Íþróttafólk KA 2023 Helena Kristín Gunnarsdóttir og Hallgrímur Mar Steingrímsson
Kjöri íþróttafólks KA fyrir árið 2023 var lýst í afmæliskaffi sem fram fór í KA heimilinu i dag. Það voru þau Helena Kristín Gunnarsdóttir blakdeild og Hallgrímur Mar Steingrímsson knattspyrnudeild sem sæmdarheitin hlutu.
Í umsögn frá KA um þau segir:
,,Helena Kristín var ein af lykilmanneskjunum í framúrskarandi blakliði KA þegar stelpurnar okkar unnu alla þá titla sem hægt var að vinna tímabilið 2022-2023. Stelpurnar urðu Meistarar meistaranna, deildarmeistarar, bikarmeistarar og að lokum Íslandsmeistarar. Helena var í lok tímabils valin í lið ársins í stöðu kants auk þess að vera valin besti leikmaður Úrvalsdeildarinnar af Blaksambandi Íslands.
Hallgrímur Mar átti gott tímabil með KA í Bestu deildinni. Hann var stoðsendingarhæsti leikmaður Bestu deildarinnar með 13 stoðsendingar sem var jöfnun á stoðsendingameti efstu deildar. Í deild, bikar og Evrópukeppni skoraði hann 10 mörk. Hallgrímur Mar var lykilmaður í KA liðinu sem fór alla leið í þriðju umferð undankeppni Sambandsdeildarinnar og í bikarúrslit. Erfitt er að finna félagsmet í meistaraflokki KA í knattspyrnu sem Hallgrímur Mar á ekki en hann er leikjahæsti, stoðsendingahæsti og markahæsti leikmaður KA frá upphafi."
Lið ársins
Við sama tilefni var mfl kvenna i blaki valið lið ársins hjá KA en liðið átti hreint út sagt frábært timabil og vann alla titla sem i boði voru á tímabilinu 2022-23 þ.e. Meistarar meistaranna, deildar-, bikar og Íslandsmeistara.
Lið ársins hjá KA var hið sigursæla blaklið kvenna.
Þjálfari ársins
Miguel Mateo Castrillo er þjálfari ársins, hann hefur náð ótrúlegum árangri sem þjálfari karla- og kvennaliðs KA í blaki. Með stelpunum vann hann alla þá titla sem hægt var að vinna tímabilið 2022-23 er stelpurnar urðu Íslands-, bikar og beildarmeistarar auk þess að hampa titlinum Meistarar meistaranna. Með karlaliðinu vann hann Íslandsmeistaratitilinn auk þess að vinna Meistari meistaranna nú í haust.
Miguel Mateo Castrillo er þjálfari ársins hjá KA.
Handhafar Böggubikarsins 2023
Lydía Gunnþórsdóttir handboltakona og Magnús Dagur Jónatansson handboltamaður eru handhafar Böggubikarsins fyrir árið 2023. Böggubikarinn er farandbikar sem veittur er einstaklingum, pilti og stúlku, á aldrinum 16-19 ára sem þykja efnileg í sinni grein en ekki síður sterk félagslega. Einstaklingum sem eru til fyrirmyndar á æfingum og í keppnum og eru jákvæð og hvetjandi.
Böggubikarinn er veittur í minningu Sigurbjargar Níelsdóttur, Böggu, sem fædd var þann 16. júlí 1958 og lést þann 25. september 2011.
Lydía Gunnþórsdóttir KA/Þór handbolta, handhafi Böggubikarsins
Magnús Dagur Jónatansson handbolta, handhafi Böggubikarsins
Byggt á fregn á heimasíðu KA.
Nýjast
-
Lokaorðið - Mæður allra alda
Það styttist trúlega í þriðju heimsstyrkjöldina, og þó er býsna stutt síðan þeirri síðustu lauk, elsta kynslóðin man þá tíma vel. -
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju
Athugasemdir