Arctic Services hleypt af stokkunum á Akureyri

Steingrímur J. Sigfússon atvinnuvega – og nýsköpunarráðherra hleypti af stokkunum átakinu  Arctic Services  Að  baki þess standa um 35 fyrirtæki og stofnanir sem allar eiga það sammerkt að eiga erindi við verkkaupa og framkvæmdaraðila á norðurslóðum í krafti sinnar sérþekkingar og reynslu.  Ekki síst felst styrkur verkefnisins í samstöðu og fjölbreytileika þátttakenda sem endurspeglar Eyjafjarðarsvæðið og Ísland. 

Kveikjan að stofnun Arctic Services  eru aukin umsvif í námu- og olíuvinnslu á Grænlandi, auk opnunar nýrra siglingaleiða um pólinn. Verkefninu er ætlað að gæta hagsmuna íslenskra fyrirtækja í markasðssetningu og kynningu á fjölbreytilegu þjónustu- framboði til staðar á Íslandi.  Að baki þess standa m.a. Mannvit, Efla, Eimskip, Slippurinn, Norlandair, Arionbanki, Íslandsbanki og fjöldi annarra fyrirtækja sem hér sameinast í markðassetningu.  Átakinu er stýrt af Atvinnuþróunarfélagi Eyjafjarðar (AFE).

Olíuboranir – og vinnsla úti fyrir austurströnd Grænlands liggur mjög vel við norður Íslandi, hvað varðar siglingaleið, þjónustuframboð, innviði og mannafla.  Þá byggir verkefnið á langtíma sögulegum tenglsum og viðskiptum við granna okkar á Grænlandi, en m.a.  er sjúkraflugi til og frá Grændlandi sinnt af Eyjafjarðarsvæðinu.  Þá hefur fjöldi fyrirtækja verið þar í verkefnum, auk þess sem sjúkrahúsið á Akureyri hefur sinnt sjúklingum frá Grænlandi um áratuga skeið.

Áætluð fjárfesting í námavinnslu á Grænlandi er um 100 milljarðar bandaríkjadala á næstu misserum.  Á Grænlandi má finna margar sjaldgæfar málm og bergtegundir sem eru afar eftirsóknarverðar, m.a. eru stærstu blý- og sink svæði í heimi nyrst á Grænlandi.