Ársfundur HSN Jákvæð þróun þrátt fyrir áskoranir í rekstri
Frá aðalfundinum Myndir Pedromyndir
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn.
- Rekstrarhalli ársins nam 431 milljón króna og má rekja hann að mestu til nýrra kjara- og stofnanasamninga sem ekki hafa enn verið að fullu kostaðir.
- Verkefnið „Vellíðan á vinnustað“ hófst síðla árs 2024. Markmið þess er að efla starfsumhverfi og stuðla að betri heilsu starfsmanna, með það að leiðarljósi að draga úr veikindum vegna starfsaðstæðna.
- HSN hækkaði marktækt í könnuninni „Stofnun ársins“, úr einkunninni 3,76 í 4,1. Einkunnin byggir meðal annars á ánægju starfsmanna, stjórnun og ímynd stofnunarinnar. HSN fór úr 35.-36. sæti í 15.-18. sæti stórra stofnana. Áhersla verður áfram lögð á að efla jákvæða vinnustaðamenningu og góða ímynd – lykilþætti í að halda í gott starfsfólk og laða að nýtt.
- Nýtt húsnæði tekið í notkun á Akureyri: Heilsugæsla HSN á Akureyri hóf starfsemi í vel skipulögðu húsnæði í Sunnuhlíð og sálfélagsleg þjónusta ásamt skrifstofum HSN á Hvannavöllum.
- Heilsueflandi vinnustaður: Verkefnið hófst á Akureyri ásamt nýju fyrirkomulagi teymisvinnu sem miðar að því að bæta skipulag, stuðla að ánægju starfsfólks og auka samfellu í þjónustu við skjólstæðinga. Innleiðing stendur nú yfir á fleiri starfsstöðvum.
- Öflugari sálfélagsleg þjónusta: Nýtt geðheilsuteymi barna hóf starfsemi. Nú er innan HSN boðið upp á bæði sálfræði- og geðheilsuteymisþjónustu fyrir börn og fullorðna.
- Stofnun Akureyrarklíníkurinnar: HSN hefur í samstarfi við SAk sett á laggirnar mikilvæga starfsemi sem þjónustar einstaklinga með ME sjúkdóminn sem er langvinnur þreytusjúkdómur.
- „Gott að eldast“ í Dalvíkurbyggð: Verkefnið var innleitt með yfirfærslu heimahjúkrunar yfir á dvalarheimilið Dalbæ. Ný þjónusta er kvöldþjónusta í heimahjúkrun ásamt stuðningi frá endurhæfingarteymi og tengiráðgjafa.
Jón Helgi Björnsson, forstjóri HSN: „Þrátt fyrir áskoranir í rekstri þá erum við mjög ánægð með framgang HSN á árinu. Mjög jákvæð þróun varð sem hefur leitt til aukinnar starfsánægju og bættrar þjónustu við skjólstæðinga á þessu víðfeðma svæði. Við höfum m.a. nýtt velferðartækni til að auka öryggi og bæta þjónustu, og mönnun hefur gengið betur en áður – við höfum verið afar heppin með nýráðningar. Eftir þetta tíunda afmælisár HSN lítum við björtum augum til framtíðar með nýja stefnu og starfsáætlun, og mikinn drifkraft í okkar frábæra starfsfólki.“
Frá þessu segir í tilkynningu frá HSN
Ársskýrslu fyrir starfsárið 2024 má sjá á HSN.is.
Nýjast
-
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00