir. -
Hvalstöðin fær byggingarétt á Torfunefsbryggju
Framkvæmdir við nýtt þjónustuhús Hafnasamlags Norðurlands á Torfunefsbryggju ganga vel. Húsheild Hyrna átti hagstæðasta tilboðið í verkefnið. -
Grýtubakkahreppur Björn Ingólfsson lætur af störfum
Björn Ingólfsson lét af launuðum störfum hjá Grýtubakkahreppi 1. ágúst síðastliðinn. Björn hefur verið bókavörður frá 1984, framan af með störfum sínum sem skólastjóri Grenivíkurskóla. Björn hóf störf fyrir hreppinn sem kennari 1963 til 1964 og frá árinu 1968 hefur hann verið samfellt í starfi hjá Grýtubakkahreppi. „Þetta er ansi langur starfsferill og jafnframt farsæll,“ segir á vefsíðu hreppsins. -
Áhersla á úrbætur og snyrtilegt umhverfi á iðnaðarsvæðum
Í vor sendi Akureyrarbær út hvatningu til allra lóðarhafa iðnaðar- og athafnalóða í bænum þar sem þeim var bent á mikilvægi þess að fara í tiltekt. -
Bókaklúbbur ungmenna fær Hvatningarverðlaun Upplýsingar
Bókaklúbbur ungmenna á Amtsbókasafninu á Akureyri hlaut Hvatningarverðlaunum Upplýsingar á Degi læsis og Bókasafnsdeginum fyrr í vikunn. Hrönn Soffía Björgvinsdóttir umsjónarmaður klúbbsins tók við verðlaununum. Hvatningarverðlaunin eru veitt annað hvert ár. Þema dagsins í ár er : Lestur er bestur fyrir sálina. -
BSO áskilur sér rétt til að koma að mótmælum vegna úthlutunar lóðar við Hofsbót
„Allur réttur er áskilinn til að koma að formlegum mótmælum ásamt viðeigandi röksemdum varðandi úthlutun svæðisins sem sveitarfélagið hefur skilgreint sem lóðirnar Hofsbót 1 og 3, en úthlutunin var ekki staðfest af bæjarráði fyrr en á sama fundi og erindi umbjóðenda minna var tekið fyrir,“ segir í bréfi Sunnu Axelsdóttur lögmanns sem hún sendi bæjarráði fyrir hönd Bifreiðastöðvar Oddeyrar. -
10 september alþjóðlegur forvarnardagur sjálfsvíga.
Í dag 10.september er alþjóðlegur forvarnadagur sjálfsvíga. Fólk hefur dáið úr sjálfsvígum frá morgni tímans og sú dánarorsök mun alltaf verða partur af mannlífinu ja rétt eins og krabbamein.