Blöndulína ofanjarðar í fyrstu en komið í jörðu eins fljótt og auðið er
Frá fundinum s.l. mánudag Mynd akureyri.is
Um 60 manns sóttu upplýsingafund um Blöndulínu 3, stöðu verkefnisins og næstu skref, sem haldinn var í Ráðhúsinu á mánudag. Bæjarstjórn fjallaði síðan um málið á fundi sínum í gær.
Þar var samþykkt að auglýsa tillögu að breytingu á aðalskipulagi sem varðar legu og útfærslu háspennulína í landi Akureyrarbæjar, þar á meðal Blöndulínu 3, til norðurs frá Rangárvöllum.
Gert er ráð fyrir að línan verði ofanjarðar til bráðabirgða en að henni verði komið í jörðu eins fljótt og auðið er án kostnaðarþátttöku sveitarfélagsins. Um er að ræða tímabundna lausn til þess að tryggja raforkuöryggi á svæðinu. Framtíðarlausn flutningskerfis raforku verður eftir sem áður að hafa háspennulínur í jörðu til samræmis við stefnu stjórnvalda þar um.
Línan verður byggð upp með trémöstrum frá Rangárvöllum að gili við Hrappsstaðaá í landi Kífsár en stálmöstur taki þar við að sveitarfélagamörkum. Þegar forsendur hafa skapast til að breyta loftlínu í jarðstreng er gert ráð fyrir að línan verði lögð í jörðu.
Breytingartillagan var samþykkt með 11 samhljóða atkvæðum. Bæjarfulltrúar lögðu sérstaka áherslu á mikilvægi þess að hefja formlegt samráðsferli við íbúa og aðra hagsmunaaðila svo taka megi tillit til þeirra ábendinga sem komu fram á upplýsingafundinum á mánudag og jafnframt að fá skýr svör Landsnets við þeim.
Gert er ráð fyrir því að framkvæmdin gerist í skrefum þar sem ákveðnar forsendur þarf að uppfylla áður en Blöndulína 3 verður að lokum lögð í jörð. Markmið framkvæmdarinnar er að bæta nýtni og flutningsgetu raforkukerfisins, auka afhendingargetu og tryggja stöðugleika kerfisins.
Samhliða samráðsferli verður unnið að samkomulagi við Landsnet þar sem tryggt verður með óyggjandi hætti hvernig staðið verður að lagningu jarðstrengs án kostnaðarþátttöku Akureyrarbæjar. Endanleg samþykkt skipulagsins er háð því að slíkt samkomulag náist.
akureyri.is sagði fyrst frá
Nýjast
-
Hjúkrunarheimili við Þursaholt boðið út
„Við hjá Akureyrarbæ erum afskaplega ánægð með að búið er að auglýsa útboð fyrir hjúkrunarheimilið,“ segir Pétur Ingi Haraldsson sviðsstjóri Skipulagssviðs Akureyrarbæjar. -
Íþróttahátíð Akureyrar 2026
Íþróttabandalag Akureyrar og Akureyrarbær bjóða bæjarbúum til athafnar í Hofi fimmtudaginn 29. janúar þar sem íþróttakona og íþróttakarl Akureyrar fyrir árið 2025 verða krýnd. -
Blöndulína ofanjarðar í fyrstu en komið í jörðu eins fljótt og auðið er
Um 60 manns sóttu upplýsingafund um Blöndulínu 3, stöðu verkefnisins og næstu skref, sem haldinn var í Ráðhúsinu á mánudag. Bæjarstjórn fjallaði síðan um málið á fundi sínum í gær. -
Uppbygging fyrirhuguð á íþróttasvæði Þórs
„Þetta er mjög stórt fyrir okkur, þessi ákvörðun og framkvæmd er löngu tímabær,“ segir Reimar Helgason framkvæmdastjóri Íþróttafélagsins Þórs á Akureyri um fyrirhugaða uppbyggingu á íþróttasvæði félagsins. Minnisblað um þá uppbyggingu var lagt fyrir bæjarráð í liðinni viku, en til stendur að byggja íþróttahús og félagsaðstöðu á svæðinu. -
Þórhallur Jónsson sækist eftir fyrst sæti hjá Sjálfstæðismönnum og vill prófkjör
Í tilkynningu sem Þórhallur Jónsson varabæjarfulltrúi Sjálfstæðisflokksins sendi frá sér rétt í þessu kemur að hann bjóði sig fram í fyrsta sæti á lista floksins fyrir komandi sveitartjórnarkosningnar en áður hafði Þórhallur tilkynnti framboð sitt í annað eða þriðja sætið. -
Kokkar og þjónar á Múlabergi skipta um hlutverk
,,Ég þori eiginlega að fullyrða það að þetta hefur aldrei verið gert á Íslandi og ég veit svo sem ekki til þess að þetta hafi verið gert annars staðar í heiminum. Enda er þetta auðvitað alveg galin hugmynd,“ segir Ingibjörg Bergmann veitingastjóri á Múlabergi en þar verður viðburðurinn Flotið 2.0 haldinn annað kvöld fimmtudagskvöldið 29. janúar. -
Arngrímur Arnarson ráðinn safnstjóri Hvalasafnsins
Aggi hefur í gegnum tíðina unnið að fjölmörgum samvinnuverkefnum með safninu, meðal annars gerð bæklinga og heimasíðu safnsins á upphafsárum þess, auk þess sem hann hefur aðstoðað við uppsetningu á viðburðum og sýningum í húsinu. -
Miklar framkvæmdir hafa staðið yfir í Glerárskóla síðustu ár og skólinn er nú orðinn hinn glæsilegasti
Fyrsti skólinn í Þorpinu var byggður í Bótinni árið 1908, í kjölfar fræðslulaganna 1907. Árið 1937 reis Árholt, austan núverandi skólahúsnæðis, þar sem skólahald var til 1972 þegar skólinn flutti í nýjan Glerárskóla, í húsnæðið sem í dag kallast A-álma. -
Mikil þörf fyrir fagmenntað fólk í veitingageiranum
Alls hófu sex nemendur nám í 2. bekk í matreiðslu í VMA nú um áramót. Þetta er fyrri áfanginn af tveimur í námi að loknu grunnnámi sem nemendur þurfa að ljúka til þess að fara í sveinspróf í matreiðslu. Framhaldið með 3. bekkinn ræðst af fjölda umsókna, en hann verður mögulega í boði á næstu haustönn eða vorönn að ári liðnu.