Erum hætt að deyja ung!
Vilborg Gunnarsdóttir skrifar
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.
Í áhugaverðum erindum var byrjað að tæpa á því sem við vissum sem er að þjóðin er að eldast. Við erum hætt að deyja ung, meðalaldur hækkar og á sama tíma eignast fólk færri börn svo elstu aldurshóparnir verða hlutfallslega stærri. Þá verða ekki bara færri skattgreiðendur til að borga fyrir þjónustuna sem við eldri þurfum heldur mun vanta vinnandi hendur til að sinna þessum hópi.
Það verður seint hægt að minna nógu oft á mikilvægi þess að huga að líkamlegri og andlegri heilsu ef við verðum það lánsöm að sleppa við alvarlega sjúkdóma þegar kemur að síðasta aldursskeiðinu.
Þegar að því kemur að við þurfum aðstoð hafa verið teknar í notkun nýjar leiðir við að veita þjónustu eða svokölluð velferðartækni. Sumt þar er ekki nýtt svo sem hvers kyns öryggisskynjarar, lyfjaskammtarar , sjálfvirk salerni og ryksuguróbótar svo eitthvað sé nefnt. Stóru hjúkrunarheimilin hafa tekið í notkun smáforrit sem starfsmenn skrá í hvað eina sem gert er fyrir heimilisfólk; sem oftast eru sjúklingar, sakir þess hversu seint þeir komast að á slíku heimili. Sú skráning einfaldar til dæmis hjúkrunarfræðingum að hafa yfirsýn yfir hvern og einn og á að tryggja skjótari viðbrögð ef þurfa þykir. Ég veit reyndar ekki hversu aðlaðandi mér þætti að vakna upp við að vélmenni vildi koma mér framúr en nú þegar hafa verið þróuð rúm sem aðstoða við að komast fram úr þeim. Komnar eru á markað veltidýnur og þá er hægt að nota bleyjur með nemum sem senda boð og jafnvel greina ef sýking á sér stað.
Rolling Stones á Hlíð?
Kynslóðin sem næst þarf á þjónustu hjúkrunarheimila að halda mun breyta kröfum um aðbúnað. Talað er um að félagarnir í Rolling Stones séu næstir og hvað munu þeir vilja? Sú kynslóð er þegar orðin tæknivæddari og „snjallari“ en aðrir, hún er vön því að senda eftir þeim mat sem þá langar í og sækja sér afþreyingu í stað þess að þiggja það sem henni er skammtað. Kröfurnar verða því meiri og um leið verður enn mikilvægara að störf í þjónustu við eldra fólk verði gerð meira aðlaðandi.
Á málstofunni var líka sagt frá vélmenninu Lio sem íslenskur verkfræðingur vinnur við að þróa í Sviss. Sá sækir óhreinan þvott, ekur um með matarvagna og fer út með ruslið. Þá heldur hann fólki virku með söng, tónlist og æfingum og stendur vaktir á næturnar. Ég giska á að Lio verði vinsæll hjá Stones kynslóðinni þar sem hann getur rokkað með þeim inn í nóttina og pantað fyrir þá pizzu.
Höfundur er áhugamaður um almenna velferð.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.