Alfreð Gíslason hlýtur heiðursviðurkenningu Útflutningsverðlauna forseta Íslands 2026
Frá athöfinni á Bessastöðum í gær Myndir Íslandsstofa.
Akureyringurinn Alfreð Gíslason fyrrum leikmaður og þjálfari KA hlaut í gær heiðursviðurkenningu Útflutningsverðlauna forseta Íslands 2026 fyrir einstakan árangur á alþjóðavettvangi og fyrir að hafa verið brautryðjandi íslenskra handknattleiksþjálfara erlendis.
Í frétt frá Íslandsstofu um viðurkenninguna segir:
,,Alfreð er fæddur á Akureyri árið 1959 og hóf feril sinn með KA. Hann lék síðar með KR áður en hann hélt til Þýskalands og Spánar, þar sem hann lék meðal annars með TUSEM Essen og Bidasoa. Hann var valinn íþróttamaður ársins á Íslandi árið 1989 og var jafnframt um árabil lykilmaður í íslenska landsliðinu.
Eftir farsælan leikmannaferil hóf Alfreð þjálfaraferil sinn hjá KA og leiddi liðið meðal annars til Íslandsmeistaratitils árið 1997. Þaðan lá leiðin aftur til Þýskalands, þar sem hann hefur um áratugaskeið verið í fremstu röð handknattleiksþjálfara.
Hann stýrði meðal annars Magdeburg til fyrsta Þýskalandsmeistaratitils félagsins og vann með liðinu þrjá Evróputitla. Síðar tók hann við Gummersbach og stýrði jafnframt íslenska landsliðinu á HM 2007 og EM 2008. Í kjölfarið tók hann við Kiel og stýrði liðinu í ellefu tímabil. Á þeim tíma varð Kiel sex sinnum Þýskalandsmeistari, vann bikarkeppnina jafn oft og Meistaradeild Evrópu tvisvar.
Frá árinu 2020 hefur Alfreð stýrt þýska landsliðinu og náð þar eftirtektarverðum árangri. Liðið vann silfurverðlaun á Ólympíuleikunum 2024 og hafnaði í öðru sæti á Evrópumeistaramótinu 2026.
Ferill Alfreðs ber vott um einstaka fagmennsku, leiðtogahæfni og árangur. Áhrif hans verða þó ekki aðeins metin í titlum og verðlaunapeningum. Með löngum og farsælum ferli erlendis hefur hann verið brautryðjandi fyrir íslenska þjálfara og átt þátt í að opna þeim leið að stærri verkefnum hjá félagsliðum og landsliðum víða um heim.
Alfreð með fjölskyldu sinni, ásamt forsetanum og Árna Sigurjónssyni formanni stjórnar Íslandsstofu
Nýjast
-
Alfreð Gíslason hlýtur heiðursviðurkenningu Útflutningsverðlauna forseta Íslands 2026
Akureyringurinn Alfreð Gíslason fyrrum leikmaður og þjálfari KA hlaut í gær heiðursviðurkenningu Útflutningsverðlauna forseta Íslands 2026 fyrir einstakan árangur á alþjóðavettvangi og fyrir að hafa verið brautryðjandi íslenskra handknattleiksþjálfara erlendis. -
Starfsmenn Slippsins vinna að viðhaldi á Jökulsárbrúnni
Undanfarna daga hefur Slippurinn iðnaðarþjónusta unnið að viðhaldi á Jökulsárbrúnni. -
Aðskilnaðarstefna ríkis og landsbyggðar – fáum við öll brauðtertusneið?
Niðurstöður þjóðaratkvæðagreiðslu um ESB ættu að vera stjórnvöldum umhugsunarefni, ekki bara vegna málsins sjálfs heldur vegna þess hversu skýr skil urðu milli höfuðborgar og landsbyggðarinnar. -
Ingólfur Jóhannsson er Akureyringur vikunnar á facebooksíðu Akureyrarbæjar
Ingólfur Jóhannsson framkvæmdastjóri Skógræktarfélags Eyfirðinga vakti á dögunum athygli á slæmri umgengni í skóginum eftir skemmtanahald. „Vanalega er umgengni um skóginn til fyrirmyndar og við hjá Skógræktarfélaginu reynum að ganga á undan með góðu fordæmi. Ingólfur er Akureyringur vikunnar á facebooksíðu Akureyrarbæjar þar sem hann kemur inn á umgengni og fleiri þætti í starfsemi SE: Hér má lesa viðtalið við Ingólf -
Að verja fé til endurhæfingar er fjárfesting
,,Kannski eigum við það líka sameiginlegt að bera ákveðinn beyg í brjósti, jafnvel ótta yfir því hvert verður framhaldslíf þeirra bygginga sem hér standa allt í kringum okkur. Byggingar þessar tilheyra Kristnesspítala og síðustu áratugi hefur hér verið rekin öflug endurhæfingar- og öldrunarlækningadeild á vegum SAk, sú eina sinnar tegundar á landsbyggðinni. Því miður hafa þessar byggingar reynst það illa farnar af langvinnum rakaskemmdum og tilheyrandi myglu að ekki er talið heilsusamlegt að nýta þær lengur undir þessa þjónustu." Þetta sagði Sólveig Pétursdóttir þjónustustjóri og yfirlæknir Endurhæfingar- og öldrunarlækningaþjónustu SAk í ávarpi sem hún flutti á samkomunni Björgum Kristnesi -
Fyrsta skóflustunga tekin að nýjum stúdentagörðum við Háskólann á Akureyri
Alls rísa 124 búsetueiningar í þremur byggingum -
Húsið við Hvannavelli 10 til sölu
Húsnæði við Hvannavelli 10, áður bækistöð Hjálpræðishersins á Akureyri hefur verið auglýst til sölu. Uppsett verð er 135 milljónir króna. -
Opinn fundur um vestnorrænt samstarf á Amtsbókasafninu Uppfært!
Norræna félagið á Norðurlandi býður almenningi á opinn kynningarfund um starfsemi Vestnorræna ráðsins í dag miðvikudag 2. september kl. 17:00 á Amtsbókasafninu á Akureyri. -
Stjórnmálin verða að svara þeim sem minnst hafa
Það er kominn tími til að stjórnmálamenn hætti að tala um eldri borgara sem einsleitan hóp. Eldri borgarar eru fjölmennur og fjölbreyttur hópur. Sumir hafa góðar tekjur og búa við ágæt kjör. Aðrir þurfa að snúa hverri krónu við og hafa verulegar áhyggjur af því hvernig þeir ná endum saman.
