Gleðilegt sumar !
Sumarmál/mynd Rúnar Vestmann.
Kristján frá Gilhaga hefur stundað vísnagerð frá barnæsku og ort ógrynni af tækifærisvísum og lausavísum við öll hugsanleg tækifæri.Í tilefni af komu sumarsins birtist hér ljóðið Sumarmál eftir Kristján. Meðfylgjandi mynd tók Rúnar Vestmann.
Vikudagur sendir lensendum sínum bestu óskir um gleðilegt sumar.
Sumarmál.
Nú rís af djúpum dvala
úr dimmum vetrarsvala
mitt fagra fósturland.
Frá sól við sjónhring ysta,
á sumardaginn fyrsta,
rís gullið geislaband.
Sá geisli fögnuð færir
hann frjóvgar vermir nærir.
Það breytir allt um brag.
Þá fjötrar vetrar falla
og frelsið hrífur alla,
hinn fyrsta sumardag.
Sú þjóð sem þreyja mátti
við þrotlaust strit og átti
til matar vart í mál.
Sá óskir einatt rætast,
og allra hugir kætast
við sérhver sumarmál.
Kristján frá Gilhaga
Nýjast
-
Engar úrbætur á athafnasvæði Auto
Engar úrbætur hafa verið gerðar á athafnasvæði Auto ehf. að Setbergi á Svalbarðsströnd, þrátt fyrir ítrekaðar kröfur þar um frá heilbrigðisnefnd. Álagðar dagsektir hafa ekki innheimst og er innheimta hluta þeirra komin í lögfræðilegt ferli. -
Komin er út barnabókin VeiðiVinir
„Skólinn er búinn og sumarfríið að byrja og vinirnir Páll og Bjarni ganga saman heim síðasta skóladaginn. Þeir hafa verið duglegir að bera út blöð í vetur og eru fyrir löngu búnir að ákveða hvað verður keypt, já fyrir löngu. Strákarnir ætla í veiðibúðina á morgun, jafnvel í dag, þar sem þeir ætla að kaupa fyrst flugustöng og svo kaststöng. Vinirnir ætla að veiða eins mikið og þeir geta í allt sumar…“ -
Kveldúlfur, ný tónlistarhátíð á Hjalteyri
Kveldúlfur er ný tónlistarhátíð sem verður haldin á Hjalteyri á morgun laugdaginn, 12. júlí. Skipuleggjendur hátíðarinnar eru þau Sara Bjarnason verkefnastjóri og Vikar Mar bóndi á Ytri Bakka og listmálari. -
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér. -
Jöfnuður er lykilorðið – svar framkvæmdastjóra sveitarfélaga á landsbyggðinni
Sjö bæjar- og sveitarstjórar skrifa um grunntilgang Jöfnunarsjóðs sveitarfélaga -
Ja þessir unglingar
Um 70 manns frá EBAK Félagi eldri borgara á Akureyri, EBAK heimsóttu Kjarnaskóg í vikunni, líkt og þau gera alla þriðjudaga sumarlangt til að ganga sér til gleði.
