Aldrei fleiri kandídatar verið brautskráðir frá Háskólanum á Akureyri
Háskólahátíð fer fram í dag og á morgun
Í dag brautskrást fyrstu 9 stúdentarnir úr ráðgjöf í málefnum fólks með heilabilun frá Hjúkrunarfræðideild. Námið er 60 ECTS viðbótarnám á meistarastigi kennt í samstarfi við Félagsráðgjafadeild Háskóla Íslands og veita skólarnir prófið sameiginlega. Megininntak námsins er sérhæfing á sviði heilabilunar með áherslu á persónumiðaða, heildræna og samþætta ráðgjöf og þjónustu við fólk með heilabilun og aðstandendur þeirrar auk ráðgjafar og fræðslu til faghópa, almennings og stofnana.
Áætlað að fjöldi fólks með heilabilun þrefaldist næstu 30 ár
Þróun sérþekkingar á sviðinu er brýn þar sem fólki með heilabilun fjölgar ört á heimsvísu en áætlað er að fjöldi þeirra muni þrefaldast á næstu 30 árum. Heilabilunarsjúkdómar hafa í för með sér vitræna skerðingu sem hefur fjölþætt áhrif á einstaklinginn, en þeim fylgja skert lífsgæði, færniskerðing og álag á aðstandendur og velferðarþjónustuna í heild. Náminu var komið á fót í samræmi við stefnumótunarvinnu og lið í aðgerðaáætlun stjórnvalda í þjónustu við fólk með heilabilun frá 2020. Ári síðar fól Heilbrigðisráðuneytið HA að stýra undirbúningsvinnu fyrir námið sem og var námskráin þróuð í samstarfi við vinnuhóp sérfræðinga.
Árið 2023 leiddi starfsfólk HA vinnu við að sækja um styrk úr Samstarfssjóði Háskóla ásamt Háskóla Íslands fyrir það verkefni að undirbúa og kenna námið. Verkefnið hlaut tæplega 70 milljóna styrk úr sjóðnum og haustið 2024 hófu fyrstu 20 stúdentarnir nám og ári síðar 12 stúdentar. Námið er þverfaglegt og kennt í fjarnámi yfir 2 ár með tímasókn og hermikennslu í rauntíma auk vettvangsnáms. Stúdentar sem innritast þurfa að hafa lokið bakkalárprófi á sviði heilbrigðis – eða félagsvísinda. Samstarf Hjúkrunarfræðideildar HA og Félagsráðgjafadeildar Háskóla Íslands hefur reynst vel á árdögum námsins og styður við þverfaglegar áherslur þess. Til að tryggja framhald námsins og gæði hafa háskólarnir tveir undirritað samstarfssamning og boðið verður upp á námið næst haustið, 2027 og síðan á tveggja ára fresti.
Bein útsending frá stærstu Háskólahátíðinni til þessa
Í ár verða útskrifaðir tæplega 640 kandídatar og er þetta stærsta brautskráningin til þessa. Þetta er fjölgun um 7,8% frá því í fyrra.
Venju samkvæmt verður hægt að fylgjast með Háskólahátíð í beinni útsendingu í gegnum Facebook síðu háskólans.
· Hjúkrunarfræðideild og Iðjuþjálfunarfræðideild, 19. júní kl. 10.00
· Auðlindadeild og Viðskiptadeild, 19. júní kl. 14.00
· Kennaradeild og Lagadeild, 20. júní kl. 10.00
· Félagsvísindadeild og Sálfræðideild, 20. júní kl. 14.00
Gleðilega Háskólahátíð 2026!
