Bakþankar bæjarfulltrúa Naglar í miðbænum
,,Göngugatan" á Akureyri er títt í huga fólks, Jón Hjaltason skrifar þanka
Það er eitt og annað rætt í nefndum bæjarins. Í einni þeirra kviknaði til dæmis sú hugmynd hvort ekki væri rétt að banna nagladekk á göngugötunni. Ég man ekki hver lagði þetta til enda ríkir trúnaður um það sem fram fer á nefndarfundum. Svo ekki spyrja mig.
Ég get þó upplýst að ég fagnaði hugmyndinni sem kom ýmsum – mér nánum – á óvart enda ég yfirlýstur nagladekkjamaður. Sannleikurinn er þó sá að ég þjáist í sífellt ríkari mæli af nagladekkja-samviskubiti. Ég sé hvernig götur bæjarins grafast niður og hvernig þær detta í göt hér og þar. Allt nöglunum að kenna er klifað á. Og ég finn til í pyngjunni, þessari stóru sem við Akureyringar eigum öll.
Jón Hjaltason
Ég studdi því bannið. En þá gerðist hið óvænta – og nú erum við mætt á fund bæjarstjórnar og þar er allt fyrir opnum tjöldum – að hörðustu andstæðingar nagladekkjanna fundu hugmyndinni allt til foráttu. Það er ekki nokkur leið að framfylgja slíkri reglu, fullyrtu þeir. Fótafúnum væri líka gert erfiðara um vik að heimsækja miðbæinn.
Nei, þetta getum við ekki hugsað okkur, var sannfæring nánast allra bæjarfulltrúanna. Jáin voru aðeins tvö og kom fyrir ekki þótt ég reyndi að útskýra samviskukvalir mínar og að mögulega yrði slíkt miðbæjar-bann til að koma mér af nöglunum. Ég er nefnilega rúntari upp á gamla mátann.
Nýjast
-
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá. -
Bakþankar bæjarfulltrúa Naglar í miðbænum
Það er eitt og annað rætt í nefndum bæjarins. Í einni þeirra kviknaði til dæmis sú hugmynd hvort ekki væri rétt að banna nagladekk á göngugötunni. Ég man ekki hver lagði þetta til enda ríkir trúnaður um það sem fram fer á nefndarfundum. Svo ekki spyrja mig. -
Eining Iðja Meira greitt úr sjúkrasjóði
Greiðslur úr sjúkrasjóði Einingar-Iðju á liðnu ári voru rétt tæpar 300 milljónir miðað við rúmar 266 milljónir árið áður. -
Heiðra Hjalta og vekja athygli á úrræðaleysi fyrir ungt fólk með geðrænan vanda
Viðburður til heiðurs Hjalta Snæ Árnasyni verður í Freyvangi í kvöld, föstudagskvöldið 9. maí og hefst hann kl. 20. Hjalti Snær hefði orðið 23 ára í dag. Hann fór í sína daglegu morgungöngu frá Laugarási í Reykjavík fyrir 7 vikum síðan, gekk þar í sjóinn og hefur enn ekki fundist. -
Enduruppbygging fram undan í Fálkafelli
Skipulagsráð Akureyrarbæjar hefur samþykkt að stækka lóðina við Fálkafell til samræmis við óskir Skátafélagsins Klakks en með því skilyrði að aðgengi almennings að lóðinni verði tryggt. -
Sammála um að þetta er græjan sem breytir lífinu
„Við höfum prófað alls konar græjur og erum sammála um að þetta er tækið sem breytir lífi okkar til batnaðar,“ segir Jón Gunnar Benjamínsson sem hóf fyrir skemmstu að flytja inn rafmagnsfjórhjól sem nýtast fötluðum og þeim sem ekki eiga gott með gang sérlega vel til að njóta útivistar og náttúru. Hann vísar í Jón Heiðar Jónsson sem var fyrsti Akureyringurinn til að kaupa slíkt hjól en þau nefnast Exoquad. -
Norðurorka heiðrar starfsfólk
Starfsmannavelta er lítil hjá Norðurorku og starfsreynsla mikil og góð. Erla Björg Guðmundsdóttir Valgerðardóttir mannauðsstjóri kallaði upp á svið á aðalfundi Norðurorku á dögunum, það starfsfólk sem lætur af störfum hjá fyrirtækinu fyrir aldurs sakir og þakkaði fyrir gifturík störf í þágu þess. -
Listnáms- og hönnunarbraut VMA Lokaverkefni sýnd í Hofi
Sýningar á lokaverkefnum nemenda á listnáms- og hönnunarbraut Verkmenntaskólans á Akureyri verður opin í Hofi fram á sunnudag, 11 maí. Þetta er í fyrsta sinn sem lokaverkefnin eru sýnd í Menningarhúsinu Hofi.