Yfirlýsing frá stjórn Draupnis
Af óviðráðanlegum orsökum neyðumst við í stjórn Draupnis til þess að draga karlalið okkur út úr Íslandsmótinu í 3.deild karla D-riðli. Ástæðurnar fyrir þessu eru fjölmargar en þær helstar að gríðarlega erfitt hefur reynst að manna útileiki. Ástæðurnar eru margar og of langt mál er að telja þær upp hér. Félagið verið hálf aðstöðulaust alla sína tíð sem hefur orsakast í því að liðið nær lítið að æfa milli leikja sem auðvitað kemur niður á gæðum og gleðinni í knattspyrnunni.
Þegar gleðin er farin úr starfinu er lítið eftir í svona félagi. Undir lokin var svo komið að einungis átta leikmenn voru tiltækir í ferð sem átti að fara austur um helgina til að leika tvo leiki. Í ljósi þess að liðið þurfti að leika með nokkra ólöglega leikmenn í fyrri leik í fyrstu ferð sumarsins, fyrr í sumar, þótti ljóst að ekki væri ástandið að skána neitt hvað þessar ferðir varðar. Tók stjórnin því þá ábyrgðarmiklu ákvörðun að draga liðið úr þátttöku í stað þess að halda áfram vonlausri baráttu við að manna liðið sem aldrei hefði endað nema á einn veg.
Okkur er það fyllilega ljóst að þetta kemur illa við félögin sem spila í D-riðli þriðju deildar og viljum við koma á framfæri innilegum afsökunarbeiðnum til þeirra félaga, þá sér í lagi til þeirra félaga sem hafa nú þegar lagt land undir fót til þess að spila við okkur hér á Akureyri. Þessi ákvörðun er tekin í algjörri neyð og því miður er það svo að Draupnir hefur að öllum líkindum leikið sinn síðasta leik í sögu félagsins. Þriggja ára vinnu við að reyna að koma á fót stöðugu "þriðja" liði á Akureyri er því miður lokið á versta hátt sem við getum hugsað okkur.
Ætlunin var í upphafi að vera í góðri samvinnu við stóru félögin hér í bæ, Þór og KA. Því miður varð slíkt samstarf aldrei að neinni alvöru og því var alltaf ljóst að á brattan yrði að sækja fyrir félagi eins og Draupni án aðstöðu og án stuðnings. Við í stjórninni viljum hins vegar koma á framfæri þökkum til þeirra sem hafa stutt félagið okkar í gegnum þessi þrjú ár og þá sérstaklega starfsfólki Bogans og Hamars fyrir liðlegheit í okkar garð. Starfsfólk KSÍ hefur einnig reynst okkur mjög vel og sýnt aðstæðum okkar skilning og ekki síst nú þegar þurfti að taka þessa erfiðu ákvörðun, kunnum við þeim bestu þakkir fyrir aðstoðina undanfarin ár. Að lokum viljum við þakka þjálfurum okkar sl. ár þeim Hlyni Birgissyni og Steingrími Eiðssyni fyrir frábært starf við erfiðar aðstæður.
Stjórn Draupnis
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