Nýjast
-
Flugdagur Flugsafnsins og 100 ára afmæli Landhelgisgæslunnar
Flugdagur Flugsafns Íslands hefur verið haldinn árlega síðan árið 2000 og hefur ávallt verið vel sóttur. Í ár fögnum við sérstaklega 100 ára afmæli Landhelgisgæslunnar og mun hún taka virkan þátt í deginum með okkur að þessu sinni. -
Aldrei fleiri kandídatar verið brautskráðir frá Háskólanum á Akureyri
Í dag brautskrást fyrstu 9 stúdentarnir úr ráðgjöf í málefnum fólks með heilabilun frá Hjúkrunarfræðideild. Námið er 60 ECTS viðbótarnám á meistarastigi kennt í samstarfi við Félagsráðgjafadeild Háskóla Íslands og veita skólarnir prófið sameiginlega. Megininntak námsins er sérhæfing á sviði heilabilunar með áherslu á persónumiðaða, heildræna og samþætta ráðgjöf og þjónustu við fólk með heilabilun og aðstandendur þeirrar auk ráðgjafar og fræðslu til faghópa, almennings og stofnana. -
Samningsundirskrift og skóflustunga nýrrar legudeildar við Sjúkrahúsið á Akureyri
Í dag undirrituðu heilbrigðisráðherra, Alma Möller og Guðmundur Viðar Gunnarsson og Hjalti Steinþórsson frá GV- Gröfum verksamning við Nýjan Landspítala ohf. um jarðvinnu vegna byggingar nýrrar legudeildar við Sjúkrahúsið á Akureyri. Samninginn vottuðu Guðjón Hauksson, forstjóri SAk og Sigríður Inga Rúnarsdóttir, hjúkrunarfræðingur hjá SAk. -
Jón Björn Hákonarson ráðinn sveitarstjóri Eyjafjarðarsveitar
Í morgun var Jón Björn Hákonarson ráðinn í stöðu sveitarstjóra Eyjafjarðarsveitar. Jón Björn hefur áratuga reynslu af störfum á vettvangi sveitarstjórnarmála og víðtæka þekkingu á stjórnsýslu, stefnumótun og rekstri sveitarfélaga. Tekur hann við starfinu þann 1. ágúst næstkomandi, frá þessu segir á heimasíðu Eyjafjarðarsveitar rétt í þessu. -
Mikilvægur áfangi fyrir Norðurland og landið allt
Í dag verður tekin fyrsta skóflustungan að nýrri legudeild Sjúkrahússins á Akureyri. -
Dvergaholt verði botnlangi, ekki gegnumakstursgata
Skipulagsráð hefur fallið frá því að breyta deiliskipulagi á svæðinu við Dvergaholt, en hún fólst í því að Dvergaholti yrði breytt úr botnlangagötu í gegnumakstursgötu. Þannig yrði opið fyrir umferð frá Krossanesbraut um Dvergaholt niður að Óseyri. -
161 stúdent brautskráður frá Menntaskólanum á Akureyri í dag
,,Þjóðhátíðardagurinn 17. júní er okkur í MA mjög kær, ekki síst vegna þess að þá er brautskráning skólans. Athöfnin hófst kl. 10 í Íþróttahöllinni á Akureyri og alls var 161 stúdent brautskráður. Skólameistari Karl Frímannsson hélt ræðu, alls fluttu 6 fulltrúar afmælisárganga ávarp og Viltė Petkutė fráfarandi forseti skólafélagsins Hugins hélt ávarp fyrir hönd nýstúdenta." Frá þessu segir á heimasíðu Menntaskólans á Akureyri. -
Stöndum saman
Föðurafi minn, Þorsteinn Gíslason skáld og ritstjóri, fæddist við Eyjafjörð og eyddi þar fyrstu fimm árum ævi sinnar. Móðurafi minn, Vilmundur Jónsson landlæknir, var um skeið héraðslæknir í Þistilfjarðarhéraði. Þannig stendur á því að tilfinningatengsl mín við Norðurland eru ekki bundin við Skagafjörð einan þar sem ég var í sveit öll sumur æsku minnar hjá frændfólki mínu nyrðra, heldur teygja þau sig austur eftir öllu Norðurlandi og þaðan suður um Austurland til Hornarfjarðar. Báðir voru afar mínir skynsamir menn, hvor á sinn hátt. Ég þykist vita að Þorsteinn væri nú hlynntur inngöngu Íslands í ESB, en Vilmundur andvígur. Skynsamt fólk getur greint á um stjórnmál og einnig efnahagsmál, innan marka. Fátt er eðlilegra. Lýðræði hentar vel til að leysa úr slíkum ágreiningi þegar þess er þörf þannig að flestir geti við úrslitin unað. -
Gleðilega þjóðhátíð
