Aðalgeir fagnaði níræðisafmælinu á hvíta tjaldinu
Aðalgeir Egilsson mætti með eftirminnilegum hætti á frumsýninguna í Fjalakettinum á níræðisafmæli sínu, Stefán Jón Hafstein tók vel á móti honum. Ljósmyndir: Fjalakötturinn/Elvar Örn Egilsson.
Húsfyllir var í kvikmyndaklúbbnum Fjalakettinum á Húsavík á fimmtudagskvöld þegar tvær nýjar heimildarmyndir Stefáns Jóns Hafstein og Óskars Páls Sveinssonar voru frumsýndar. Aðalgeir Egilsson á Mánárbakka, aðalpersóna annarrar myndarinnar, varð níræður sama dag og var komið á óvart með óvenjulegri ferð á sýninguna.
Limmósína sótti Aðalgeir, fór með hann í ísrúnt til Húsavíkur og ók afmælisbarninu síðan að Fjalakettinum, þar sem þéttsetinn salur tók á móti honum. Myndin hafði áður verið forsýnd í Sólvangi, félagsheimili Tjörnesinga, fyrr um daginn í tilefni afmælis hans.
Heimildarmyndin fjallar um ævistarf Aðalgeirs og hið einstaka minjasafn sem hann hefur byggt upp á Mánárbakka. Áhorfendur fylgja honum um gamla húsið Þórshamar og torfbæinn í túninu, þar sem hann segir frá safngripum og sögunum sem þeim fylgja. Aðalgeir hefur jafnframt sinnt veðurathugunum á Tjörnesi um áratugaskeið og varð heitið Mánárbakki landsmönnum kunnugt úr veðurfréttum útvarpsins.
Stefán Jón sagði í samtali við Vikublaðið á dögunum að tengsl hans við Tjörnes og Mánárbakka næðu langt aftur. Hann var í sveit á Máná þrjú sumur í röð sem barn og kynntist þar bæði staðnum og fólkinu. Sú persónulega tenging varð síðar hluti af kveikjunni að gerð myndarinnar.
„Hérna týnist ekki tíminn, hann er vandlega varðveittur af einlægum áhuga,“ sagði Stefán Jón um safnið á Mánárbakka.
Hin myndin sem sýnd var þetta kvöld fjallar um Safnasafnið á Svalbarðseyri, sem nýverið fagnaði 30 ára afmæli. Þar er sjónum beint að ævistarfi Níelsar Hafstein og Magnhildar Sigurðardóttur og því einstaka safni alþýðulistar sem þau hafa byggt upp.
Stefán Jón stýrir frásögn og viðtölum í myndunum en Óskar Páll annaðist myndatöku og klippingu.
Nýjast
-
Aðalgeir fagnaði níræðisafmælinu á hvíta tjaldinu
Húsfyllir var í kvikmyndaklúbbnum Fjalakettinum á Húsavík á fimmtudagskvöld þegar tvær nýjar heimildarmyndir Stefáns Jóns Hafstein og Óskars Páls Sveinssonar voru frumsýndar. Aðalgeir Egilsson á Mánárbakka, aðalpersóna annarrar myndarinnar, varð níræður sama dag og var komið á óvart með óvenjulegri ferð á sýninguna. -
Ætlar sér að ná enn lengra
Auður Ósk Kristjánsdóttir, ungur og efnilegur leikmaður Völsungs, var í byrjunarliði U17 ára landsliðs Íslands sem mætti Portúgal í æfingaleik í Anadia í gær. -
Söngurinn ómaði um allt þorpið
Kirkjukór Húsavíkur bauð Raufarhafnarbúum upp á óvenjulega söngstund í Tönkunum á Raufarhöfn í gær -
NorðurOrg haldið í Hrafnagilsskóla
Forkeppni Söngkeppni Samfés á Norðurlandi fer fram í íþróttahúsi Hrafnagilsskóla. Sveitarstjórn fagnar því að viðburður af þessari stærðargráðu fari fram í Eyjafjarðarsveit. -
„Langódýrast að æfa handbolta á Akureyri“
Áhugaverð frétt sem ég las með þessari fyrirsögn „Langódýrast að æfa handbolta á Akureyri.“ Það er svo margt sem stenst ekki við þessa fyrirsögn því það er alls ekki ódýrast að æfa handbolta á Akureyri… Jú kannski eru sjálf æfingagjöldin lægst á Akureyri en þau eru bara brotabrot af kostnaðinum sem fylgir því að æfa handbolta. Allir flokkar frá 7. flokki og upp úr fara á mót og þar hrúgast inn kostnaðurinn sem gerir það að verkum að ég myndi frekar segja „langdýrast að æfa handbolta á Akureyri“. -
Gamla Þinghúsið í Eyjafjarðarsveit Hugmyndaþing um framtíðarnotkun
Sveitarstjórn Eyjafjarðarsveitar hefur samþykkt að efna til hugmyndaþing um framtíð reitsins þar sem gamla Þinghúsið stendur í Hrafnagilshverfi. Siðast var starfandi leikskóli í húsinu. -
Möl og sandur 80 ára: Starfsemin komin á nýjan stað
Möl og sandur fagnaði fyrr á árinu 80 ára afmæli. Starfsemi fyrirtækisins sem lengst af var við Súluveg hefur verið flutt að Sjafnarnesi. Gestum er boðið að kynna sér starfsemina á morgun, laugardag. -
Sniðgangan gengin í þriðja sinn
Sniðgangan 2026 verður gengin á morgun laugardag og hefst hún klukkan 14:00. Einkunnarorð göngunar í ár eru: Sniðgöngum öll. Farið verður frá Háskólann á Akureyri og er gengið að Ráðhústorgi þar sem verður eftirfarandi dagskrá við göngulok. -
Ný vatnslögn styrkir kerfið og bætir brunavarnir
Orkuveita Húsavíkur vinnur að lagningu um 480 metra langrar vatnslagnar frá Grundargarði, um Stóragarð og að Miðgarði. Lögnin er viðbót við núverandi vatnsveitukerfi og er ætlað að auka rekstraröryggi þess og bæta brunavarnir á svæðinu. Áætlaður kostnaður við framkvæmdina er um tólf milljónir króna
