Er Loftbrúin næst?
Sverre Jakobsson, skipar 3. sæti á lista Framsóknar á Akureyri
Akureyri gegnir lykilhlutverki í atvinnu og þjónustu hér á Norðurlandi. Til þess að Akureyri geti haldið áfram að vaxa og dafna þarf markvissa hagsmunagæslu gagnvart ákvörðunum stjórnvalda sem hafa bein áhrif á samkeppnishæfni bæjarins, hvort sem það tengist samgöngumálum, atvinnumálum, heilbrigðismálum o.s.frv. Það er ljóst að bæjarfulltrúar á Akureyri verða að standa vörð um hag bæjarins. Öflug hagsmunagæsla er brýn þegar viðkemur stórum ákvörðunum stjórnvalda sem hafa áhrif á bæjarfélagið.
Loftbrúin er risastórt hagsmunamál
Loftbrúin tók gildi í september 2020 og felur í sér niðurgreiðslu á 40% af flugfargjaldi á áætlunarflugi til og frá höfuðborgarsvæðinu. Notkunin hefur vaxið jafnt og þétt og bendir klárlega til mikillar eftirspurnar og raunverulegrar þarfar. Þá benda öll gögn til þess að tekjulægri á landsbyggðinni hafi frá árinu 2020 nýtt sér í mun meira mæli flugsamgöngur. Aðgerðin er því að skila þeim ávinningi sem lagt var upp með.
Nú eru uppi hugmyndir um hugsanlegar breytingar á Loftbrúnni. Þegar ráðherra er spurður hvort hann hyggist draga úr útgjöldum með nýrri útfærslu á Loftbrúnni, þá svarar hann þannig til að það muni koma í ljós og að hann sé ekkert inni í tæknilegum atriðum hvað það varðar.
Hvað stendur þá til?
Stöndum saman um okkar hagsmuni
Þetta er mikið hagsmunamál fyrir okkur Akureyringa. Líklega stærsti kostur þessarar aðgerðar er aukið og bætt aðgengi landsbyggðar að miðlægri þjónustu á höfuðborgarsvæðinu. Slíka hagsmuni þarf að verja. Hagsmunagæslan snýst ekki um sérhagsmuni, heldur um jafnræði, skynsemi og framtíðarsýn fyrir Akureyri.
Sverre Jakobsson
Skipar 3. sæti á lista Framsóknar á Akureyri
Nýjast
-
Er Loftbrúin næst?
Akureyri gegnir lykilhlutverki í atvinnu og þjónustu hér á Norðurlandi. Til þess að Akureyri geti haldið áfram að vaxa og dafna þarf markvissa hagsmunagæslu gagnvart ákvörðunum stjórnvalda sem hafa bein áhrif á samkeppnishæfni bæjarins, hvort sem það tengist samgöngumálum, atvinnumálum, heilbrigðismálum o.s.frv. Það er ljóst að bæjarfulltrúar á Akureyri verða að standa vörð um hag bæjarins. Öflug hagsmunagæsla er brýn þegar viðkemur stórum ákvörðunum stjórnvalda sem hafa áhrif á bæjarfélagið. -
Landhelgisgæslan býður í heimsókn um borð í varðskipið Þór
Landhelgisgæsla Íslands býður almenningi að heimsækja varðskipið Þór sem verður við bryggju á Akureyri fram á laugardag. Heimsóknin er liður í hátíðarhöldum vegna 100 ára afmælis stofnunarinnar, en af því tilefni hefur Landhelgisgæslan ferðast um landið og boðið landsmönnum að kynna sér starfsemina. -
Hver er skráður þinn nánasti aðstandandi í sjúkraskrá?
Í apríl fer af stað vitundarvakning varðandi skráningu nánasta aðstandanda í sjúkraskrá sjúklinga. Markmiðið með verkefninu er að vekja athygli sjúklinga á skráningu nánasta aðstandanda í sjúkraskrá og hvetja þá til að uppfæra skráninguna eftir þörfum. -
Lóan er komin og sumarkvíðinn líka
Sumarið er tími fjölskyldunnar, samveru og frelsis. Eða það ætti að minnsta kosti að vera það, ekki satt? Hjá mörgum barnafjölskyldum er sumarið þó tími púsluspils, samviskubits og kvíða. -
Áfram menning og listir, ekki bara á tyllidögum!
Menning og listir eru svona spariorð. Mest notuð spari og líka alltof sparlega! Það er helst á tyllidögum og í aðdraganda kosninga að þau eru dregin fram. Þegar kreppir að eru það menning og listir sem verða oft fyrst fyrir barðinu á niðurskurðinum. Og maður skilur að það sé sársaukaminna en að skera niður á velferðasviði sem dæmi. En það gleymist að menning og listir eru líka velferð. Ég hef sjálf orðið vitn að því að börn sem voru ekki að finna sig í íþróttum eða öðru félagsstarfi hafi gjörsamlega blómstrað í leiklist og komið sjálfum sér og öllum í kringum sig á óvart. Fundið styrk sinn, rödd og hæfileika; eignast nýtt líf hreinlega. -
Vöndum okkur
Ríkisstjórnin hefur lagt til að þjóðin greiði atkvæði í lok ágúst um hvort halda eigi áfram viðræðum um aðild Íslands að Evrópusambandinu. Slík ákvörðun snertir grundvallarhagsmuni þjóðarinnar og framtíðarsýn til lengri tíma. Það er því eðlilegt og mikilvægt að gerðar séu ríkar kröfur til slíkrar atkvæðagreiðslu. -
ELDRI MAÐUR FER Í FRAMBOÐ
Það voru margir undrandi þegar í ljós kom að einn listinn (S-listinn) hefur mig, fjörgamlan manninn, í framboði. Að vísu neðst á listanum en sumir tala um það sé heiðurssæti sem er auðvitað ekki verra en hvað annað því einhver verður að vera síðastur enda segir á góðum stað að þeir síðustu verði fyrstir áður en yfir lýkur. En að öllu gamni slepptu þá sýnist mér að þessi ágæti listi geymi margt ungt og efnilegt fólk sem er víst til að fleyta bænum okkur góða úr þeirri værð og fjarlægð frá íbúum hans sem einkennt hefur bæjarstjórn undanfarin ár. -
Framkvæmdir og götulokanir í kringum Lækjargötu
Á heimasíðu Akureyrarbæjar er sagt frá þvi að komið sé að endurnýjun á regnvatnslögn í Lækjargötu, frá Spítalavegi og til austurs í gegnum gangstétt að Hafnarstræti. Framkvæmdir hefjast um miðjan apríl og munu standa yfir í rúma tvo mánuði segir ennfremur í áðurnefndri tilkynningu. -
Brúðuleiksýningin Rót frumsýnd á Akureyri í þessum mánuði
Rót er ljóðræn brúðuleiksýning fyrir alla fjölskylduna eftir leikhópinn Handbendi. Umfjöllunarefnið er hvernig það er að alast upp milli menningarheima, en móðir Óla er af erlendu bergi brotinn og faðir hans íslenskur. Líf Óla stekkur stakkaskiptum þegar amma hans frá Suður-Ameríku kemur í heimsókn og hann uppgötvar nýjan hluta af sjálfum sér.
