Dvergaholt verði botnlangi, ekki gegnumakstursgata
Botnlangi eða gegnumakstur? Um það eru ekki allir á eitt sáttir.
Skipulagsráð hefur fallið frá því að breyta deiliskipulagi á svæðinu við Dvergaholt, en hún fólst í því að Dvergaholti yrði breytt úr botnlangagötu í gegnumakstursgötu. Þannig yrði opið fyrir umferð frá Krossanesbraut um Dvergaholt niður að Óseyri.
Umhverfis- og mannvirkjaráð hafði talið breytinguna geta haft jákvæð áhrif á aðgengi og umferðarflæði á svæðinu, auk þess sem tvær akstursleiðir inn og út úr hverfinu geta aukið öryggi íbúa og bætt aðgengi viðbragðsaðila, svo sem lögreglu, sjúkraflutninga og slökkviliðs. Jafnframt er talið að tengingin geti auðveldað aðgengi að starfsemi við Óseyri og svæðinu neðan Dvergaholts, þar á meðal að smábátahöfn og annarri starfsemi á svæðinu. Með betri tengingu er jafnframt líklegt að umferð dreifist betur og að álag á gatnamót Óseyrar og Krossanesbrautar verði minna.
Fram komu alls 11 athugasemdir þar sem því var andmælt að gegnumakstur yrði leyfður um götuna. Nefndu þeir öryggismál, aukin slysahætta fylgdi í kjölfar opnunar götunnar. Þá var bent á aukna hjóðmengun og svifryk, sem valdi ónæði fyrir íbúa og torveldi atvinnurekstur, m.a. útgerð smábáta og meðhöndlun á fiski.
Ýmsir kostir
Íbúi við Dvergaholt sem sendi tillögu um breytinguna inn til skipulagsráðs byggði rök sín á því að gatan hefði tímabundið verið opin vegna framkvæmda og sá hann ýmsa kosti við að leyfa gegnumakstur, m.a. væri aðgangur fyrir lögreglu og sjúkrabíla greiðari og íbúar hefðu um tvær leiðir að velja að heiman og heim. Þá nýttist hringtenging vel fyrir þá 130 smábátaeigendur og rekstraraðila sem starfa við höfnina. Snjómokstur yrði einnig skilvirkari með gegnum streymi.
Skipulagsráð segir í bókun að útfæra þurfi göngustíg um svæðið með þeim hætt að hægt verði að aka stíginn ef á þurfi að halda, t.d. ef Dvergaholti yrði lokað við Krossanesbraut.
Nýjast
-
Dvergaholt verði botnlangi, ekki gegnumakstursgata
Skipulagsráð hefur fallið frá því að breyta deiliskipulagi á svæðinu við Dvergaholt, en hún fólst í því að Dvergaholti yrði breytt úr botnlangagötu í gegnumakstursgötu. Þannig yrði opið fyrir umferð frá Krossanesbraut um Dvergaholt niður að Óseyri. -
161 stúdent brautskráður frá Menntaskólanum á Akureyri í dag
,,Þjóðhátíðardagurinn 17. júní er okkur í MA mjög kær, ekki síst vegna þess að þá er brautskráning skólans. Athöfnin hófst kl. 10 í Íþróttahöllinni á Akureyri og alls var 161 stúdent brautskráður. Skólameistari Karl Frímannsson hélt ræðu, alls fluttu 6 fulltrúar afmælisárganga ávarp og Viltė Petkutė fráfarandi forseti skólafélagsins Hugins hélt ávarp fyrir hönd nýstúdenta." Frá þessu segir á heimasíðu Menntaskólans á Akureyri. -
Stöndum saman
Föðurafi minn, Þorsteinn Gíslason skáld og ritstjóri, fæddist við Eyjafjörð og eyddi þar fyrstu fimm árum ævi sinnar. Móðurafi minn, Vilmundur Jónsson landlæknir, var um skeið héraðslæknir í Þistilfjarðarhéraði. Þannig stendur á því að tilfinningatengsl mín við Norðurland eru ekki bundin við Skagafjörð einan þar sem ég var í sveit öll sumur æsku minnar hjá frændfólki mínu nyrðra, heldur teygja þau sig austur eftir öllu Norðurlandi og þaðan suður um Austurland til Hornarfjarðar. Báðir voru afar mínir skynsamir menn, hvor á sinn hátt. Ég þykist vita að Þorsteinn væri nú hlynntur inngöngu Íslands í ESB, en Vilmundur andvígur. Skynsamt fólk getur greint á um stjórnmál og einnig efnahagsmál, innan marka. Fátt er eðlilegra. Lýðræði hentar vel til að leysa úr slíkum ágreiningi þegar þess er þörf þannig að flestir geti við úrslitin unað. -
Gleðilega þjóðhátíð
-
Hollvinir SAk gefa Sjúkrahúsinu á Akureyri tíu nýjar BiPAP-öndunarvélar
Hollvinir Sjúkrahússins á Akureyri hafa gefið gjörgæslu- og lyflækningadeild sjúkrahússins tíu nýjar BiPAP-öndunarvélar sem munu efla verulega getu SAk til að veita sjúklingum með öndunarfærabilun nauðsynlegan öndunarstuðning. -
Horft um öxl - Verk Jóns Laxdal í Safnasafninu
Í Safnasafninu á Svalbarðsströnd stendur nú yfir sýningin Horft um öxl á verkum Jóns Laxdal (1950–2021). -
Kaldbakur EA 1 í flotkví Slippsins á Akureyri
Togarinn Kaldbakur EA 1, bolfisktogari Samherja, hefur verið í flotkví Slippsins á Akureyri undanfarna daga. -
Velkomin í þjóðhöfðingjakaffi 17.júní 2026!
Listasysturnar Áslaug og Brynja Harðardætur Tveiten bjóða gestum og gangandi á gluggasýningu á vinnustofu þeirrar síðarnefndu þar sem m.a. má sjá embættismyndir af forsetum Íslands. Sýningin stendur til 22. júní og er aðgengileg allan sólarhringinn þar sem hennar er notið utan frá séð. Systurnar hvetja alla sem eiga leið hjá að staldra við, gleðjast og rifja upp skemmtilegar minningar. -
Kanna útfærslu gjaldfrjálsra bílastæða fyrir eldri borgara
Bæjarráð hefur samþykkt með þremur atkvæðum meirihlutans að fela bæjarlögmanni og sviðsstjóra fjársýslusviðs að kanna útfærslu fyrirkomulags um gjaldfrjáls bílastæði fyrir eldri borgara.
