Brynja Harðardóttir Tveiten opnar málverkasýninguna FYLLING Í TILVERUNA
Brynja Harðardóttir Tveiten, opnar málverkasýninguna Fylling í tilveruna í Leyni, Hafnarstræti 95 n.k. fimmtudag.
Fimmtudaginn 16. júlí kl. 20 opnar Brynja Harðardóttir Tveiten málverkasýninguna Fylling í tilveruna í Leyni, Hafnarstræti 95 á Akureyri. Sýningin stendur til 30. júlí.
Brynja fléttar saman eigin texta, skrift og myndlist. Verkin eru litsterk og myndbyggingin einföld þar sem setningin „við erum öll fylling í tilveruna“ er skrifuð aftur og aftur. Endurtekningin gerir það að verkum að orðin renna saman, þéttast eða leysast upp og mörk orða og myndar verða óljós.
Verkin endurspegla hugleiðingar Brynju um hringrás lífsins, hvernig við erum samofin náttúrunni og hluti af stærri heild, óháð tíma og rúmi, lífi og dauða. Ferlið við málverkið, endurtekningin og flæðið er n.k. mantra og hughreysting. Þótt ummerki okkar dofni með tímanum erum við ávallt hluti af heildinni.
Þetta er áttunda einkasýning Brynju, sem hefur einnig tekið þátt í fjölda samsýninga. Nú síðast tók hún þátt í sýningunni Hédna með Myndlistarfélagi Akureyrar sem stendur yfir í Hofi.
Brynja (f. 1971) lærði myndlist við Myndlistaskólann á Akureyri og Örebro Konstskola í Svíþjóð. Hún starfaði um árabil í ólíkum geirum sem uppeldis-, menntunar- og lýðheilsufræðingur samhliða listsköpun sinni en sneri sér alfarið að listinni árið 2022. Síðan þá hefur hún starfrækt vinnustofu og listarými í Hafnarstræti 88 á Akureyri.
Nýjast
-
FIFA skapar nýja skúrka
Vítaspyrnukeppni í lok leiks er grimmileg. Einhver klikkar á vítaspyrnunni sinni, hvort sem það er eftir 1-5 spyrnur eða í bráðabana. Það er síðasta augnablik langs leiks; leikmaðurinn, sem nú er allt í einu orðinn skúrkur eða blóraböggull, liggur eftir í sárum. Þjóð hans er á leiðinni heim – draumurinn búinn! -
Allt frá englum í abstrakt
Hulda Ólafsdóttir býður ykkur velkomin að skoða nýjar akrýlmyndir sínar í Deiglunni á Akureyri helgina 17.-19. júlí. Hún byrjaði að mála snemma á þessu ári og sýnir nú afraksturinn. Myndefnið er fjölbreytt—frá englum til abstrakt, blómum, landslagi, andlitum, eða því sem hefur heillað hana á hverju augnabliki. -
Brynja Harðardóttir Tveiten opnar málverkasýninguna FYLLING Í TILVERUNA
Fimmtudaginn 16. júlí kl. 20 opnar Brynja Harðardóttir Tveiten málverkasýninguna Fylling í tilveruna í Leyni, Hafnarstræti 95 á Akureyri. Sýningin stendur til 30. júlí. -
Systkinin hlaupa fyrir ömmur sínar
Systkinin Arnór og Ruth Ragnarsbörn eru íþróttafólk af guðs náð en þau ætla að taka þátt í Reykjavíkurmaraþoni Íslandsbanka í ágúst. Þau gera það að sjálfsögðu ekki fyrir neitt hálfkák enda ekki þekkt af því og hlaupa bæði heilt maraþon fyrir Krabbameinsfélag Suður Þingeyinga. -
Sumarferðalagið byrjar heima við
Nú þegar sumarleyfin eru komin á fullt skrið og landsmenn ýmist leggja land undir fót, hjól, bíl eða tjaldvagn, fyllast vegirnir af ferðaglöðu fólki. Sumarið hefur nefnilega þann einstaka eiginleika að fá okkur til að hægja aðeins á okkur, stíga út úr amstri dagsins og skilja stressið eftir heima. -
Skammtíma- og frístundaþjónusta á Akureyri Þörf fyrir nýtt 500 fermetra hús á einni hæð
Heppilegt er að hafa starfsemi skammtíma- og frístundaþjónustu fyrir fatlaða í húsnæði sem sérstaklega er byggt fyrir þá starfsemi sem fram fer. Brekkukot er ein af tveimur starfsstöðvum fyrir skammtíma- og frístundaþjónustu fatlaðra barna og ungmenna á Akureyri. Starfsemin fer fram í húsnæði að Þórunnarstræti 99 sem ekki nýtist sem skyldi. -
Kvenféla Reykdælinga færir Leikskólanum Krílakoti gjöf
Kvenfélag Reykdælinga færði leikskólanum Krílabæ dásamlega gjöf á dögunum. Félagskonurnar Jóhanna Eydís og Þórhildur komu færandi hendi og afhentu leikskólanum ný og vönduð leikföng að andvirði 100 þúsund króna. -
Akureyri Óskað eftir viðauka vegna aukins viðhalds
Umhverfis- og mannvirkjasvið Akureyrarbæjar hefur óskað eftir 110 milljóna króna viðauka við fjárhagsáætlun vegna viðhalds félagslegra leiguíbúða á árinu 2026. Ástæða þess eru aukin verkefni í sameignum, kostnaðarsöm leiguskipti og umfangsmiklar ófyrirséðar framkvæmdir. -
Sumartónleikar í Akureyrarkirkju í 40 ár Björn Steinar leikur á orgelið
Sumartónleikar í Akureyrarkirkju verða haldnir alla sunnudaga í júlí. Dagskráin sem og flutningur er vönduð og fjölbreytt, líkt og verið hefur síðustu fjörutíu sumur.
