Ábyrg efnahagsstjórn í orði en ekki á borði
Við þurfum bara agaða hagstjórn heyrist oft þegar rætt er um nauðsyn þess að skipta krónunni út fyrir stöðugan gjaldmiðil. Krónan er samkvæmt þessu ekki vandamálið heldur hagstjórnin og það eina sem við þurfum að gera er að ákveða að verða öguð. Í gegnum tíðina hefur það þó vafist töluvert fyrir okkur. Kannski vegna þess að ábyrgð í efnahagsmálum kallar gjarnan á óvinsælar ákvarðanir. Ákvarðanir sem stjórnmálamenn veigra sér við að taka, sérstaklega ef þeir hyggjast sitja lengi á þingi.
Óstöðugleikinn í íslensku efnahagslífi birtist meðal annars í viðvarandi verðbólgu. Það er vissulega stór áskorun að eiga við verðbólgu í landi sem hefur sjálfstæða mynt, sérstaklega þegar hagkerfið er jafn lítið og á Íslandi. Stjórnvöld hafa þó ekki látið sitt eftir liggja og margar ákvarðanir í gegnum tíðina hafa beinlínis ýtt undir óstöðugleika.
Sem dæmi má nefna tvær ákvarðanir stjórnvalda sem flestir eru nú sammála um að hafi verið hagstjórnarmistök.
Síðast þegar skattar voru lækkaðir var það í miðju góðærinu. Vinsæl aðgerð eflaust en vanhugsuð. Auknar ráðstöfunartekjur skiluðu sér ekki í meiri sparnaði heldur þvert á móti. Skattalækkunin ýtti enn frekar undir verðbólgu og aukinn viðskiptahalla og eftir á hafa menn viðurkennt að þessi ákvörðun var tekin gegn betri vitund. Stjórnvöld ýttu þannig undir óstjórn í efnahagsmálum en fengu hugsanlega einhver atkvæði fyrir uppátækið.
Einnig má nefna breytingar á húsnæðislánakerfinu 2004 og innrás bankanna á húsnæðislánamarkað. Reyndar má segja að lánveitingar til fasteignakaupa hafi farið algerlega úr böndunum og um tíma voru sumir bankar jafnvel farnir að bjóða lán gegn 100 % veðsetningu.
Fasteignaverð rauk upp og bankarnir lánuðu of mörgum of mikið. Skuldir heimilanna tvöfölduðust t.d. á 10 árum og voru þær þó ekkert sérstaklega lágar fyrir. Það hefði eflaust verið óvinsælt að setja hömlur á fasteignalán, eða útlán bankanna yfir höfuð, en það hefði hins vegar verið ábyrgt og það sem á tyllidögum er kallað öguð efnahagsstjórn.
Það er alltaf freistandi að boða aukin útgjöld til góðra mála, en sjaldan fylgir sögunni hvar og hvernig eigi að afla fjárins. Á sama hátt er vinsælt að lofa skattalækkunum en aldrei er tilgreint hvar eigi að skera niður á móti.
Mér finnst að stjórnmálamenn sem eru í vinsældakeppni fyrir kosningar ættu að hætta að lofa ábyrgri efnahagsstjórn. Það er nefnilega mjög hæpið að lofa auknum útgjöldum, lægri sköttum og agaðri hagstjórn allt á sama tíma. Árin fyrir hrun eru ágætis áminning um það.
Brynhildur Pétursdóttir, leiðir lista Bjartrar framtíðar í Norðausturkjördæmi
Nýjast
-
Brotist inn á vinnusvæði á fjórum stöðum
Fyrr í þessum mánuði var brotist inn á vinnusvæði á fjórum stöðum á Akureyri og stolið þaðan miklu magni af alls konar verkfærum. Þessi mál eru í rannsókn hjá okkur en ekki hefur enn tekist að hafa hendur í hári þjófanna. -
Vonarbrú - Markvissari fjársöfnun til sveltandi fólks á Gaza
„Það bætast nýir félagar við daglega og fyrir það erum við afskaplega þakklát. Ætli við séum ekki orðin um 70 talsins og fer fjölgandi. Við þiggjum að sjálfsögðu frjáls framlög einstaklinga, fyrirtækja og félaga með miklum þökkum, þau eru forsenda þess að við getum hjálpað áfram,“ segir Kristín S. Bjarnadóttir hjúkrunarfræðingur með sérmenntun í líknarhjúkrun, en hún hafði forgöngu um stofnun almannaheillafélagsins Vonarbrúar svo hægt væri að fara í markvissa fjársöfnun til frekari aðstoðar á Gaza svæðinu. -
Meira af rauðu hjörtunum í umferðarljósum
Ásthildur Sturludóttir, bæjarstjóri skrifar á Facebooksíðu sína í morgun og tekur af öll tvímæli með það að rauðu hjörtun fari ekki neitt. Miklar umræður hafa skapast í kjölfar frétta þess eðlis að Vegagerðin hafi sent bréf til skipulagsyfirvalda á Akureyri þar sem þess var farið á leit að umferðarljós Vegagerðarinnar á Akureyri verði færð í sitt upprunalega horft -
Vegagerðin vill ekki sjá rauð hjörtu í þeirra umferðarljósum
Á fundi skipulagsráðs Akureyrar í gær var tekið fyrir bréf sem ráðinu barst þann 11 júní s.l. frá Vegagerðinni þar sem þess er farið ákveðið leik við skipulagsyfirvöld að hjörtun verði fjarlægð úr umferðarljósunum sem Vegagerðin á. -
Hvatningastyrkur Félags íslenskra hjúkrunarfræðinga
Fimm hjúkrunarfræðingar fengu hvatningastyrk á aðalfundi Félags íslenskra hjúkrunarfræðinga sem haldinn var í Reykjavík þann 15. maí, ein þeirra var Elma Rún Ingvarsdóttir, sérfræðingur í barnahjúkrun á Sjúkrahúsinu á Akureyri. -
Tímabært að lækka fasteignaskatt
-segja fulltrúar S- og B-lista, en íbúar og fyrirtæki hafi tekið á sig miklar skattahækkanir í gegnum fasteignaskatt -
Samherji - Baldvin Þorsteinsson tekur við stýrinu
Baldvin Þorsteinsson hefur tekið við sem forstjóri Samherja hf. Þorsteinn Már Baldvinsson, faðir Baldvins, hefur látið af störfum eftir að hafa gegnt starfi forstjóra í 42 ár eða frá stofnun félagsins árið 1983. -
Styttri skóladagur og skráningardagar skila meiri ró og betri líðan í leikskólum
Ný rannsókn sýnir að gjaldfrjáls sex tíma leikskóli og skráningardagar hafa jákvæð áhrif á velferð barna og gæði leikskólastarfs á Akureyri og í Kópavogi. -
Björg EA 7 vígði endurbyggða Torfunefsbryggju á Akureyri
Endurbyggð Torfunefsbryggju við Pollinn á Akureyri var í dag vígð við hátíðalega athöfn. Togari Samherja, Björg EA 7, lagðist að bryggjunni og vígði þar með hið nýja mannvirki.
