Smíðar skartgripi úr silfri og íslenskum steinum
Guðmundur Bjarnason er 89 ára skipasmiður og starfaði í áratugi hjá Slippstöðinni á Akureyri. Hann býr nú í Lögmannshlíð og gerir skartgripi úr silfri og íslenskum steinum. Guðmundur var í áhugaverðu spjalli á Fésbókarsíðu Akureyrarbæjar þar sem hann ræddi áhugamálið og lífið á Hlíð.
„Eftir morgunmatinn sest ég hérna og dunda fram að hádegi. Svo byrja ég aftur eftir hádegi, stundum í klukkutíma og stundum þrjá. Ég kaupi silfurplöturnar og silfurvírinn frá Bandaríkjunum, svo klippi ég það niður og geri það sem ég vil. Iðnaðarmaður sem slíkur vill hafa eitthvað að gera, þetta er í blóðinu og ég get smíðað hvað sem mér dettur í hug,“ segir Guðmundur.
Hann er fæddur á Bíldudal en hefur búið á Akureyri frá barnsaldri. Eftir nám í skipasmíði lá leiðin í Slippstöðina. „Upphaflega var megin parturinn af fyrirtækinu í viðgerðum. Á vorin var unnið til tíu á kvöldin í þrjá, fjóra mánuði við að gera klárt fyrir síldarvertíðina. En nýsmíðin var það sem stjórnendur vildu, enda gaf hún mikla vinnu og þegar mest lét vorum við um 440 manns. Árið 1970 var ég gerður verkstjóri í nýsmíði og var í því starfi þangað til ég hætti.“
En hvernig var Akureyri á þessum tíma? „Mannlífið var gott, enda þekkti fólk ekkert annað. Það voru náttúrulega víða í bænum kindur og kýr. Einn húsgagnasmiðurinn var með gott verkstæði og marga menn í vinnu en frúin sá um kindurnar og mjólka kýrnar. Það sem vantaði hjá öllum var að hafa meiri vinnu, þá gat fólk keypt meira,“ segir Guðmundur og bætir við að bæjaryfirvöld þess tíma hafi skort framtíðarsýn. „Það hefði þurft að skipuleggja bæinn strax fyrir að lágmarki 20 til 50 þúsund manns. Um leið og skipulagið er komið fara menn að sækjast í lóðir og byggja. Ef Akureyrarbær hefði haft nægar lóðir frá fyrstu hendi þá hefði bærinn orðið margfalt sterkari,“ segir hann.
Guðmundur eignaðist fjögur börn með konu sinni, Kristínu Kjartansdóttur, sem lést í fyrra. „Ef þú nærð í góða konu þá hugsarðu þig tvisvar um áður en þú hættir við hana. Hún hélt vel á öllu og skapaði heimilið.“ Það var einmitt í gegnum Kristínu sem Guðmundur kynntist Lögmannshlíð. „Hún var hérna í þrjú ár og ég kom alltaf eftir hádegi og fór heim á kvöldin. Ég sótti um að fá að komast á sömu deild af því að stúlkurnar voru svo góðar, liprar og þægilegar og það var geysilega vel hugsað um hana,“ segir Guðmundur sem er nú sjálfur nýfluttur þangað.
„Mér líkar ágætlega, þetta er alveg draumur. Það eina sem vantar hjá Akureyrarbæ er að byggja tvö eða þrjú hús eins og þetta handa gamla fólkinu.“ Guðmundur lætur ekkert stoppa sig, en hann veiktist fyrr á árinu og missti annan fótinn. „Ég vissi að það var ekkert annað að gera og sagði lækninum bara að taka stubbinn, ekkert kjaftæði! Svo fæ ég bara gervifót og fer að ganga. Ég nota hann mikið og það er ekkert mál. Það versta sem nokkur maður getur gert er að gera ekki neitt. Líkaminn er hannaður til að vinna og það þarf að halda honum við,“ segir Guðmundur Bjarnason.
Nýjast
-
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur?
Athugasemdir