Gamli skóli á Grenivík 100 ára
Gamli skóli á Grenivík setur svip sinn á staðinn. Myndir frá Ingu Maríu Sigurbjörnsdóttur
Það var mikið um dýrðir þegar íbúar Grýtubakkahrepps fögnuðu 100 ára afmæli Gamla skóla á Grenivík á dögunum, en þann 1. desember sl. voru liðin 100 ár frá vígslu skólans.
Þetta fallega hús setur svip sinn á staðinn og er íbúum mikilvægt. Það má segja að síðustu ár hafi það einkum gegnt hlutverki tónlistarhúss í hreppnum því þar eru vor- og jólatónleikar tónlistarskólans haldnir ár hvert, þar æfir kirkjukórinn og þar fara einnig fram hljómsveitaræfingar.
Aldarafmælinu var fagnað sunnudaginn 30. nóvember. Nokkrir gestir rifjuðu upp minningar úr húsinu og sögðu frá ýmsu skemmtilegu. Sagt var frá vígsludegi hússins og nemendur úr TE spiluðu nokkur lög á píanó auk þess sem boðið var upp á léttar veitingar.
Það er von íbúa að Gamli skólinn gegni áfram mikilvægu hlutverki næstu 100 árin.
Þann 1. desember sl. voru liðin 100 ár frá vígslu Gamla skóla og var því fagnað með samkomu í húsinu.
Gestir rifjuðu upp minningar úr húsinu og sögðu frá ýmsu skemmtilegu í tengslum við það.
Nýjast
-
Smábátaeigendur kynntu sér nýjustu tækni
Á dögunum bauð DNG færavindur smábátaeigendum á Norðurlandi í heimsókn í húsakynni fyrirtækisins á Akureyri. Viðburðurinn var skipulagður í samstarfi við Klett, félag smábátaeigenda á Norðurlandi eystra, og tókst afar vel. Aðsókn var mjög góð og var gestum fagnað með kynningu á framleiðslu, tækninýjungum og framtíðarþróun færavinda. -
Gamli skóli á Grenivík 100 ára
Það var mikið um dýrðir þegar íbúar Grýtubakkahrepps fögnuðu 100 ára afmæli Gamla skóla á Grenivík á dögunum, en þann 1. desember sl. voru liðin 100 ár frá vígslu skólans. -
Listasafnið á Akureyri - Leiðsögn um sýningu á verkum Óla G.
Boðið verður upp á leiðsögn um yfirlitssýningu á verkum Óla G. Jóhannssonar, Lífsins gangur á Listasafninu á Akureyri. Þá munu sýningarstjórarnir Sigríður Örvarsdóttir, safnstjóri, og Magnús Helgason, myndlistarmaður, segja gestum frá sýningunni og einstaka verkum. Aðgangur er innifalinn í miðaverði Listasafnsins. -
Öflugt félagsstarf í Grímsey
Í Grímsey eru starfrækt tvö félög, Kiwanisklúbburinn Grímur og Kvenfélagið Baugur. Þrátt fyrir að bæði félögin séu lítil og margir félagsmenn brottfluttir, eru þau ótrúlega virk og öflug. Á fundum félaganna mæta oft um tíu manns, og stundum færri, en félagsmenn sýna mikinn eldmóð þegar viðburðir eru skipulagðir eða unnið að góðgerðarmálum. -
Berginu – Headspace hlýtur samfélagsstyrk Hafnasamlags Norðurlands
Á fundi hafnarstjórnar 10. desember síðastliðinn var veitt Berginu – Headspace samfélagsstyrk Hafnasamlags Norðurlands. Upphæð styrksins er ein milljón króna. -
SAk sendir út ákall til að manna endurhæfingar- og öldrunarlækningaþjónustu á Kristnesi
Mikið álag hefur verið á Sjúkrahúsinu á Akureyri til lengri tíma og mönnun heilbrigðisstarfsfólks verið mikil áskorun. -
Ekkert áætlunarflug í vetur milli Húsavíkur og Reykjavíkur
„Við munum halda áfram að berjast fyrir áætlunarflugi milli Húsavíkur og Reykjavíkur. Það er mikilvægt byggðamál að samgöngur hér á landi séu í viðunandi horfi,“ segir Aðalsteinn Á. Baldursson formaður Framsýnar á Húsavík. -
Sjáumst í myrkrinu
Nú er svartasta skammdegið gengið í garð og dagarnir orðnir stuttir. Foreldrar eru því minntir á mikilvægi þess að tryggja að börn beri endurskinsmerki. -
Vöfflukaffi í Sandgerðisbót
Nokkrir valinkunnir trillukarlar í Sandgerðisbót brydda upp á þeirri nýjung að bjóða upp á vöfflur með rjóma í Bótinni á laugardag, frá kl. 11 til 14 og vænta þeir þess að áhugasamir bæjarbúar líti við og eigi góða stund á aðventunni. Ísfell og Veiðiríkið styðja framtakið.