Góður árangur Norðlendinga á RIG
Reykjavík International Games fóru fram um sl. helgi í fjórða sinn. Um alþjóðlegt mót er að ræða þar sem keppt er í 12 íþróttagreinum og var heildarfjöldi keppenda um 2000 manns, þar af á fjórða hundrað erlendra keppenda frá 17 löndum.
Norðlenskt íþróttafólk gerði fína hluti á mótinu í hinum ýmsu greinum. UFA átti fimm keppendur á mótinu og þar náðust tvenn gullverðlaun. Bjarki Gíslason sigraði í stangarstökki og Bjartmar Örnuson í 800 m hlaupi. Þá varð Elvar Örn Sigurðsson í öðru sæti í stangarstökki og Heiðrún Dís Stefánsdóttir náði þriðja sætinu í 400 m hlaupi.
Einnig var keppt í júdó á mótinu og þar sigraði Helga Hansdóttir frá KA í sínum flokki með miklum yfirburðum. Þá var hún einnig valin júdókona mótsins og því enn ein viðurkenningin sem þessi efnilega júdókona fær. Listhlaupadeild SA lét sig ekki vanta á mótið en þar keppti Hrafnhildur Lára Hildudóttir í Novice B og sigraði sinn flokk.
Sundið var einnig fyrirferðarmikið en bæði var keppt í flokki fatlaðra og ófatlaðra á mótinu. Fjórir keppendur frá Óðni kepptu í flokki fatlaðra. Vilhelm Hafþórsson vann fern silfurverðlaun, í 50, 100 og 200 m skriðsundi og 50 m flugsundi. Jón Gunnar Halldórsson vann gullverðlaun í 100 m bringusundi og brons í 50 m flugsundi, Lilja Rún Halldórsdóttir vann silfurverðlaun í 100 m bringusundi og 100 m skriðsundi og bronsverðlaun í 200 m skriðsundi og 50 m flugsundi. Þá vann Breki Arnarsson sér inn silfurverðlaun í 50 og 100 m baksundi og bronsverðlaun í 100 m skriðsundi.
Í opnum flokki ófatlaðra náði Bryndís Rún Hansen í tvenn gullverðlaun í 50 og 100 m flugsundi, silfurverðlaun í 100 m bringusundi og brons í 50 m skriðsundi. Þá var hún jafnframt fimmti stigahæsti sundmaðurinn á mótinu.
Í flokki 14 ára og yngri unnu þrír sundmenn Óðins til verðlauna. Birkir Léo Brynjarsson vann gull í 50 m skriðsundi, silfur í 200 m fjórsundi og brons í 50 m flugsundi og í 100 og 400 m skriðsundi. Kári Ármannsson sigraði í 50 bringusundi og vann silfurverðlaun í 100 og 200 m bringusundi. Loks vann Nanna Björk Barkardóttir fern bronsverðlaun, í 50, 100 og 200 m bringusundi og 50 m flugsundi.
Nýjast
-
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir.
