Bíladagar
Dýrleif Skjóldal
Ég er af bilaáhugafólki komin! Pabbi minn stefndi að því að eignast 1000 bíla um ævina en var ekki kominn upp í nema 987 þegar hann lést. Bróðir minn ólst upp í bílskúrnum og er einn fremsti bilakappi landsins. Frændur mínir og frænkur af Skjóldalskyninu hafa ótalmörg keppt í hinum ýmsu greinum akstursíþrótta og þeim fer stöðugt fjölgandi. Systir mín ekur daga og nætur um bæinn sem leigubílstjóri eins og föðurbróðir minn gerði. Ég og mín fjölskylda erum í hópi þeirra sem elska Bíladaga. Í gegnum árin hafa þeir þróast og það varð stór áfangi þegar bærinn loksins samþykkti að veita Bilklúbbnum pláss til að stunda sína íþrótt. Aksturíþróttir þarf nefnilega að æfa eins og aðrar íþróttir.
En karlarnir og kerlingarnar sem á hverju ári nöldra yfir þessum árlegu hátíðar dögum bílaáhugafólks eru hávær. Verst er þó að bærinn sjálfur gerir lítið annað en að hindra að þessir dagar fari vel fram.
Hvað er það að loka gilinu þessa daga og halda að öll umferð fari út á Þórunnarstræti? Þegar reyndin er sú að hún fer styðstu leið, upp Oddeyrargötu og Hamarstig?
Hvað á það að þýða að ekki er sett niður eitt einasta ferðaklósett eða auka rusladallur í miðbænum þegar vitað er af hundruðum gesta í bænum? Af hverju er það gert þegar haldið er fótboltamót en ekki þegar akstursíþróttamót eða jubilantar á ferð?
Af hverju er skipulagi á viðhaldi gatna ekki stýrt betur? Það vita allir að Bíladagar eru í kringum 17. Júní. Það vita allir að þá koma gestir og þeim fjölgar stöðugt. Allir vita að sá dagskrárliður sem dregur að sér flest fólk á 17. Júní er bíla sýningin. Allir vita að það er almenn kurteisi að taka vel á móti gestum og að það á ekki að mismuna fólki.
Akureyringar, Akureyrarbær girðum okkur í brók!
Dilla.
Nýjast
-
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni. -
Hver borgar brúsann?
Ríkisstjórnin hefur lagt fram frumvarp um breytingar á lögum um skyldutryggingu lífeyrisréttinda og starfsemi lífeyrissjóða. Efni frumvarpsins varðar svokallaða víxlverkun. Verði frumvarpið að lögum verður lífeyrissjóðum óheimilt að taka tillit til greiðslna frá Tryggingastofnun ríkisins við útreikning örorkulífeyris. Í reynd þýðir það að tvö aðskilin kerfi, þ.e. almannatryggingar annars vegar og lífeyrissjóðir hins vegar, greiða út bætur án samræmis eða gagnkvæmrar aðlögunar. -
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á.
